ਮੁੰਬਈ: ਕਿਸਾਨ ਅੰਦੋਲਨ ਦੇ ਮੁੱਦੇ 'ਤੇ ਕਈ ਬਾਲੀਵੁੱਡ ਦਿੱਗਜ ਅਦਾਕਾਰਾਂ ਦੀ ਅਜੇ ਤਕ ਕੋਈ ਪ੍ਰਤੀਕਿਰਿਆ ਸਾਹਮਣੇ ਨਹੀਂ ਆਈ। ਸਲਮਾਨ ਖਾਨ ਵੀ ਇਸ ਮੁੱਦੇ 'ਤੇ ਚੁੱਪ ਧਾਰੀ ਬੈਠੇ ਹਨ। ਲੌਕਡਾਊਨ 'ਚ ਸਲਮਾਨ ਨੇ ਖੇਤੀ ਕਰਦਿਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਸਨ। ਕਦੇ ਝੋਨਾ ਬੀਜਦੇ ਤੇ ਕਦੇ ਖੇਤਾਂ 'ਚ ਹਲ ਚਲਾਉਂਦੇ ਉਨ੍ਹਾਂ ਦੇ ਵੀਡੀਓ 'ਤੇ ਫੋਟੋ ਖੂਬ ਵਾਇਰਲ ਹੋਏ ਸਨ। ਤਦ ਸਲਮਾਨ ਨੇ ਟਵਿਟਰ ਤੇ ਮਿੱਟੀ 'ਚ ਲਿੱਬੜ ਕੇ ਖੂਬ ਫੋਟੋਆਂ ਖਿਚਵਾਈਆਂ ਸਨ ਤੇ ਲਿਖਿਆ ਸੀ ਕਿਸਾਨਾਂ ਦਾ ਸਨਮਾਨ ਕਰੋ।
ਹੁਣ ਬਾਲੀਵੁੱਡ ਦੇ ਜਿਹੜੇ ਸਿਤਾਰਿਆਂ ਨੇ ਕਿਸਾਨ ਅੰਦੋਲਨ 'ਤੇ ਚੁੱਪੀ ਧਾਰੀ ਹੈ ਉਨ੍ਹਾਂ 'ਚ ਸਲਮਾਨ ਖਾਨ ਵੀ ਹੈ। ਉਨ੍ਹਾਂ ਹੁਣ ਤਕ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਹੈ।
ਅਜਿਹੇ 'ਚ ਉਨ੍ਹਾਂ ਦੇ ਪ੍ਰਸ਼ੰਸਕ ਟਿੱਪਣੀਆਂ ਦੀ ਰਾਹ ਦੇਖ ਰਹੇ ਹਨ। ਆਖਿਰ ਇਹ ਚੁੱਪੀ ਸੋਚੀ ਸਮਝੀ ਰਣਨੀਤੀ ਹੈ ਜਾਂ ਫਿਰ ਸਲਮਾਨ ਬੋਲਣਗੇ ਇਹ ਤਾਂ ਸਮਾਂ ਹੀ ਦੱਸੇਗਾ।
ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ