ਅਮੈਲੀਆ ਪੰਜਾਬੀ ਦੀ ਰਿਪੋਰਟ
Inderjit Nikku Instagram Followers: ਪੰਜਾਬੀ ਸਿੰਗਰ ਇੰਦਰਜੀਤ ਨਿੱਕੂ ਅਕਸਰ ਹੀ ਕਿਸੇ ਨਾ ਕਿਸੇ ਵਜ੍ਹਾ ਕਰਕੇ ਸੁਰਖੀਆਂ 'ਚ ਰਹਿੰਦੇ ਹਨ। ਨਿੱਕੂ ਪਿਛਲੇ ਸਾਲ ਯਾਨਿ ਸਾਲ 2022 'ਚ ਉਦੋਂ ਚਰਚਾ 'ਚ ਆਏ, ਜਦੋਂ ਉਹ ਬਾਬੇ ਦੇ ਦਰਬਾਰ 'ਚ ਆਪਣੀਆਂ ਤਕਲੀਫਾਂ ਦਾ ਹੱਲ ਲੱਭਣ ਨਿਕਲੇ ਸੀ। ਉਨ੍ਹਾਂ ਨੇ ਰੋ ਰੋ ਕੇ ਬਾਬੇ ਨੂੰ ਆਪਣੇ ਬੁਰੇ ਸਮੇਂ ਦਾ ਹਾਲ ਸੁਣਾਇਆ ਸੀ, ਉਨ੍ਹਾਂ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋਇਆ ਸੀ।
ਇਹ ਵੀ ਪੜ੍ਹੋ: ਨਿਰਮਲ ਰਿਸ਼ੀ ਨੂੰ ਗਿੱਪੀ ਗਰੇਵਾਲ ਦੀ ਕਿਸ ਗੱਲ 'ਤੇ ਆਇਆ ਗੁੱਸਾ, ਦੇਖੋ ਇਸ ਵੀਡੀਓ 'ਚ
ਇਸ ਤੋਂ ਬਾਅਦ ਨਿੱਕੂ ਦੀ ਕਿਸਮਤ ਚਮਕੀ ਅਤੇ ਉਨ੍ਹਾਂ ਨੂੰ ਫਿਰ ਤੋਂ ਪੰਜਾਬੀ ਇੰਡਸਟਰੀ 'ਚ ਕੰਮ ਤੇ ਇੱਜ਼ਤ ਮਿਲਣੀ ਸ਼ੁਰੂ ਹੋਈ। ਪਰ ਹੁਣ ਫਿਰ ਤੋਂ ਇੰਦਰਜੀਤ ਨਿੱਕੂ ਦਾ ਨਾਮ ਸੁਰਖੀਆਂ 'ਚ ਹੈ। ਦਰਅਸਲ, ਇੰਦਰਜੀਤ ਨਿੱਕੂ ਦੇ ਇੰਸਟਾਗ੍ਰਾਮ 'ਤੇ ਹਾਲ ਹੀ 'ਚ 4 ਲੱਖ 44 ਹਜ਼ਾਰ ਫਾਲੋਅਰਜ਼ ਹੋ ਗਏ ਸੀ। ਉਹ ਫਾਲੋਅਰਜ਼ ਲਗਾਤਾਰ ਘਟਦੇ ਜਾ ਰਹੇ ਹਨ। 4 ਲੱਖ 44 ਹਜ਼ਾਰ ਤੋਂ ਪਹਿਲਾਂ 4 ਲੱਖ 41 ਹਜ਼ਾਰ ਹੋਏ, ਫਿਰ 4 ਲੱਖ 39 ਹਜ਼ਾਰ, ਹੁਣ ਘਟਦੇ ਘਟਦੇ ਇਹ ਫਾਲੋਅਰਜ਼ ਦੀ ਗਿਣਤੀ 4 ਲੱਖ 35 ਹਜ਼ਾਰ 'ਤੇ ਆ ਗਈ ਹੈ।
ਕੀ ਇੰਦਰਜੀਤ ਨਿੱਕੂ ਨੇ ਖਰੀਦੇ ਇੰਸਟਾਗ੍ਰਾਮ ਫਾਲੋਅਰਜ਼?
ਅੱਜ ਕੱਲ ਸੋਸ਼ਲ ਮੀਡੀਆ 'ਤੇ ਅਜਿਹੀਆਂ ਬਹੁਤ ਸਾਰੀਆਂ ਸਕੀਮਾਂ ਚੱਲ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਲੋਕ ਪੈਸੇ ਦੇ ਕੇ ਫਾਲੋਅਰਜ਼ ਖਰੀਦ ਲੈਂਦੇ ਹਨ। ਪਰ ਬਾਅਦ ਵਿੱਚ ਫਾਲੋਅਰਜ਼ ਦੀ ਗਿਣਤੀ ਹੇਠਾਂ ਆਉਂਦੀ ਰਹਿੰਦੀ ਹੈ, ਯਾਨਿ ਪੈਸੇ ਮਿਲਣ ਤੋਂ ਬਾਅਦ ਲੋਕ ਉਸ ਸ਼ਖਸ ਨੂੰ ਮੁੜ ਅਨਫਾਲੋ ਕਰ ਦਿੰਦੇ ਹਨ। ਇੰਦਰਜੀਤ ਨਿੱਕੂ ਦੇ ਜਿਸ ਤਰ੍ਹਾਂ ਲਗਾਤਾਰ ਫਾਲੋਅਰਜ਼ ਘਟ ਰਹੇ ਹਨ, ਉਸ ਤੋਂ ਇਹ ਕਿਆਸ ਲਗਾਏ ਜਾ ਰਹੇ ਹਨ ਕਿ ਹੋ ਸਕਦਾ ਹੈ ਕਿ ਗਾਇਕ ਨੇ ਪੈਸੇ ਦੇ ਕੇ ਫਾਲੋਅਰਜ਼ ਖਰੀਦੇ ਹੋਣ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਇੰਦਰਜੀਤ ਨਿੱਕੂ ਪੰਜਾਬੀ ਇੰਡਸਟਰੀ 'ਚ ਕਾਫੀ ਐਕਟਿਵ ਹਨ। ਉਨ੍ਹਾਂ ਦੇ ਇੱਕ ਤੋਂ ਬਾਅਦ ਇੱਕ ਕਈ ਗਾਣੇ ਰਿਲੀਜ਼ ਹੋ ਰਹੇ ਹਨ। ਇਸ ਦੇ ਨਾਲ ਨਾਲ ਉਹ ਇੱਕ ਗਾਇਕੀ ਰਿਐਲਟੀ ਸ਼ੋਅ ਦੇ ਜੱਜ ਵੀ ਬਣ ਗਏ ਹਨ।