ਅੱਜ ਯਾਨੀ 29 ਨਵੰਬਰ ਨੂੰ ਦੋਵੇਂ ਆਪਣੇ ਪਰਿਵਾਰ ਨਾਲ ਮੁੰਬਈ ਏਅਰਪੋਰਟ ‘ਤੇ ਨਜ਼ਰ ਆਏ ਜਿੱਥੇ ਸਭ ਜੋਧਪੁਰ ਲਈ ਰਵਾਨਾ ਹੋਏ। ਇਸ ਮੌਕੇ ਨਿੱਕ-ਪ੍ਰਿਅੰਕਾ ਨੇ ਇੱਕ-ਦੂਜੇ ਦਾ ਹੱਥ ਫੜਿਆ ਸੀ, ਪਰ ਦੋਵਾਂ ਨੇ ਮੀਡੀਆ ਨਾਲ ਕਿਸੇ ਤਰ੍ਹਾਂ ਦੀ ਕੋਈ ਗੱਲ ਨਹੀਂ ਕੀਤੀ। ਇੱਥੇ ਦੋਵਾਂ ਨਾਲ ਨਿੱਕ ਦੇ ਭਰਾ ਜੋਏ ਜੋਨਸ ਤੇ ਉਸ ਦੀ ਮੰਗੇਤਰ ਵੀ ਨਜ਼ਰ ਆਈ। ਦੋਵੇਂ ਪਰਿਵਾਰ ਅੱਜ ਲੰਚ ਤੋਂ ਬਾਅਦ ਵਿਆਹ ਦੀਆਂ ਤਿਆਰੀਆਂ ‘ਚ ਲੱਗ ਜਾਣਗੇ।
ਇਸ ਦੌਰਾਨ ਪ੍ਰਿਅੰਕਾ ਚੋਪੜਾ ਰਵਾਇਤੀ ਅੰਦਾਜ਼ ‘ਚ ਨਜ਼ਰ ਆਈ ਤੇ ਨਿੱਕ ਬੇਹੱਦ ਸਿੰਪਲ ਲੁੱਕ ‘ਚ ਨਜ਼ਰ ਆ ਰਹੇ ਸੀ। ਨਿੱਕ ਤੇ ਪ੍ਰਿਅੰਕਾ ਇੱਥੋਂ ਆਪਣੇ ਚਾਰਟਰ ‘ਚ ਸਵਾਰ ਹੋ ਸਿੱਧਾ ਜੋਧਪੁਰ ਪਹੁੰਚਣਗੇ। ਇਸ ਤੋਂ ਇਲਾਵਾ ਇਸ ਸ਼ਾਹੀ ਵਿਆਹ ਦੀ ਗੱਲ ਕਰੀਏ ਤਾਂ ਪ੍ਰਿਅੰਕਾ-ਨਿੱਕ ਆਪਣੇ ਵਿਆਹ ‘ਤੇ ਕਰੀਬ 4 ਕਰੋੜ ਰੁਪਏ ਖਰਚ ਕਰ ਰਹੇ ਹਨ। ਦੋਵਾਂ ਦੇ ਵਿਆਹ ਦੀ ਰਿਸੈਪਸ਼ਨ ਦਾ ਗ੍ਰੈਂਡ ਪ੍ਰਬੰਧ ਦਿੱਲੀ ‘ਚ 4 ਦਸੰਬਰ ਨੂੰ ਕੀਤਾ ਗਿਆ ਹੈ।