Satinder Sartaj Home Inside Pics: ਪੰਜਾਬੀ ਗਾਇਕ ਤੇ ਅਦਾਕਾਰ ਸਤਿੰਦਰ ਸਰਤਾਜ ਇੰਨੀਂ ਦਿਨੀਂ ਖੂਬ ਸੁਰਖੀਆਂ ਬਟੋਰ ਰਹੇ ਹਨ। ਉਨ੍ਹਾਂ ਦੀ ਫਿਲਮ 'ਕਲੀ ਜੋਟਾ' ਬਲਾਕਬਸਟਰ ਸਾਬਤ ਹੋਈ ਹੈ। ਚਾਰੇ ਪਾਸੇ ਫਿਲਮ ਤੇ ਇਸ ਦੀ ਸਟਾਰ ਕਾਸਟ ਦੀ ਚਰਚਾ ਹੋ ਰਹੀ ਹੈ।
ਹੁਣ ਸਤਿੰਦਰ ਸਰਤਾਜ ਦੀ ਇੱਕ ਸੋਸ਼ਲ ਮੀਡੀਆ ਪੋਸਟ ਕਾਫੀ ਜ਼ਿਆਦਾ ਚਰਚਾ ਦਾ ਵਿਸ਼ਾ ਬਣ ਰਹੀ ਹੈ। ਦਰਅਸਲ, ਇਸ ਵੀਡੀਓ 'ਚ ਕਲਾਕਾਰ ਨੇ ਆਪਣੇ ਬੇਹੱਦ ਆਲੀਸ਼ਾਨ ਘਰ ਦੀ ਇੱਕ ਝਲਕ ਦਿਖਾਈ ਹੈ।
ਸਤਿੰਦਰ ਸਰਤਾਜ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਹ ਆਪਣੇ ਘਰ ਦੇ ਲਿਵਿੰਗ ਰੂਮ 'ਚ ਖੜੇ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦਾ ਘਰ ਅੰਦਰ ਤੋਂ ਬੇਹੱਦ ਖੂਬਸੂਰਤ ਹੈ। ਉਨ੍ਹਾਂ ਨੇ ਆਪਣੇ ਲਿਵਿੰਗ ਰੂਮ ਨੂੰ ਹਰੇ ਰੰਗ ਦੇ ਸੋਫਿਆਂ ਤੇ ਕੁਰਸੀਆਂ ਦੇ ਨਾਲ ਸਜਾਇਆ ਹੈ। ਇਸ ਦੇ ਨਾਲ ਨਾਲ ਉਨ੍ਹਾਂ ਦੀਆਂ ਤਸਵੀਰਾਂ ਵੀ ਕੰਧ 'ਤੇ ਨਜ਼ਰ ਆ ਰਹੀਆਂ ਹਨ। ਵੀਡੀਓ ਦੇ ਬੈਕਗਰਾਊਂਡ ;ਚ ਸਰਤਾਜ ਦਾ ਗਾਣਾ 'ਕੋਸ਼ਿਸ਼ ਤਾਂ ਕਰੀਏ' ਚੱਲਦਾ ਸੁਣਿਆ ਜਾ ਸਕਦਾ ਹੈ। ਸਰਤਾਜ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਕੈਪਸ਼ਨ ਲਿਖੀ, 'ਇਹੋ ਇਸ਼ਕੇ ਦੇ ਅਜ਼ਲੋ ਰਿਵਾਜ ਵੇ! ਕਿ ਉਸੇ ਹੀ ਕਤਾਰ ਵਿੱਚ ਕੜ੍ਹ ਸਰਤਾਜ ਵੇ! ਸਿਤਾਰਾ ਮੱਥੇ ਜੜਨੇ ਦੀ ਕੋਸ਼ਿਸ਼ ਤਾਂ ਕਰੀਏ।' ਦੇਖੋ ਇਹ ਵੀਡੀਓ:
ਸਤਿੰਦਰ ਸਰਤਾਜ ਦੀ ਇਸ ਪੋਸਟ ਤੋਂ ਇਹ ਸਾਫ ਜ਼ਾਹਰ ਹੋ ਰਿਹਾ ਹੈ ਕਿ ਉਹ 'ਕਲੀ ਜੋਟਾ' ਸਫਲਤਾ ਤੋਂ ਕਿੰਨੇ ਖੁਸ਼ ਹਨ। ਦੱਸ ਦਈਏ ਕਿ ਕਲੀ ਜੋਟਾ ਫਿਲਮ 3 ਫਰਵਰੀ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਸੀ। ਇਸ ਫਿਲਮ 'ਚ ਸਤਿੰਦਰ ਸਰਤਾਜ ਦੇ ਨਾਲ ਨੀਰੂ ਬਾਜਵਾ ਤੇ ਵਾਮਿਕਾ ਗੱਬੀ ਵੀ ਮੁੱਖ ਕਿਰਦਾਰਾਂ 'ਚ ਨਜ਼ਰ ਆਏ ਸੀ। ਇਸ ਫਿਲਮ ਦੇ ਹਰ ਕਿਰਦਾਰ ਨੇ ਆਪੋ ਆਪਣੇ ਕੰਮ ਨੂੰ ਬੇਹਤਰੀਨ ਤਰੀਕੇ ਨਾਲ ਕੀਤਾ ਹੈ। ਖਾਸ ਕਰਕੇ ਨੀਰੂ ਬਾਜਵਾ ਨੇ ਰਾਬੀਆ ਬਣ ਕੇ ਸਭ ਦਾ ਦਿਲ ਜਿੱਤ ਲਿਆ ਹੈ।