Sargun Mehta Ravi Dubey Net Worth 2022: ਸਰਗੁਣ ਮਹਿਤਾ ਪੰਜਾਬੀ ਇੰਡਸਟਰੀ ਦੀ ਟੌਪ ਤੇ ਸਭ ਤੋਂ ਮਹਿੰਗੀਆਂ ਅਭਿਨੇਤਰੀਆਂ ‘ਚੋਂ ਇੱਕ ਹੈ। ਸਰਗੁਣ ਉਨ੍ਹਾਂ ਅਭਿਨੇਤਰੀਆਂ ‘ਚੋਂ ਇੱਕ ਹੈ, ਜਿਨ੍ਹਾਂ ਨੇ ਟੀਵੀ ਦੀ ਦੁਨੀਆ ਤੋਂ ਪੰਜਾਬੀ ਇੰਡਸਟਰੀ ‘ਚ ਕਦਮ ਰੱਖਿਆ। ਹਾਲਾਂਕਿ ਟੀਵੀ ਅਭਿਨੇਤਰੀ ਦੇ ਰੂਪ ‘ਚ ਸਰਗੁਣ ਇੰਨਾਂ ਨਾਮ ਨਹੀਂ ਕਮਾ ਸਕੀ, ਜਿਨ੍ਹਾਂ ਉਸ ਨੇ ਪੰਜਾਬੀ ਫਿਲਮਾਂ ਤੋਂ ਕਮਾਇਆ।
ਸਰਗੁਣ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਸ ਨੇ ਟੀਵੀ ਅਦਾਕਾਰ ਰਵੀ ਦੂਬੇ ਨਾਲ ਲਵ ਮੈਰਿਜ ਕੀਤੀ ਹੈ। ਦੋਵਾਂ ਦੀ ਮੁਲਾਕਾਤ ਸੀਰੀਅਲ 12/24 ਕਰੋਲ ਬਾਗ ਦੇ ਸੈੱਟ ‘ਤੇ ਹੋਈ। ਇੱਥੋਂ ਹੀ ਦੋਵਾਂ ਦਾ ਪਿਆਰ ਪਰਵਾਨ ਚੜ੍ਹਿਆ। ਦੋਵਾਂ ਨੇ ਇੱਕ ਦੂਜੇ ਨੂੰ 4 ਸਾਲ ਡੇਟ ਕਰਨ ਤੋਂ ਬਾਅਦ ਵਿਆਹ ਕਰ ਲਿਆ। ਇਨ੍ਹਾਂ ਦੋਵਾਂ ਨੂੰ ਟੀਵੀ ਇੰਡਸਟਰੀ ਦੀ ਬੈਸਟ ਜੋੜੀ ਮੰਨਿਆ ਜਾਂਦਾ ਹੈ। ਇਸ ਦੇ ਨਾਲ ਨਾਲ ਸਾਰਵੀ ਯਾਨਿ ਸਰਗੁਣ ਤੇ ਰਵੀ ਟੀਵੀ ਦੀ ਸਭ ਤੋਂ ਅਮੀਰ ਜੋੜੀਆਂ ਵਿੱਚੋਂ ਵੀ ਇੱਕ ਹੈ। ਇੱਕ ਰਿਪੋਰਟ ਦੇ ਮੁਤਾਬਕ ਸਾਰਵੀ ਦੀ ਕੁੱਲ ਜਾਇਦਾਦ 22 ਮਿਲੀਅਨ ਡਾਲਰ ਯਾਨਿ 180 ਕਰੋੜ ਰੁਪਏ ਹੈ।
ਪੰਜਾਬੀ ਫਿਲਮਾਂ ਨੇ ਬਣਾਇਆ ਸਫਲ ਤੇ ਅਮੀਰ
ਰਿਪੋਰਟ ਦੇ ਮੁਤਾਬਕ ਸਰਗੁਣ ਮਹਿਤਾ ਇੱਕ ਸਫਲਮ ਟੀਵੀ ਅਭਿਨੇਤਰੀ ਨਹੀਂ ਸੀ। ਉਸ ਦੇ ਇੱਕ- ਦੋ ਸੀਰੀਅਲ ਹੀ ਹਿੱਟ ਹੋਏ ਸੀ। ਇਸ ਤੋਂ ਬਾਅਦ ਸਰਗੁਣ ਮਹਿਤਾ ‘ਤੇ ਬੁਰਾ ਦੌਰ ਆ ਗਿਆ। ਇਹ ਉਹ ਸਮਾਂ ਸੀ ਜਦੋਂ ਸਰਗੁਣ ਦੇ ਇੱਕ ਤੋਂ ਬਾਅਦ ਇੱਕ ਲਗਾਤਾਰ 4 ਸੀਰੀਅਲ ਫਲਾਪ ਹੋਏ। ਉਸ ਦੌਰ ‘ਚ ਸਰਗੁਣ ਨੂੰ ਕਈ ਰਿਜੈਕਸ਼ਨਾਂ ਦਾ ਸਾਹਮਣਾ ਕਰਨਾ ਪਿਆ। ਕੋਈ ਵੀ ਇੱਕ ਫਲਾਪ ਅਦਾਕਾਰਾ ਨੂੰ ਕੰਮ ਦੇਣ ਨੂੰ ਤਿਆਰ ਨਹੀਂ ਸੀ। ਪਰ ਸਰਗੁਣ ਮਹਿਤਾ ਦੀ ਜ਼ਿੰਦਗੀ ਉਦੋਂ ਬਦਲੀ ਜਦੋਂ 2015 ‘ਚ ਉਸ ਨੂੰ ਅਮਰਿੰਦਰ ਗਿੱਲ ਦੇ ਨਾਲ ‘ਅੰਗਰੇਜ’ ਫਿਲਮ ਕਰਨ ਦਾ ਮੌਕਾ ਮਿਲਿਆ। ਇਹ ਸਰਗੁਣ ਦੀ ਪਹਿਲੀ ਪੰਜਾਬੀ ਫਿਲਮ ਸੀ। ਇਸ ਫਿਲਮ ਨੇ ਸਰਗੁਣ ਨੂੰ ਰਾਤੋ ਰਾਤ ਸਟਾਰ ਬਣਾ ਦਿੱਤਾ। ਇਸ ਤੋਂ ਬਾਅਦ ਸਰਗੁਣ ਮਹਿਤਾ ਨੇ ਕਦੇ ਪਿੱਛੇ ਮੁੜ ਕੇ ਨਹੀਂ ਦੇਖਿਆ।
ਇੱਕ ਫਿਲਮ ਲਈ 50 ਲੱਖ ਫੀਸ ਲੈਂਦੀ ਹੈ ਸਰਗੁਣ
ਸਰਗੁਣ ਮਹਿਤਾ ਪੰਜਾਬੀ ਇੰਡਸਟਰੀ ਦੀ ਖੂਬਸੂਰਤ ਤੇ ਮਹਿੰਗੀਆਂ ਅਭਿਨੇਤਰੀਆਂ ਵਿੱਚੋਂ ਇੱਕ ਹੈ। ਸਰਗੁਣ ਮਹਿਤਾ ਇੱਕ ਫਿਲਮ ਕਰਨ ਲਈ 40-50 ਲੱਖ ਫੀਸ ਲੈਂਦੀ ਹੈ। ਪੰਜਾਬੀ ਫਿਲਮਾਂ ਨੇ ਹੀ ਸਰਗੁਣ ਮਹਿਤਾ ਨੂੰ ਕਰੋੜਾਂ ਦੀ ਮਾਲਕਣ ਬਣਾਇਆ ਹੈ। ਅੱਜ ਸਰਗੁਣ ਦੀ ਆਪਣੀ ਪ੍ਰੋਡਕਸ਼ਨ ਕੰਪਨੀ ਹੈ। ਇਹੀ ਨਹੀਂ ਉਸ ਨੇ ਇੱਕ ਸੀਰੀਅਲ ‘ਉਡਾਰੀਆਂ’ ਵੀ ਪ੍ਰੋਡਿਊਸ ਕੀਤਾ ਹੈ, ਜੋ ਕਿ ਕਾਫੀ ਹਿੱਟ ਸ਼ੋਅ ਹੈ।
ਰਵੀ ਦੂਬੇ ਤੋਂ ਜ਼ਿਆਦਾ ਅਮੀਰ ਹੈ ਸਰਗੁਣ
ਰਿਪੋਰਟ ਮੁਤਾਬਕ 2022 ‘ਚ ਸਰਗੁਣ ਮਹਿਤਾ ਦੀ ਕੁੱਲ ਜਾਇਦਾਦ 15 ਮਿਲੀਅਨ ਡਾਲਰ ਯਾਨਿ 160 ਹੈ। ਜਦਕਿ ਰਵੀ ਦੂਬੇ ਦੀ ਕੁੱਲ ਜਾਇਦਾਦ 7 ਮਿਲੀਅਨ ਡਾਲਰ ਯਾਨਿ 52 ਕਰੋੜ ਰੁਪਏ ਹੈ। ਸਰਗੁਣ ਮਹਿਤਾ ਰਵੀ ਦੂਬੇ ਤੋਂ ਜ਼ਿਆਦਾ ਅਮੀਰ ਹੈ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਪੰਜਾਬੀ ਫਿਲਮਾਂ ਨੇ ਸਰਗੁਣ ਮਹਿਤਾ ਨੂੰ ਅਮੀਰ ਬਣਾਇਆ ਹੈ।