Kaur B Brutally Trolled: ਪੰਜਾਬੀ ਸਿੰਗਰ ਕੌਰ ਬੀ ਅੱਜ ਕਿਸੇ ਪਛਾਣ ਦੀ ਮੋਹਤਾਜ ਨਹੀਂ ਹੈ। ਉਸ ਨੇ ਆਪਣੇ ਗਾਇਕੀ ਦੇ ਕਰੀਅਰ ‘ਚ ਇੰਡਸਟਰੀ ਨੂੰ ਕਈ ਹਿੱਟ ਗੀਤ ਦਿੱਤੇ ਹਨ। ਉਸ ਦੇ ਹਿੱਟ ਗੀਤਾਂ ਦੀ ਲਿਸਟ ਕਾਫੀ ਲੰਬੀ ਹੈ। ਕੌਰ ਵੈਸੇ ਤਾਂ ਲਾਈਮਲਾਈਟ ਤੋਂ ਹਮੇਸ਼ਾ ਦੂਰ ਹੀ ਰਹਿਣਾ ਪਸੰਦ ਕਰਦੀ ਹੈ, ਪਰ ਹਾਲ ਹੀ ‘ਚ ਕੌਰ ਬੀ ਸੁਰਖੀਆਂ ‘ਚ ਆ ਗਈ ਹੈ। ਜੀ ਹਾਂ, ਸਮੁੰਦਰ ਕਿਨਾਰੇ ਸਟੰਟ ਕਰਨਾ ਗਾਇਕਾ ਨੂੰ ਕਾਫੀ ਮਹਿੰਗਾ ਪੈ ਰਿਹਾ ਹੈ।
ਕੌਰ ਬੀ ਨੇ ਸੋਸ਼ਲ ਮੀਡੀਆ ‘ਤੇ ਆਪਣਾ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ਵਿੱਚ ਉਹ ਸਮੁੰਦਰ ਕੋਲ ਬਣੀ ਕੰਧ ਦੇ ਬਨੇਰੇ ‘ਤੇ ਤੁਰਦੀ ਨਜ਼ਰ ਆ ਰਹੀ ਹੈ। ਕੰਧ ਕਾਫੀ ਉੱਚੀ ਹੈ ਤੇ ਜੇ ਥੋੜਾ ਜਿਹਾ ਵੀ ਬੈਲੇਂਸ ਵਿਗੜ ਜਾਂਦਾ ਤਾਂ ਗਾਇਕਾ ਹੇਠਾਂ ਡਿੱਗ ਜਾਂਦੀ। ਇਸ ਵੀਡੀਓ ਦੇ ਚੱਕਰ ‘ਚ ਕੌਰ ਬੀ ਕਾਫੀ ਟਰੋਲ ਹੋ ਰਹੀ ਹੈ। ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਕੌਰ ਬੀ ਨੇ ਕੈਪਸ਼ਨ ‘ਚ ਲਿਖਿਆ, ‘ਪੁੱਠੇ ਪੰਗੇ।’ ਇਸ ਵੀਡੀਓ ‘ਤੇ ਲੋਕ ਕਮੈਂਟ ਕਰਕੇ ਕੌਰ ਬੀ ਨੂੰ ਖੂਬ ਨਸੀਹਤ ਦੇ ਰਹੇ ਹਨ ਤੇ ਨਾਲ ਹੀ ਗਾਇਕਾ ਦਾ ਕਾਫੀ ਮਜ਼ਾਕ ਵੀ ਉੱਡ ਰਿਹਾ ਹੈ। ਦੇਖੌ ਇਹ ਵੀਡੀਓ:
ਇਸ ਵੀਡੀਓ ਰਾਹੀਂ ਕੌਰ ਬੀ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ ਹੈ। ਵੀਡੀਓ ਤੇ ਹਜ਼ਾਰਾਂ ਦੀ ਗਿਣਤੀ ‘ਚ ਲੋਕ ਕਮੈਂਟ ਕਰ ਰਹੇ ਹਨ। ਇੱਕ ਸ਼ਖਸ ਨੇ ਲਿਖਿਆ, ‘ਜੇ ਪਤਾ ਪੁੱਠੇ ਪੰਗੇ ਨੇ ਫਿਰ ਕਿਉਂ ਲੈ ਰਹੀ ਹੈ।’ ਇੱਕ ਹੋਰ ਯੂਜ਼ਰ ਨੇ ਲਿਖਿਆ, ‘ਫੁਕਰੀ ਮਾਰਦੀ ਐ।’ ਪੜ੍ਹੋ ਇਹ ਕਮੈਂਟਸ:
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਕੌਰ ਬੀ ਪੰਜਾਬੀ ਇੰਡਸਟਰੀ ਦਾ ਜਾਣਿਆ ਮਾਣਿਆ ਨਾਂ ਹੈ। ਉਸ ਦੇ ਹਾਲ ਹੀ ‘ਕੰਗਣੇ’ ਤੇ ‘ਸੁਰਮਾ’ ਗਾਣੇ ਰਿਲੀਜ਼ ਹੋਏ ਹਨ। ਕੌਰ ਬੀ ਦੇ ਗਾਣੇ ਕੰਗਣੇ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਸੋਸ਼ਲ ਮੀਡੀਆ ‘ਤੇ ਵੀ ਇਸ ਗਾਣੇ ‘ਤੇ ਖੂਬ ਰੀਲਾਂ ਬਣਾਈਆਂ ਜਾ ਰਹੀਆਂ ਹਨ।