‘ਰੱਬ ਦਾ ਰੇਡੀਓ 2’ ‘ਚ ਵੀ ਤਰਸੇਮ ਜੱਸੜ ਤੇ ਸਿੰਮੀ ਚਾਹਲ ਹੀ ਲੀਡ ਰੋਲ ਨਿਭਾਅ ਰਹੇ ਹਨ। ਇਸ ਬਾਰੇ ਕੁਝ ਦਿਨ ਪਹਿਲਾਂ ਸਿੰਮੀ ਚਾਹਲ ਨੇ ਕਿਹਾ ਸੀ ਕਿ ‘ਰੱਬ ਦਾ ਰੇਡੀਓ 2’ ਦਾ ਸ਼ੂਟ ਸ਼ੁਰੂ ਹੋ ਚੁੱਕਿਆ ਹੈ। ਅੱਜ ਓਮਜੀ ਪ੍ਰੋਡਕਸ਼ਨ ਵੱਲੋਂ ਫਿਲਮ ਦੇ ਪਹਿਲੇ ਸੀਨ ਦੇ ਕਲਿਪ ਦੀ ਤਸਵੀਰ ਸ਼ੇਅਰ ਕਰ ਪੱਕੀ ਮੋਹਰ ਲਾ ਦਿੱਤੀ ਹੈ। ਇਹ ਫਿਲਮ ਵਿਹਲੀ ਜਨਤਾ ਰਿਕਾਰਡਸ ਵੱਲੋਂ ਪੇਸ਼ ਕੀਤੀ ਗਈ ਸੀ ਪਰ ਹੁਣ ਓਮਜੀ ਪ੍ਰੋਡਕਸ਼ਨ ਦਾ ਵੀ ਸਾਥ ਮਿਲ ਰਿਹਾ ਹੈ।
‘ਰੱਬ ਦਾ ਰੇਡੀਓ 2’ ਦੇ ਡਾਇਰੈਕਸ਼ਨ ਤਰਨਵੀਰ ਸਿੰਘ ਜਗਪਾਲ ਹੈਰੀ ਭੱਟੀ ਹੋਰਾਂ ਵੱਲੋਂ ਕੀਤਾ ਜਾਣਾ ਹੈ। ‘ਰੱਬ ਦਾ ਰੇਡੀਓ’ ਦੀ ਸਫਲਤਾ ਦੀ ਗੱਲ ਕਰੀਏ ਤਾਂ ਫਿਲਮ ਨੇ 10 ਵੱਖ-ਵੱਖ ਤਰ੍ਹਾਂ ਦੇ ਫਿਲਮ ਐਵਾਰਡ ਜਿੱਤੇ ਹਨ ਤੇ ਤਕਰੀਬਨ 49 ਵਾਰ ਨੌਮੀਨੇਟ ਹੋਈ ਸੀ। ਫਿਲਮ ਨੇ ਵੱਡੇ ਪਰਦੇ ਤੇ ਕੁੱਲ 16 ਕਰੋੜ ਦੀ ਵੱਡੀ ਕਮਾਈ ਕੀਤੀ ਸੀ। ਹੁਣ ‘ਰੱਬ ਦਾ ਰੇਡੀਓ 2’ ਦੀ ਰਿਲੀਜ਼ ਡੇਟ ਬਾਰੇ ਅਜੇ ਕੋਈ ਖੁਲਾਸਾ ਨਹੀਂ ਕੀਤਾ ਗਿਆ ਹੈ ਪਰ ਅਗਲੇ ਸਾਲ ਯਾਨੀ 2019 ‘ਚ ਹੀ ਰਿਲੀਜ਼ ਕੀਤੀ ਜਾ ਸਕਦੀ ਹੈ।