Binnu Dhillon Video: ਸਾਊਥ ਦੀਆਂ ਫਿਲਮਾਂ ਦਾ ਪੂਰੇ ਦੇਸ਼ 'ਚ ਜ਼ਬਰਦਸਤ ਕਰੇਜ਼ ਹੈ। ਅਜਿਹਾ ਕੋਈ ਨਹੀਂ ਜੋ ਕਿ ਸਾਊਥ ਦੇ ਸਟਾਰਜ਼ ਤੇ ਇਨ੍ਹਾਂ ਫਿਲਮਾਂ ਦਾ ਫੈਨ ਨਾ ਹੋਵੇ। ਪਿਛਲੇ ਸਾਲ ਸਾਊਥ ਦੀ ਇੱਕ ਫਿਲਮ ਆਈ ਸੀ 'ਪੁਸ਼ਪਾ'। ਜਿਸ ਨੂੰ ਪੂਰੇ ਦੇਸ਼ 'ਚ ਖੂਬ ਪਿਆਰ ਮਿਿਲਿਆ ਸੀ, ਨਾਲ ਹੀ ਫਿਲਮ ਦੇ ਡਾਇਲੌਗ ਵੀ ਕਾਫੀ ਜ਼ਿਆਦਾ ਮਸ਼ਹੂਰ ਹੋਏ ਸੀ।
ਹਾਲ ਹੀ 'ਚ ਬਿਨੂੰ ਢਿੱਲੋਂ ਨੇ ਇੱਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਹੈ, ਜਿਸ ਦੀ ਕਾਫੀ ਚਰਚਾ ਹੋ ਰਹੀ ਹੈ। ਦੱਸ ਦਈਏ ਕਿ ਇਹ ਵੀਡੀਓ 'ਕੈਰੀ ਆਨ ਜੱਟਾ 3' ਦੇ ਸੈੱਟ ਦਾ ਹੈ। ਵੀਡੀਓ ਨੂੰ ਗਿੱਪੀ ਗਰੇਵਾਲ ਰਿਕਾਰਡ ਕਰ ਰਹੇ ਹਨ। ਵੀਡੀਓ 'ਚ ਬਿਨੂੰ ਢਿੱਲੋਂ ਦੇ ਨਾਲ ਗੁਰਪ੍ਰੀਤ ਘੁੱਗੀ ਵੀ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਬਿਨੂੰ ਢਿੱਲੋਂ ਪੁਸ਼ਪਾ ਦਾ ਮਸ਼ਹੂਰ ਡਾਇਲੌਗ 'ਝੁਕੇਗਾ ਨਹੀਂ ਸਾਲਾ...' ਬੋਲਦੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦੀ ਇਸ ਵੀਡੀਓ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਤੁਸੀਂ ਵੀ ਦੇਖੋ ਇਹ ਵੀਡੀਓ:
ਕੈਰੀ ਆਨ ਜੱਟਾ 3 ਦੇ ਟਾਈਟਲ ਟਰੈਕ ਦਾ ਹੋਇਆ ਐਲਾਨ
ਦੱਸ ਦਈਏ ਕਿ ਹਾਲ ਹੀ 'ਚ 'ਕੈਰੀ ਆਨ ਜੱਟਾ 3' ਦਾ ਟੀਜ਼ਰ ਰਿਲੀਜ਼ ਹੋਇਆ ਹੈ, ਜਿਸ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਦਰਸ਼ਕ ਬੇਸਵਰੀ ਨਾਲ ਇਸ ਫਿਲਮ ਦੀ ਉਡੀਕ ਕਰ ਰਹੇ ਹਨ। ਇਸ ਦਰਮਿਆਨ ਗਿੱਪੀ ਗਰੇਵਾਲ ਨੇ ਕੈਰੀ ਆਨ ਜੱਟਾ 3 ਦੇ ਟਾਈਟਲ ਟਰੈਕ ਦਾ ਐਲਾਨ ਵੀ ਕਰ ਦਿੱਤਾ ਹੈ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕੀਤੀ, ਜਿਸ ਵਿੱਚ ਉਨ੍ਹਾਂ ਨੇ ਦੱਸਿਆ ਕਿ ਕੈਰੀ ਆਨ ਜੱਟਾ 3 ਦਾ ਟਾਈਟਲ ਟਰੇਕ 18 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਜਾ ਰਿਹਾ ਹੈ।
ਕਾਬਿਲੇਗ਼ੋਰ ਹੈ ਕਿ 'ਕੈਰੀ ਆਨ ਜੱਟਾ 3' ਇਸ ਸਾਲ ਦੀ ਸਭ ਤੋਂ ਵੱਧ ਉਡੀਕੀ ਜਾਣ ਵਾਲੀ ਫਿਲਮ ਹੈ। ਇਹ ਫਿਲਮ 29 ਜੂਨ 2023 ਨੂੰ ਸਿਨੇਮਾਘਰਾਂ 'ਚ ਦਰਸ਼ਕਾਂ ਦਾ ਮਨੋਰੰਜਨ ਕਰੇਗੀ।