ਸੁਪਰਹਿੱਟ ਤਾਮਿਲ ਫਿਲਮ 'ਮਾਸਟਰ' ਦਾ ਹਿੰਦੀ ਰੀਮੇਕ ਪਿਛਲੇ ਕਾਫ਼ੀ ਸਮੇਂ ਤੋਂ ਸੁਰਖੀਆਂ 'ਚ ਹੈ। ਰਿਪੋਰਟਸ ਮੁਤਾਬਕ ਹੁਣ ਫਿਲਮ ਮੇਕਰਸ ਨੇ ਇਸ ਫਿਲਮ ਦੇ ਹਿੰਦੀ ਰੀਮੇਕ ਨੂੰ ਹੋਰ ਪਾਵਰਫੁੱਲ ਬਣਾਉਣ ਲਈ ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਨੂੰ ਅਪਰੋਚ ਕੀਤਾ ਹੈ। ਮੇਕਰਸ ਚਾਹੁੰਦੇ ਹਨ ਕਿ ਫਿਲਮ ਵਿੱਚ ਸਲਮਾਨ ਸਾਊਥ ਸਟਾਰ ਥਲਾਪਤੀ ਵਿਜੇ ਦਾ ਕਿਰਦਾਰ ਨਿਭਾਉਣ। ਇਸ ਫਿਲਮ ਦੀ ਟੀਮ ਤੇ ਮੇਕਰਸ ਪਿਛਲੇ 30 ਦਿਨਾਂ ਤੋਂ ਸਲਮਾਨ ਨਾਲ ‘ਮਾਸਟਰ’ ਲਈ ਪਲਾਨਿੰਗ ਕਰ ਰਹੀ ਹੈ।
ਖਾਸ ਗੱਲ ਇਹ ਹੈ ਕਿ ਸਲਮਾਨ ਖਾਨ ਨੂੰ ਫਿਲਮ ਦੀ ਸਕ੍ਰਿਪਟ ਪਸੰਦ ਹੈ। ਉਨ੍ਹਾਂ ਨੇ ਇਸ ਲਈ ਹਾਂ ਵੀ ਕਹਿ ਦਿੱਤਾ ਹੈ। ਹਾਲਾਂਕਿ, ਸਲਮਾਨ ਦੀ ਇਕ ਸ਼ਰਤ ਹੈ ਕਿ ਮੇਕਰਸ ਹਿੰਦੀ ਦਰਸ਼ਕਾਂ ਦੇ ਅਨੁਸਾਰ 'ਮਾਸਟਰ' ਦਾ ਰੀਮੇਕ ਤਿਆਰ ਕਰਨ। ਫਿਲਮ ਦੇ ਹਿੰਦੀ ਰੀਮੇਕ ਦੇ ਰਾਈਟਸ ਮੁਰਾਦ ਖੇਤਾਨੀ ਨੇ ਖਰੀਦੇ ਹਨ, ਜਿਨ੍ਹਾਂ ਨੇ 'ਕਬੀਰ ਸਿੰਘ' ਵਰਗੀ ਹਿੱਟ ਫਿਲਮ ਬਣਾਈ ਸੀ। ਮੁਰਾਦ ਅਤੇ ਐਂਡੇਮੋਲ ਸ਼ਾਈਨ ਸਲਮਾਨ ਖਾਨ ਲਈ ਤਿਆਰ ਹਨ।
ਲੋਕੇਸ਼ ਕਨਕਰਾਜ ਦੁਆਰਾ ਡਾਇਰੈਕਟਡ 'ਮਾਸਟਰ' ਇਸ ਸਾਲ 13 ਜਨਵਰੀ ਨੂੰ ਰਿਲੀਜ਼ ਕੀਤੀ ਗਈ ਸੀ। ਭਾਵੇਂ ਵਿਜੇ ਹੋਵੇ ਜਾਂ ਵਿਜੇ ਸੇਤੂਪਤੀ, ਦੋਵਾਂ ਨੇ ਇਸ ਫਿਲਮ 'ਚ ਚੋਟੀ ਦੇ ਪੱਧਰ 'ਤੇ ਕੰਮ ਕੀਤਾ ਸੀ। ਐਕਸ਼ਨ ਅਤੇ ਸਸਪੈਂਸ ਨਾਲ ਭਰੀ ਇਹ ਫਿਲਮ ਦਰਸ਼ਕਾਂ ਨੂੰ ਬੇਹੱਦ ਪਸੰਦ ਆਈ। ਸਲਮਾਨ ਖਾਨ ਦੇ ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਉਹ ਇਸ ਸਾਲ ਈਦ 'ਤੇ ਰਿਲੀਜ਼ ਹੋਣ ਵਾਲੀ ਆਪਣੀ ਫਿਲਮ 'ਰਾਧੇ' ਨਾਲ ਚਰਚਾ 'ਚ ਹੈ। ਇਸ ਤੋਂ ਇਲਾਵਾ ਸਲਮਾਨ ਇਨ੍ਹੀਂ ਦਿਨੀਂ ਫਿਲਮ ਟਾਈਗਰ 3 ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ।
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/ ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:https://apps.apple.com/in/app/