ਬਾਲੀਵੁੱਡ ਐਕਟਰ ਰਿਤਿਕ ਰੋਸ਼ਨ ਅਤੇ ਸਬਾ ਆਜ਼ਾਦ ਇਨ੍ਹੀਂ ਦਿਨੀਂ ਫਰਾਂਸ 'ਚ ਛੁੱਟੀਆਂ ਮਨਾ ਰਹੇ ਹਨ। ਉਨ੍ਹਾਂ ਦੀ ਛੁੱਟੀਆਂ ਦੀ ਫੋਟੋ-ਵੀਡੀਓ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀ ਹੈ। ਇਸ ਦੇ ਨਾਲ ਹੀ ਅਭਿਨੇਤਰੀ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ ਇਕ ਵੀਡੀਓ ਸ਼ੇਅਰ ਕੀਤੀ ਹੈ ਜਿਸ 'ਚ ਉਹ ਆਪਣੇ ਕਥਿਤ ਬੁਆਏਫ੍ਰੈਂਡ ਰਿਤਿਕ ਰੋਸ਼ਨ ਨਾਲ ਫਰਾਂਸ ਦੀਆਂ ਸੜਕਾਂ 'ਤੇ ਲੰਬੀ ਡਰਾਈਵ ਦਾ ਆਨੰਦ ਲੈਂਦੀ ਨਜ਼ਰ ਆ ਰਹੀ ਹੈ। ਇਸ ਵੀਡੀਓ 'ਚ ਰਿਤਿਕ ਕਾਰ ਚਲਾ ਰਹੇ ਹਨ, ਹਾਲਾਂਕਿ ਵੀਡੀਓ 'ਚ ਦੋਵਾਂ ਦਾ ਚਿਹਰਾ ਨਜ਼ਰ ਨਹੀਂ ਆ ਰਿਹਾ ਹੈ।
ਇਨ੍ਹੀਂ ਦਿਨੀਂ ਰਿਤਿਕ ਰੋਸ਼ਨ ਸਬਾ ਆਜ਼ਾਦ ਨਾਲ ਰਿਲੇਸ਼ਨਸ਼ਿਪ ਦੀਆਂ ਖਬਰਾਂ ਨੂੰ ਲੈ ਕੇ ਚਰਚਾ 'ਚ ਹਨ। ਦੋਵਾਂ ਨੂੰ ਅਕਸਰ ਇਕੱਠੇ ਦੇਖਿਆ ਜਾਂਦਾ ਹੈ। ਦੋਵੇਂ ਕਰਨ ਜੌਹਰ ਦੇ ਜਨਮਦਿਨ ਦੀ ਪਾਰਟੀ 'ਚ ਵੀ ਇਕੱਠੇ ਪਹੁੰਚੇ ਸਨ। ਪਾਰਟੀ 'ਚ ਉਨ੍ਹਾਂ ਦੀ ਕੈਮਿਸਟਰੀ ਕਾਫੀ ਲਾਈਮਲਾਈਟ ਹੋਈ ਸੀ। ਇਸ ਦੇ ਨਾਲ ਹੀ ਹਾਲ ਹੀ 'ਚ ਦੋਵਾਂ ਨੂੰ ਏਅਰਪੋਰਟ 'ਤੇ ਵੀ ਹੱਥ ਮਿਲਾਉਂਦੇ ਦੇਖਿਆ ਗਿਆ। ਖਬਰਾਂ ਮੁਤਾਬਕ ਇਨ੍ਹੀਂ ਦਿਨੀਂ ਰਿਤਿਕ ਅਤੇ ਸਬਾ ਇਕੱਠੇ ਪੈਰਿਸ, ਜਿਸ ਨੂੰ ਪਿਆਰ ਦਾ ਸ਼ਹਿਰ ਕਿਹਾ ਜਾਂਦਾ ਹੈ, 'ਚ ਛੁੱਟੀਆਂ ਮਨਾਉਣ ਪਹੁੰਚੇ ਹਨ।
ਫੋਟੋਗ੍ਰਾਫਰ ਬਣੇ ਰਿਤਿਕ ਰੋਸ਼ਨ
ਇੱਕ ਦਿਨ ਪਹਿਲਾਂ ਸਬਾ ਨੇ ਆਪਣੀ ਤਸਵੀਰ ਸ਼ੇਅਰ ਕੀਤੀ ਸੀ ਜੋ ਰਿਤਿਕ ਰੋਸ਼ਨ ਦੁਆਰਾ ਕਲਿੱਕ ਕੀਤੀ ਗਈ ਸੀ, ਇਸ ਫੋਟੋ ਦੇ ਨਾਲ ਸਬਾ ਨੇ ਕੈਪਸ਼ਨ ਵਿੱਚ ਲਿਖਿਆ, 'ਨਾ ਤਾਂ ਇੱਕ ਸੈਲਫੀ ਹੈ ਅਤੇ ਨਾ ਹੀ ਇਹ ਮੇਰੀ ਕੌਫੀ ਹੈ, ਰਿਤਿਕ ਰੋਸ਼ਨ ਦੁਆਰਾ ਕਲਿੱਕ ਕੀਤੀ ਗਈ ਫੋਟੋ।' ਸਬਾ ਨੇ ਇਸ ਤਸਵੀਰ ਨਾਲ ਲੋਕੇਸ਼ਨ ਪੈਰਿਸ ਨੂੰ ਟੈਗ ਕੀਤਾ ਹੈ। ਪ੍ਰਸ਼ੰਸਕ ਇਸ ਫੋਟੋ ਨਾਲ ਫੋਟੋਗ੍ਰਾਫਰ ਦੀ ਤਾਰੀਫ ਵੀ ਕਰ ਰਹੇ ਸਨ।
ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਰਿਤਿਕ ਰੋਸ਼ਨ ਵਿਕਰਮ ਵੇਧਾ ਦੇ ਹਿੰਦੀ ਰੀਮੇਕ ਵਿੱਚ ਨਜ਼ਰ ਆਉਣਗੇ। ਇਸ ਫਿਲਮ 'ਚ ਸੈਫ ਅਲੀ ਖਾਨ ਵੀ ਮੁੱਖ ਭੂਮਿਕਾ 'ਚ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ 'ਫਾਈਟਰ' ਵੀ ਰਿਤਿਕ ਦੀ ਆਉਣ ਵਾਲੀ ਫਿਲਮ ਹੈ।