Priyanka Chopra Shah Rukh Khan Friendship: ਬਾਲੀਵੁੱਡ ਤੋਂ ਹਾਲੀਵੁੱਡ ਤੱਕ ਸੁਰਖੀਆਂ ਬਟੋਰਨ ਵਾਲੀ ਪ੍ਰਿਯੰਕਾ ਚੋਪੜਾ ਉਦੋਂ ਤੋਂ ਹੀ ਸੁਰਖੀਆਂ ਵਿੱਚ ਹੈ, ਜਦੋਂ ਉਸਨੇ ਦੱਸਿਆ ਕਿ ਉਸਨੇ ਹਿੰਦੀ ਸਿਨੇਮਾ ਨੂੰ ਅਲਵਿਦਾ ਕਿਉਂ ਕਿਹਾ। ਪ੍ਰਿਯੰਕਾ ਚੋਪੜਾ ਦੇ ਇਸ ਖੁਲਾਸੇ ਤੋਂ ਬਾਅਦ ਕਈ ਸੈਲੇਬਸ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਹੁਣ ਚਰਚਾ ਹੋ ਰਹੀ ਹੈ ਕਿ ਪ੍ਰਿਯੰਕਾ ਨੂੰ ਸ਼ਾਹਰੁਖ ਖਾਨ ਨਾਲ ਦੋਸਤੀ ਦੀ ਵਜ੍ਹਾ ਕਰਕੇ ਬਾਲੀਵੁੱਡ ਨੂੰ ਅਲਵਿਦਾ ਕਹਿਣਾ ਪਿਆ ਸੀ।
ਇਹ ਵੀ ਪੜ੍ਹੋ: ਪੰਜਾਬੀ ਗਾਇਕ ਬੱਬੂ ਮਾਨ ਦਾ ਟਵਿੱਟਰ ਅਕਾਊਂਟ ਇੰਡੀਆ 'ਚ ਬੰਦ, ਸਾਹਮਣੇ ਆਇਆ ਇਹ ਵੱਡਾ ਕਾਰਨ
ਪ੍ਰਿਯੰਕਾ 'ਤੇ ਕੰਗਨਾ ਰਣੌਤ ਦਾ ਟਵੀਟ
ਪ੍ਰਿਯੰਕਾ ਚੋਪੜਾ ਦੇ ਬਾਲੀਵੁੱਡ ਤੋਂ ਬਾਹਰ ਹੋਣ ਦਾ ਖੁਲਾਸਾ ਕਰਨ ਤੋਂ ਬਾਅਦ, ਕੰਗਨਾ ਰਣੌਤ ਨੇ ਵੀ ਅਭਿਨੇਤਰੀ ਦਾ ਪੱਖ ਲਿਆ ਅਤੇ ਇੱਕ ਵਾਰ ਫਿਰ ਬਾਲੀਵੁੱਡ ਮਾਫੀਆ 'ਤੇ ਆਪਣਾ ਗੁੱਸਾ ਕੱਢਿਆ। ਕੰਗਨਾ ਨੇ ਕਿਹਾ, “ਮੀਡੀਆ ਨੇ ਕਰਨ ਜੌਹਰ ਨਾਲ ਉਸ ਦੇ ਸਬੰਧਾਂ ਬਾਰੇ ਬਹੁਤ ਕੁਝ ਲਿਖਿਆ, ਕਿਉਂਕਿ ਉਹ (ਪ੍ਰਿਯੰਕਾ) ਸ਼ਾਹਰੁਖ ਖਾਨ ਅਤੇ ਫਿਲਮ ਮਾਫੀਆ ਨਾਲ ਚੰਗੀ ਦੋਸਤ ਸੀ, ਜੋ ਬਾਹਰੀ ਲੋਕਾਂ ਦੀ ਭਾਲ ਕਰਦੀ ਸੀ। ਉਸ ਨੇ ਪੀਸੀ ਨਾਲ ਪੰਚਿੰਗ ਬੈਗ ਸਮਝਿਆ ਅਤੇ ਉਸ ਨੂੰ ਇੰਨਾ ਤੰਗ ਕੀਤਾ ਕਿ ਉਸ ਨੂੰ ਭਾਰਤ ਛੱਡਣਾ ਪਿਆ।" ਕੰਗਨਾ ਨੇ ਵੀ ਕਰਨ ਨੂੰ ਈਰਖਾਲੂ, ਮਤਲਬੀ ਅਤੇ ਜ਼ਹਿਰੀਲਾ ਦੱਸਿਆ।
ਸ਼ਾਹਰੁਖ-ਪ੍ਰਿਯੰਕਾ ਦਾ ਰਿਸ਼ਤਾ
ਕੰਗਨਾ ਦੇ ਇਸ ਟਵੀਟ ਤੋਂ ਬਾਅਦ ਸਵਾਲ ਉੱਠਣੇ ਸ਼ੁਰੂ ਹੋ ਗਏ ਹਨ ਕਿ ਕੀ ਸ਼ਾਹਰੁਖ ਖਾਨ ਨਾਲ ਦੋਸਤੀ ਕਾਰਨ ਪ੍ਰਿਯੰਕਾ ਨੂੰ ਦੇਸ਼ ਛੱਡਣਾ ਪਿਆ ਸੀ। ਜੇਕਰ ਤੁਸੀਂ ਨਹੀਂ ਜਾਣਦੇ ਤਾਂ ਤੁਹਾਨੂੰ ਦੱਸ ਦਈਏ ਕਿ ਸ਼ਾਹਰੁਖ ਅਤੇ ਪ੍ਰਿਯੰਕਾ ਦੇ ਅਫੇਅਰ ਦੀਆਂ ਖਬਰਾਂ ਨੇ ਵੀ ਕਾਫੀ ਸੁਰਖੀਆਂ ਬਟੋਰੀਆਂ ਸਨ। ਪ੍ਰਿਯੰਕਾ ਅਤੇ ਸ਼ਾਹਰੁਖ ਨੇ ਫਿਲਮ 'ਡਾਨ' 'ਚ ਇਕੱਠੇ ਕੰਮ ਕੀਤਾ ਸੀ। ਉਸ ਸਮੇਂ ਖਬਰਾਂ ਆਈਆਂ ਸਨ ਕਿ ਦੋਵੇਂ ਇੱਕ ਦੂਜੇ ਨੂੰ ਡੇਟ ਕਰ ਰਹੇ ਹਨ। ਸ਼ਾਹਰੁਖ ਨੇ ਪ੍ਰਿਯੰਕਾ ਨੂੰ ਹਮੇਸ਼ਾ ਚੰਗਾ ਦੋਸਤ ਮੰਨਿਆ ਅਤੇ ਡੇਟਿੰਗ ਦੀਆਂ ਅਫਵਾਹਾਂ ਨੂੰ ਖਾਰਜ ਕੀਤਾ, ਪਰ ਉਨ੍ਹਾਂ ਦੇ ਅਫੇਅਰ ਦੀਆਂ ਖਬਰਾਂ ਘੱਟ ਨਹੀਂ ਹੋਈਆਂ।
ਕਿਉਂ ਸ਼ਾਹਰੁਖ ਦੀ ਦੋਸਤੀ ਨੇ ਪ੍ਰਿਯੰਕਾ ਦੇ ਕਰੀਅਰ ਨੂੰ ਪ੍ਰਭਾਵਿਤ ਕੀਤਾ?
ਇੱਕ ਵਾਰ ਇੱਕ ਪਾਰਟੀ ਵਿੱਚ ਸ਼ਾਹਰੁਖ ਖਾਨ ਨੇ ਪ੍ਰਿਯੰਕਾ ਚੋਪੜਾ ਨੂੰ ਕਿੱਸ ਕੀਤਾ ਸੀ। ਸ਼ਾਹਰੁਖ ਦੀ ਪਤਨੀ ਗੌਰੀ ਖਾਨ ਇਸ ਗੱਲ ਤੋਂ ਇੰਨੀ ਪਰੇਸ਼ਾਨ ਸੀ ਕਿ ਇਸ ਦਾ ਅਸਰ ਪ੍ਰਿਯੰਕਾ ਦੇ ਕਰੀਅਰ 'ਤੇ ਪੈਣ ਲੱਗਾ। ਕਰਨ ਜੌਹਰ ਨੂੰ ਵੀ ਸ਼ਾਹਰੁਖ ਅਤੇ ਪ੍ਰਿਯੰਕਾ ਦੀ ਨੇੜਤਾ ਪਸੰਦ ਨਹੀਂ ਸੀ, ਇਸ ਲਈ ਉਨ੍ਹਾਂ ਨੇ ਵੀ ਪ੍ਰਿਯੰਕਾ ਦਾ ਬਾਈਕਾਟ ਕਰ ਦਿੱਤਾ। ਗੌਰੀ ਨੇ ਸ਼ਾਹਰੁਖ ਨੂੰ ਧਮਕੀ ਵੀ ਦਿੱਤੀ ਕਿ ਉਹ ਪ੍ਰਿਯੰਕਾ ਨਾਲ ਦੁਬਾਰਾ ਕਦੇ ਕੰਮ ਨਹੀਂ ਕਰੇਗੀ। ਸ਼ਾਹਰੁਖ ਖਾਨ ਨਾਲ ਦੋਸਤੀ ਪ੍ਰਿਯੰਕਾ ਚੋਪੜਾ ਨੂੰ ਇੰਨੀਂ ਭਾਰੀ ਪਈ ਕਿ ਉਸ ਨੂੰ ਬਾਲੀਵੁੱਡ ਤੋਂ ਦੂਰ ਹੋਣਾ ਪਿਆ। ਕਿਹਾ ਜਾਂਦਾ ਹੈ ਕਿ ਗੌਰੀ ਖਾਨ ਤੇ ਕਰਨ ਜੌਹਰ ਦੀ ਕਾਫੀ ਚੰਗੀ ਦੋਸਤੀ ਹੈ। ਇਸ ਲਈ ਕਰਨ ਨੇ ਉਸ ਸਮੇਂ ਗੌਰੀ ਦਾ ਸਾਥ ਦਿੰਦੇ ਹੋਏ ਪ੍ਰਿਯੰਕਾ ਨੂੰ ਦਰਕਿਨਾਰ ਕਰ ਦਿੱਤਾ। ਇਸ ਦੇ ਨਾਲ ਨਾਲ ਰਿਪੋਰਟਾਂ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਸ਼ਾਹਰੁਖ ਦੀ ਸਿਫਾਰਸ਼ 'ਤੇ ਹੀ ਪ੍ਰਿਯੰਕਾ ਨੂੰ ਹਾਲੀਵੁੱਡ 'ਚ ਕੰਮ ਮਿਲਿਆ ਸੀ।
ਇਹ ਵੀ ਪੜ੍ਹੋ: ਕਰਨ ਔਜਲਾ ਨੇ ਦਿਲਜੀਤ ਦੋਸਾਂਝ ਬਾਰੇ ਕਹੀ ਵੱਡੀ ਗੱਲ, ਕੋਚੇਲਾ 'ਚ ਪਰਫਾਰਮ ਕਰਨ ਨੂੰ ਲੈਕੇ ਕਹੀ ਇਹ ਗੱਲ