Sunanda Sharma New Song: ਪੰਜਾਬੀ ਸਿੰਗਰ ਸੁਨੰਦਾ ਸ਼ਰਮਾ ਇੰਨੀਂ ਦਿਨੀਂ ਸੁਰਖੀਆਂ 'ਚ ਬਣੀ ਹੋਈ ਹੈ। ਉਸ ਨੇ ਬੀਤੇ ਦਿਨੀਂ ਆਪਣੇ ਨਵੇਂ ਗਾਣੇ 'ਜੱਟ ਦਿਸਦਾ' ਦਾ ਐਲਾਨ ਕੀਤਾ ਹੈ। ਸੁਨੰਦਾ ਲੰਬੇ ਸਮੇਂ ਦੇ ਬਾਅਦ ਆਪਣਾ ਕੋਈ ਨਵਾਂ ਗਾਣਾ ਲੈਕੇ ਆ ਰਹੀ ਹੈ। ਇਸ ਦੀ ਜਾਣਕਾਰੀ ਉਸ ਨੇ ਬੀਤੇ ਦਿਨੀਂ ਆਪਣੇ ਸੋਸ਼ਲ ਮਡਿੀਆ ਅਕਾਊਂਟ ;ਤੇ ਦਿੱਤੀ ਸੀ। ਉਸ ਨੇ 'ਜੱਟ ਦਿਸਦਾ' ਗਾਣੇ ਦਾ ਪੋਸਟਰ ਸ਼ੇਅਰ ਕੀਤਾ ਸੀ।
ਇਹ ਵੀ ਪੜ੍ਹੋ: ਅਨੁਪਮਾ ਨੂੰ ਅਨੁਜ ਕੋਲ ਜਾਣ ਤੋਂ ਰੋਕਣ ਲਈ ਵਨਰਾਜ ਖੇਡੇਗਾ ਨਵੀਂ ਚਾਲ, ਚਾਂਟਾ ਮਾਰ ਕੇ ਰੋਕੇਗੀ ਕਾਵਿਆ
ਹੁਣ ਸੁਨੰਦਾ ਸ਼ਰਮਾ ਨੇ ਇੱਕ ਪੰਜਾਬੀ ਸਟਾਰ ਨਾਲ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਇਸ ਸਟਾਰ ਦੀ ਪਿੱਠ ਦਿਖਾਈ ਦੇ ਰਹੀ ਹੈ, ਪਰ ਉਸ ਦਾ ਚਿਹਰਾ ਨਹੀਂ ਦਿਖਾਈ ਦੇ ਰਿਹਾ ਹੈ। ਸੁਨੰਦਾ ਨੇ ਆਪਣੇ ਫੈਨਜ਼ ਨੂੰ ਇਸ ਕਲਾਕਾਰ ਨੂੰ ਪਛਾਨਣ ਲਈ ਕਿਹਾ ਹੈ। ਤੁਸੀਂ ਵੀ ਦੇਖੋ ਇਹ ਤਸਵੀਰ, ਕੀ ਤੁਸੀਂ ਪਛਾਣਿਆ ਇਹ ਕੌਣ ਹੈ? ਜੇ ਨਹੀਂ ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ, ਪਰ ਪਹਿਲਾਂ ਦੇਖੋ ਇਹ ਤਸਵੀਰ:
ਜੇ ਤੁਸੀਂ ਇਸ ਪੰਜਾਬੀ ਸਿਤਾਰੇ ਨੂੰ ਪਛਾਣ ਨਹੀਂ ਸਕੇ ਤਾਂ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਇਹ ਹੈਂਡਸਮ ਹੰਕ ਕੋਈ ਹੋਰ ਨਹੀਂ, ਸਗੋਂ ਦੇਵ ਖਰੌੜ ਹੈ। ਜੀ ਹਾਂ, ਦੇਵ ਜਲਦ ਹੀ ਸੁਨੰਦਾ ਨਾਲ 'ਜੱਟ ਦਿਸਦਾ' ਗੀਤ 'ਚ ਨਜ਼ਰ ਆਉਣ ਵਾਲੇ ਹਨ। ਫੈਨਜ਼ ਦੋਵਾਂ ਦੀ ਜੋੜੀ ਨੂੰ ਇਕੱਠੇ ਦੇਖਣ ਲਈ ਬੇਤਾਬ ਨਜ਼ਰ ਆ ਰਹੇ ਹਨ।
ਸੁਨੰਦਾ ਸ਼ਰਮਾ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਸ ਨੇ ਲੰਬੇ ਸਮੇਂ ਤੋਂ ਕੋਈ ਗੀਤ ਨਹੀਂ ਕੱਢਿਆ ਸੀ। ਇਸ ਲਈ ਫੈਨਜ਼ ਬੇਸਵਰੀ ਨਾਲ ਉਸ ਦੇ ਨਵੇਂ ਗਾਣੇ ਦੀ ਉਡੀਕ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਜੇ ਦੇਵ ਖਰੌੜ ਦੇ ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਉਹ ਬਲੈਕੀਆ 2 'ਚ ਨਜ਼ਰ ਆਉਣ ਵਾਲੇ ਹਨ। ਦੱਸ ਦਈਏ ਕਿ ਇਹ ਫਿਲਮ ਅਗਸਤ 'ਚ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਦੇਵ ਐਮੀ ਵਿਰਕ ਨਾਲ ਫਿਲਮ 'ਮੌੜ' 'ਚ ਵੀ ਨਜ਼ਰ ਆਉਣਗੇ।
ਇਹ ਵੀ ਪੜ੍ਹੋ: ਅਦਾਕਾਰਾ ਤਾਨੀਆ ਦੇ ਨਾਂ ਵੱਡੀ ਪ੍ਰਾਪਤੀ, 'ਸ਼ਾਨ ਪੰਜਾਬ ਦੀ' ਐਵਾਰਡ ਨਾਲ ਹੋਈ ਸਨਮਾਨਤ, ਦੇਖੋ ਤਸਵੀਰਾਂ