ਮੁੰਬਈ: 'ਬਿੱਗ ਬੌਸ' ਦੇ ਹਾਲ ਹੀ 'ਚ ਖਤਮ ਹੋਏ ਸੀਜ਼ਨ 14 ਦੀ ਫਾਈਨਲਿਸਟ ਰਹੀ ਅਭਿਨੇਤਰੀ ਰਾਖੀ ਨੇ ਬਿੱਗ ਬੌਸ ਦੇ ਘਰ ਤੋਂ ਨਿਕਲਣ ਤੋਂ ਬਾਅਦ ਆਪਣੇ ਫੈਨਸ ਨੂੰ ਬੁਰੀ ਖ਼ਬਰ ਦੱਸੀ ਹੈ। ਰਾਖੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਜ਼ਰੀਏ ਦੱਸਿਆ ਕਿ ਉਸ ਦੀ ਮਾਂ ਜਯਾ ਸਾਵੰਤ ਕੈਂਸਰ ਵਰਗੀ ਜਾਨਲੇਵਾ ਬਿਮਾਰੀ ਤੋਂ ਪੀੜਤ ਹੈ ਅਤੇ ਇਸ ਸਮੇਂ ਉਨ੍ਹਾਂ ਨੂੰ ਸਾਰਿਆਂ ਦੀਆਂ ਪ੍ਰਾਰਥਨਾਵਾਂ ਦੀ ਜ਼ਰੂਰਤ ਹੈ। ਰਾਖੀ ਨੇ ਇੰਸਟਾਗ੍ਰਾਮ ਰਾਹੀਂ ਹਸਪਤਾਲ ਦੇ ਬੈੱਡ ‘ਤੇ ਬੈਠੀ ਆਪਣੀ ਮਾਂ ਦੀਆਂ ਦੋ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ।
ਜਦੋਂ ਰਾਖੀ ਸਾਵੰਤ ਨੇ ਇਸ ਸੰਬੰਧ 'ਚ ਏਬੀਪੀ ਨਿਊਜ਼ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾਂ ਕਿਹਾ, "ਮੇਰੀ ਮਾਂ ਨੂੰ ਪੇਟ ਦਾ ਕੈਂਸਰ ਹੈ ਅਤੇ ਮੈਂ ਸਲਮਾਨ ਖਾਨ ਦੇ 'ਬੀਇੰਗ ਹਿਊਮਨ ਫਾਊਂਡੇਸ਼ਨ' ਤੋਂ ਉਨ੍ਹਾਂ ਦੇ ਇਲਾਜ ਲਈ ਮਦਦ ਦੀ ਬੇਨਤੀ ਕੀਤੀ ਹੈ।" ਰਾਖੀ ਨੇ ਕਿਹਾ ਕਿ ਸਲਮਾਨ ਇੱਕ ਚੰਗੇ ਦਿਲ ਵਾਲੇ ਵਿਅਕਤੀ ਹਨ ਅਤੇ ਉਨ੍ਹਾਂ ਨੂੰ ਪੂਰੀ ਉਮੀਦ ਹੈ ਕਿ ਸਲਮਾਨ ਖਾਨ ਦੀ ਫਾਊਂਡੇਸ਼ਨ ਦੁਆਰਾ ਉਨ੍ਹਾਂ ਦੀ ਮਾਂ ਦਾ ਚੰਗੀ ਤਰ੍ਹਾਂ ਇਲਾਜ ਕਰਵਾਇਆ ਜਾਵੇਗਾ।
ਰਾਖੀ ਨੇ ਏਬੀਪੀ ਨਿਊਜ਼ ਨੂੰ ਦੱਸਿਆ, "ਮੈਨੂੰ ਮੇਰੀ ਮਾਂ ਦੇ ਹਸਪਤਾਲ 'ਚ ਹੋਣ ਅਤੇ ਕੈਂਸਰ ਤੋਂ ਪੀੜਤ ਹੋਣ ਦੀ ਖ਼ਬਰ ਹਾਲ ਹੀ ਵਿੱਚ ਬਿੱਗ ਬੌਸ ਦੇ ਘਰ ਨੂੰ ਛੱਡਣ ਤੋਂ ਬਾਅਦ ਪਤਾ ਚਲੀ ਹੈ। ਜਦੋਂ ਮੈਂ ਹਸਪਤਾਲ ਵਿੱਚ ਮਾਂ ਨੂੰ ਵੇਖਿਆ ਤਾਂ ਮੈਂ ਹੈਰਾਨ ਰਹਿ ਗਈ।"
ਰਾਖੀ ਨੇ ਦੱਸਿਆ, ''ਇਕ ਸਾਲ ਪਹਿਲਾਂ ਮੇਰੀ ਮਾਂ ਦੇ ਪੇਟ ਦਾ ਆਪ੍ਰੇਸ਼ਨ ਕੀਤਾ ਗਿਆ ਸੀ ਅਤੇ ਡਾਕਟਰ ਨੇ ਆਪ੍ਰੇਸ਼ਨ ਦੇ ਜ਼ਰੀਏ ਉਨ੍ਹਾਂ ਦੇ ਪੇਟ ਤੋਂ ਕੈਂਸਰ ਦੀ ਗੱਠ ਨੂੰ ਹਟਾਉਣ ਦੀ ਗੱਲ ਕੀਤੀ ਸੀ। ਪਰ ਹੁਣ ਮੈਨੂੰ ਇਹ ਸਮਝ ਨਹੀਂ ਆਇਆ ਕਿ ਉਨ੍ਹਾਂ ਦਾ ਸਾਰਾ ਆਪ੍ਰੇਸ਼ਨ ਸਫਲ ਹੋ ਗਿਆ ਸੀ। ਫਿਰ ਕੈਂਸਰ ਕਿਵੇਂ ਹੋਇਆ। 'ਬਿੱਗ ਬੌਸ 14' 'ਚ ਚਲੇ ਜਾਣ ਤੋਂ ਬਾਅਦ, ਯਾਨੀ, ਤਿੰਨ ਮਹੀਨੇ ਪਹਿਲਾਂ ਮੇਰੀ ਮਾਂ ਦਾ ਆਪ੍ਰੇਸ਼ਨ ਹੋਇਆ ਸੀ।'