ਮੁੰਬਈ: ਹੇਮਾ ਮਾਲਿਨੀ ਤੇ ਬਾਲੀਵੁੱਡ ਸੁਪਰਸਟਾਰ ਦੀ ਲਵ ਸਟੋਰੀ ਤੋਂ ਦੁਨੀਆਂ ਵਾਕਫ ਹੈ। ਸਾਰੇ ਜਾਣਦੇ ਹਨ ਕਿ ਹੇਮਾ ਨੇ ਵਿਆਹ ਕਰਨ ਤੋਂ ਪਹਿਲਾਂ ਧਰਮੇਂਦਰ ਵਿਆਹੇ ਹੋਏ ਸਨ ਪਰ ਫੈਨਜ਼ ਹਮੇਸ਼ਾਂ ਇਹ ਜਾਣਨ ਲਈ ਉਤਸੁਕ ਰਹਿੰਦੇ ਹਨ ਕਿ ਸੰਨੀ ਤੇ ਬੌਬੀ ਦਾ ਆਪਣੀ ਮੱਤਰਈ ਮਾਂ ਹੇਮਾ ਨਾਲ ਕਿਹੋ ਜਿਹਾ ਰਿਸ਼ਤਾ ਹੈ। ਇਸ ਨੂੰ ਲੈ ਕੇ ਹੇਮਾ ਨੇ ਪਹਿਲਾਂ ਮੀਡੀਆ ਨਾਲ ਉਦੋਂ ਖੁੱਲ੍ਹ ਕੇ ਗੱਲ ਕੀਤੀ ਜਦੋਂ ਉਨ੍ਹਾਂ ਆਪਣੀ ਜੀਵਨੀ ਲੌਂਚ ਕੀਤੀ ਸੀ।
ਹੇਮਾ ਨੇ ਸਨੀ ਨੂੰ ਲੈ ਕੇ ਕਹੀ ਇਹ ਗੱਲ
ਹੇਮਾ ਨੇ ਉਸ ਦੌਰਾਨ ਮੀਡੀਆ ਨਾਲ ਗੱਲ ਕਰਦਿਆਂ ਦੱਸਿਆ ਸੀ ਕਿ ਹਰ ਕੋਈ ਸੋਚਦਾ ਹੈ ਕਿ ਅਸੀਂ ਕਿਸ ਤਰ੍ਹਾਂ ਦਾ ਰਿਸ਼ਤਾ ਨਿਭਾਅ ਰਹੇ ਹਾਂ ਪਰ ਮੈਂ ਤਹਾਨੂੰ ਦੱਸ ਦਿਆਂ ਕਿ ਇਹ ਬਹੁਤ ਖੂਬਸੂਰਤ ਹੈ। ਜਦੋਂ ਵੀ ਲੋੜ ਹੁੰਦੀ ਹੈ ਸਨੀ ਹਮੇਸ਼ਾਂ ਧਰਮ ਜੀ ਦੇ ਕੋਲ ਹੀ ਰਹਿੰਦਾ ਹੈ। ਉੱਥੇ ਹੀ ਉਨ੍ਹਾਂ ਆਪਣੇ ਐਕਸੀਡੈਂਟ ਨੂੰ ਯਾਦ ਕਰਦਿਆਂ ਕਿਹਾ ਸੀ ਜਦੋਂ ਮੇਰੇ ਨਾਲ ਇਹ ਹਾਦਸਾ ਹੋਇਆ ਸੀ ਤਾਂ ਸਨੀ ਪਹਿਲਾ ਸ਼ਖਸ ਸੀ ਜੋ ਮੈਨੂੰ ਮਿਲਣ ਘਰ ਆਇਆ ਸੀ। ਉਸ ਨੇ ਡਾਕਟਰ ਨਾਲ ਚੰਗੀ ਤਰ੍ਹਾਂ ਗੱਲ ਕਰਕੇ ਪੁੱਛਿਆ ਸੀ ਕਿ ਸਭ ਠੀਕ ਹੈ।
ਕਿਤਾਬ 'ਚ ਦੱਸਿਆ ਜ਼ਿੰਦਗੀ ਦਾ ਸਭ ਤੋਂ ਅਹਿਮ ਕਿੱਸਾ
ਹੇਮਾ ਨੇ ਆਪਣੀ ਕਿਤਾਬ 'ਚ ਆਪਣੀ ਜ਼ਿੰਦਗੀ ਦਾ ਇਕ ਕਿੱਸਾ ਸ਼ੇਅਰ ਕਰਦਿਆਂ ਦੱਸਿਆ ਕਿ ਇਕ ਸਮਾਂ ਸੀ ਜਦੋਂ ਜੀਤੇਂਦਰ ਦੇ ਨਾਲ ਸੀਕ੍ਰੇਟ ਵਿਆਹ ਕਰਨ ਵਾਲੀ ਸੀ ਤੇ ਵਿਆਹ ਲਈ ਦੋਵੇਂ ਪਰਿਵਾਰ ਚੇਨੱਈ ਪਹੁੰਚ ਗਏ ਸਨ। ਪਰ ਪਤਾ ਨਹੀਂ ਕਿਵੇਂ ਇਸ ਗੱਲ ਦੀ ਭਨਕ ਸ਼ੋਭਾ ਤੇ ਧਰਮੇਂਦਰ ਨੂੰ ਲੱਗ ਗਈ ਤੇ ਉਹ ਦੋਵੇਂ ਵੀ ਚੇਨੱਈ ਪਹੁੰਚ ਗਏ ਕਿ ਵਿਆਹ ਨੂੰ ਰੋਕ ਸਕਣ।
ਇਹ ਵੀ ਪੜ੍ਹੋ: Coronavirus Update: ਕੋਰੋਨਾ ਕੇਸਾਂ 'ਚ ਵੱਡਾ ਉਛਾਲ 24 ਘੰਟਿਆਂ 'ਚ 2 ਲੱਖ ਨਵੇਂ ਕੇਸ, ਐਕਟਿਵ ਕੇਸ ਹੋਏ 14 ਲੱਖ ਤੋਂ ਪਾਰ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
https://apps.apple.com/in/app/abp-live-news/id811114904