ਪੰਜਾਬੀ ਇੰਡਸਟਰੀ ਵੀ ਫ਼ਿਲਮਾਂ ਦੇ ਨਾਲ-ਨਾਲ OTT ਪਲੇਟਫਾਰਮਸ ਦਾ ਰੁੱਖ ਕਰ ਰਹੀ ਹੈ। ਇਸ ਛੋਟੀ ਜਹੀ ਇੰਡਸਟਰੀ 'ਚ ਵਰਲਡ ਲੈਵਲ ਦਾ ਮਿਊਜ਼ਿਕ ਤੇ ਫ਼ਿਲਮਾਂ ਤੋਂ ਬਾਅਦ ਹੁਣ ਵੈੱਬ ਸੀਰੀਜ਼ ਵੀ ਵੱਡੀ ਗਿਣਤੀ 'ਚ ਬਣਨੀਆਂ ਸ਼ੁਰੂ ਹੋ ਗਈਆਂ ਹਨ। ਜਿਨ੍ਹਾਂ 'ਚ 3 ਵੈੱਬ ਸੀਰੀਜ਼ ਦੇ ਨਾਂ ਵੀ ਸਾਹਮਣੇ ਆ ਚੁਕੇ ਹਨ ਅਤੇ ਦਾ ਸ਼ੂਟ ਵੀ ਚੱਲ ਰਿਹਾ ਹੈ।
ਲੇਬਲ ਗੀਤ Mp3 ਨੇ ਤਿੰਨ ਨਵੀਆਂ ਸੀਰੀਜ਼ ਦਾ ਐਲਾਨ ਕੀਤਾ ਹੈ। ਇਸ ਲਿਸਟ 'ਚ ਸਭ ਤੋਂ ਪਹਿਲਾ ਨਾਂ ਹੈ ਸੀਰੀਜ਼ 500 ਮੀਟਰ ਦਾ। ਜਿਸ 'ਚ ਕਰਤਾਰ ਚੀਮਾ, ਗੁਰਪ੍ਰੀਤ ਭੁੱਲਰ ਤੇ ਮਾਨਵ ਸ਼ਾਹ ਨਜ਼ਰ ਆਉਣਗੇ। ਵੈਸੇ ਤਾਂ ਕਰਤਾਰ ਚੀਮਾ ਨੇ ਕਈ ਪੰਜਾਬੀ ਫ਼ਿਲਮਾਂ ਕੀਤੀਆਂ ਹਨ। ਪਰ 500 ਮੀਟਰ ਉਨ੍ਹਾਂ ਦੀ ਪਹਿਲੀ ਵੈੱਬ ਸੀਰੀਜ਼ ਹੋਵੇਗੀ।
ਗੀਤ mp3 ਵਲੋਂ ਵੈੱਬ ਸੀਰੀਜ਼ ਦੇ ਇਸ menu 'ਚ ਅਗਲਾ ਨਾਂ 'ਲਜ਼ੀਜ਼' ਦਾ ਹੈ। ਨਵੇਂ ਚੇਹਰਿਆਂ ਤੋਂ ਇਲਾਵਾ ਇਸ ਸੀਰੀਜ਼ 'ਚ ਹੋਰ ਕਿਹੜੇ-ਕਿਹੜੇ ਤੜਕੇ ਲਗਾਏ ਜਾਣਗੇ, ਇਹ ਤਾਂ ਆਉਣ ਵਾਲਾ ਸਮਾਂ ਹੀ ਦੱਸੇਗਾ। ਇਸ ਦੇ ਨਾਲ ਹੀ ਸੀਰੀਜ਼ 'ਕਾਕਾ ਪ੍ਰਧਾਨ' ਦਾ ਵੀ ਐਲਾਨ ਹੋਇਆ ਹੈ। ਇਹ ਲਿਸਟ 'ਚ ਤੀਸਰੀ ਤੇ ਆਖ਼ਿਰੀ ਸੀਰੀਜ਼ ਹੈ। ਜਿਸ ਨੂੰ ਗੀਤ mp3 ਦੇ ਲੇਬਲ ਹੇਠ ਹੀ ਰਿਲੀਜ਼ ਕੀਤਾ ਜਾਏਗਾ
ਇਸ ਸੀਰੀਜ਼ 'ਚ ਵੱਡਾ ਗਰੇਵਾਲ ਤੇ ਪ੍ਰੀਤ ਭੁੱਲਰ ਵਰਗੇ ਕਲਾਕਾਰ Entertain ਕਰਦੇ ਨਜ਼ਰ ਆਉਣਗੇ। ਗੀਤ mp3 ਇਸ ਤੋਂ ਪਹਿਲਾ ਵੀ ਵੈੱਬ ਸੀਰੀਜ਼ 'ਗੈਂਗਲੈਂਡ ਇਨ ਮਦਰਲੈਂਡ' ਪੇਸ਼ ਕਰ ਚੁੱਕਾ ਹੈ। ਜਿਸ ਨੂੰ ਤਗੜੀ ਵਿਊਰਸ਼ਿਪ ਵੀ ਮਿਲ ਚੁੱਕੀ ਹੈ। ਬਾਕੀ ਹੁਣ 500 ਮੀਟਰ, ਲਜ਼ੀਜ਼ ਤੇ ਕਾਕਾ ਪ੍ਰਧਾਨ 'ਚ ਦੀ ਉਡੀਕ ਸਭ ਨੂੰ ਰਹੇਗੀ।