ਚੰਡੀਗੜ੍ਹ: ਮਸ਼ਹੂਰ ਪੰਜਾਬੀ ਗਾਇਕਾ ਅਫਸਾਨਾ ਖਾਨ (Afsana Khan) ਜਦੋਂ ਤੋਂ ਬਿੱਗ ਬੌਸ 15 ਵਿੱਚ ਆਈ ਹੈ, ਉਦੋਂ ਤੋਂ ਹੀ ਸੁਰਖੀਆਂ ਵਿੱਚ ਹੈ। ਹੁਣ ਤੱਕ ਉਸ ਨੂੰ ਬਿੱਗ ਬੌਸ ਦੇ ਘਰ ਵਿੱਚ ਹਮੇਸ਼ਾ ਆਪਣੇ ਆਪ ਨੂੰ ਦੁਖੀ ਹੁੰਦਿਆ ਚੀਕਦੇ ਹੋਏ ਦੇਖਿਆ ਗਿਆ ਹੈ। ਕਲਰਸ ਟੀਵੀ ਦੁਆਰਾ ਸ਼ੇਅਰ ਕੀਤੇ ਗਏ ਅੱਜ ਦੇ ਐਪੀਸੋਡ ਦੇ ਪ੍ਰੋਮੋ ਵਿੱਚ, ਅਫਸਾਨਾ ਵੀਆਈਪੀ ਜ਼ੋਨ ਐਕਸੈਸ ਟਾਸਕ ਵਿੱਚ ਹਾਰਨ ਤੋਂ ਬਾਅਦ ਆਪਣੇ ਆਪ ਨੂੰ ਨੁਕਸਾਨ ਪਹੁੰਚਾਉਣ ਦੀ ਕੋਸ਼ਿਸ਼ ਕਰਦੀ ਨਜ਼ਰ ਆ ਰਹੀ ਹੈ। ਇੰਨਾ ਹੀ ਨਹੀਂ ਇਹ ਹੰਗਾਮਾ ਕਰਦੇ ਹੋਏ ਵੀਡੀਓ 'ਚ ਉਨ੍ਹਾਂ ਦੀ ਸਿਹਤ ਵਿਗੜਦੀ ਜਾ ਰਹੀ ਹੈ।
ਬਿੱਗ ਬੌਸ ਦੇ ਘਰ 'ਚ ਟਾਸਕ ਤੋਂ ਬਾਅਦ ਅਫਸਾਨਾ ਨੇ ਹੰਗਾਮਾ ਕੀਤਾ। ਇਸ ਦੌਰਾਨ ਉਸ ਨੂੰ ਪੈਨਿਕ ਅਟੈਕ ਵੀ ਆਇਆ ਅਤੇ ਉਹ ਖੁਦ ਨੂੰ ਸੱਟ ਮਾਰਦੀ ਨਜ਼ਰ ਆਈ। ਅਫਸਾਨਾ ਨੂੰ ਉਸ ਦੀ ਇਸ ਹਰਕਤ ਲਈ ਕਾਫੀ ਟ੍ਰੋਲ ਕੀਤਾ ਜਾ ਰਿਹਾ ਹੈ। ਇੰਨਾ ਹੀ ਨਹੀਂ ਬਿੱਗ ਬੌਸ ਦੇ ਪ੍ਰਸ਼ੰਸਕ ਵੀ ਉਸ ਦੇ ਰਵੱਈਏ ਤੋਂ ਕਾਫੀ ਨਾਰਾਜ਼ ਹਨ ਪਰ ਬਿੱਗ ਬੌਸ 13 ਦੀ ਸਾਬਕਾ ਪ੍ਰਤੀਯੋਗੀ ਰਸ਼ਮੀ ਦੇਸਾਈ ਦਾ ਕਹਿਣਾ ਹੈ ਕੁਝ ਹੋਰ। ਰਸ਼ਮੀ ਦੇਸਾਈ ਨੇ ਅਫਸਾਨਾ ਖਾਨ ਦੇ ਸਮਰਥਨ 'ਚ ਟਵੀਟ ਕਰਕੇ ਉਨ੍ਹਾਂ ਦਾ ਸਮਰਥਨ ਕੀਤਾ ਹੈ।
[blurb]
[/blurb]
ਰਸ਼ਮੀ ਨੇ ਅਫਸਾਨਾ ਦਾ ਸਾਥ ਦਿੱਤਾ
ਆਪਣੇ ਟਵਿੱਟਰ ਹੈਂਡਲ ਤੋਂ ਟਵੀਟ ਕਰਦੇ ਹੋਏ ਰਸ਼ਮੀ ਨੇ ਕਿਹਾ, ''ਅਜਿਹੀ ਪ੍ਰਤਿਭਾ ਅਤੇ ਕੋਈ ਨਹੀਂ ਜਾਣਦਾ ਕਿ ਉਹ ਕਿਸ ਦੌਰ 'ਚੋਂ ਗੁਜ਼ਰ ਰਹੀ ਹੈ। ਪਰ ਇਹ ਬਾਹਰੋਂ ਹੋਵੇ ਜਾਂ ਅੰਦਰ, ਸਿਰਫ਼ ਲੋਕ ਹੀ ਉਨ੍ਹਾਂ ਦਾ ਨਿਰਣਾ ਕਰ ਰਹੇ ਹਨ। ਕੀ ਇਹ ਜ਼ਰੂਰੀ ਹੈ? ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਅਜਿਹਾ ਕਿਉਂ ਹੋ ਰਿਹਾ ਹੈ। ਅਸੀਂ ਸਾਰੇ ਆਪਣੀਆਂ ਅਤੇ ਦੂਜਿਆਂ ਦੀਆਂ ਗਲਤੀਆਂ ਤੋਂ ਸਿੱਖਦੇ ਹਾਂ, ਕੋਈ ਦੁੱਧ ਦਾ ਧੋਤਾ ਨਹੀਂ। ਹਰ ਘਰ ਵਿੱਚ ਭਾਂਡੇ ਵੱਜਦੇ ਰਹਿੰਦੇ ਹਨ। ਹਾਲਾਂਕਿ ਰਸ਼ਮੀ ਨੇ ਇਸ ਟਵੀਟ 'ਚ ਕਿਸੇ ਦਾ ਨਾਂ ਨਹੀਂ ਲਿਆ ਪਰ ਫਿਰ ਵੀ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੇ ਅੰਦਾਜ਼ਾ ਲਗਾਇਆ ਕਿ ਉਹ ਅਫਸਾਨਾ ਦੀ ਗੱਲ ਕਰ ਰਹੀ ਹੈ।
ਅਫਸਾਨਾ ਦੇ ਨਾਂ ਦੀ ਪੁਸ਼ਟੀ ਕਰਦੇ ਹੋਏ ਪ੍ਰਸ਼ੰਸਕਾਂ ਨੂੰ ਦਿੱਤਾ ਜਵਾਬ
ਰਸ਼ਮੀ ਦੇ ਇਸ ਟਵੀਟ ਤੋਂ ਬਾਅਦ ਉਨ੍ਹਾਂ ਦੇ ਇਕ ਪ੍ਰਸ਼ੰਸਕ ਨੇ ਟਵੀਟ ਕਰਕੇ ਉਨ੍ਹਾਂ ਨੂੰ ਪੁੱਛਿਆ, ''ਕੀ ਤੁਸੀਂ ਅਫਸਾਨਾ ਦੀ ਗੱਲ ਕਰ ਰਹੇ ਹੋ? ਨਿਰਮਾਤਾਵਾਂ ਨੂੰ ਪ੍ਰੋਮੋ ਨੂੰ ਇੰਨਾ ਸਨਸਨੀਖੇਜ਼ ਨਹੀਂ ਬਣਾਉਣਾ ਚਾਹੀਦਾ, ਇਹ ਦਰਸ਼ਕਾਂ ਨੂੰ ਪਰੇਸ਼ਾਨ ਕਰ ਸਕਦਾ ਹੈ।" ਰਸ਼ਮੀ ਨੇ ਪ੍ਰਸ਼ੰਸਕਾਂ ਦੇ ਇਸ ਟਵੀਟ ਦਾ ਜਵਾਬ ਦਿੱਤਾ ਹੈ। ਇਸ ਦੇ ਜਵਾਬ 'ਚ ਰਸ਼ਮੀ ਨੇ ਲਿਖਿਆ, ''ਇਹ ਬਹੁਤ ਦੁੱਖ ਦੀ ਗੱਲ ਹੈ ਕਿ ਚੈਨਲ ਨੇ ਸਿਰਫ ਪ੍ਰੋਮੋ ਹੀ ਦਿਖਾਏ ਪਰ ਲੋਕਾਂ ਨੇ ਇਸ ਪ੍ਰੋਮੋ ਨੂੰ ਦੇਖ ਕੇ ਉਨ੍ਹਾਂ ਦਾ ਮਜ਼ਾਕ ਉਡਾਇਆ ਹੈ।" ਰਸ਼ਮੀ ਦੇ ਇਸ ਟਵੀਟ ਅਤੇ ਉਨ੍ਹਾਂ ਦੇ ਜਵਾਬ ਨੂੰ ਕਈ ਲੋਕਾਂ ਨੇ ਪਸੰਦ ਕੀਤਾ ਹੈ।