Sargun Mehta Ravi Dubey: ਸਰਗੁਣ ਮਹਿਤਾ ਪੰਜਾਬੀ ਇੰਡਸਟਰੀ ਦੀਆਂ ਟੌਪ ਅਭਿਨੇਤਰੀਆਂ 'ਚੋਂ ਇੱਕ ਹੈ। ਉਸ ਨੇ ਆਪਣੇ ਫਿਲਮੀ ਕਰੀਅਰ 'ਚ ਇੰਡਸਟਰੀ ਨੂੰ ਬੇਸ਼ੁਮਾਰ ਹਿੱਟ ਫਿਲਮਾਂ ਦਿੱਤੀਆਂ ਹਨ। ਸਰਗੁਣ ਦਾ ਪਤੀ ਰਵੀ ਦੂਬੇ ਵੀ ਨਾਮੀ ਐਕਟਰ ਹੈ। ਉਹ ਟੀਵੀ ਸੀਰੀਅਲਜ਼, ਵੈੱਬ ਸੀਰੀਜ਼ ਤੇ ਫਿਲਮਾਂ 'ਚ ਨਜ਼ਰ ਆ ਚੁੱਕਿਆ ਹੈ।
ਹਾਲ ਹੀ 'ਚ ਰਵੀ ਦੂਬੇ ਦਾ ਨਾਮ ਸੁਰਖੀਆਂ 'ਚ ਆ ਗਿਆ ਹੈ। ਦਰਅਸਲ, ਰਵੀ ਦੂਬੇ ਨੇ ਹਾਲ ਹੀ 'ਚ ਵਰਲਡ ਰਿਕਾਰਡ ਬਣਾਇਆ ਹੈ। ਰਵੀ ਦੂਬੇ ਨੇ ਆਪਣੇ ਸ਼ੋਅ 'ਲਖਨ ਲੀਲਾ ਭਾਰਗਵ' 'ਚ ਅੱਧੇ ਘੰਟਾ ਲੰਬਾ ਡਾਇਲੌਗ ਬੋਲ ਕੇ ਵਰਲਡ ਰਿਕਾਰਡ ਬਣਾਇਆ ਹੈ। ਇਸ ਬਾਰੇ ਰਵੀ ਦੂਬੇ ਦੀ ਪਤਨੀ ਤੇ ਅਦਾਕਾਰਾ ਸਰਗੁਣ ਮਹਿਤਾ ਨੇ ਪੋਸਟ ਸ਼ੇਅਰ ਕਰ ਜਾਣਕਾਰੀ ਦਿੱਤੀ ਹੈ। ਸਰਗੁਣ ਮਹਿਤਾ ਨੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿੱਚ ਉਸ ਨੇ ਗੂਗਲ ਸਰਚ 'ਚ ਦਿਖਾਇਆ ਹੈ ਕਿ ਜਦੋਂ ਗੂਗਲ ਸਰਚ 'ਤੇ ਲਿਿਖਿਆ ਜਾਂਦਾ ਹੈ ਕਿ ਦੁਨੀਆ ਦਾ ਸਭ ਤੋਂ ਲੰਬਾ ਡਾਇਲੌਗ ਬੋਲਣ ਦਾ ਰਿਕਾਰਡ ਕਿਸ ਦੇ ਨਾਮ 'ਤੇ ਹੈ, ਤਾਂ ਇਸ 'ਚ ਰਵੀ ਦੂਬੇ ਦਾ ਨਾਮ ਆਉਂਦਾ ਹੈ। ਇਸ ਪੋਸਟ ਨੂੰ ਸ਼ੇਅਰ ਕਰਦਿਆਂ ਸਰਗੁਣ ਨੇ ਲਿਿਖਿਆ, 'ਰਵੀ ਦੂਬੇ ਚੈਂਪੀਅਨ ਹੈ ਤਾਂ ਰਿਕਾਰਡ ਤਾਂ ਬਣਾਏਗਾ ਹੀ।' ਦੇਖੋ ਇਹ ਪੋਸਟ:
ਕਾਬਿਲੇਗ਼ੌਰ ਹੈ ਕਿ ਸਰਗੁਣ ਮਹਿਤਾ ਤੇ ਰਵੀ ਦੂਬੇ ਦੀ ਪਹਿਲੀ ਮੁਲਾਕਾਤ 2009 'ਚ ਟੀਵੀ ਸੀਰੀਅਲ '12/24 ਕਰੋਲ ਬਾਗ਼' ਦੇ ਸੈੱਟ 'ਤੇ ਹੋਈ ਸੀ। ਦੋਵਾਂ ਨੇ ਇਸ ਸੀਰੀਅਲ 'ਚ ਹਸਬੈਂਡ ਵਾਈਫ ਦਾ ਕਿਰਦਾਰ ਨਿਭਾਇਆ ਸੀ। ਇੱਥੋਂ ਹੀ ਦੋਵਾਂ ਨੇ ਇੱਕ ਦੂਜੇ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ ਸੀ। 4 ਸਾਲ ਡੇਟਿੰਗ ਕਰਨ ਤੋਂ ਬਾਅਦ ਦੋਵਾਂ ਨੇ ਵਿਆਹ ਕਰ ਲਿਆ ਸੀ।