Shah Rukh Khan Video: ਬਾਲੀਵੁੱਡ ਦੇ ਕਿੰਗ ਖਾਨ ਸ਼ਾਹਰੁਖ ਇੰਨੀਂ ਦਿਨੀਂ ਖੂਬ ਸੁਰਖੀਆਂ 'ਚ ਬਣੇ ਹੋਏ ਹਨ। ਉਨ੍ਹਾਂ ਦੀ ਫਿਲਮ 'ਪਠਾਨ' ਨੇ ਪੂਰੀ ਦੁਨੀਆ 'ਚ ਜ਼ਬਰਦਸਤ ਕਮਾਈ ਕੀਤੀ ਹੈ। ਇਸ ਦੌਰਾਨ ਸੋਸ਼ਲ ਮੀਡੀਆ 'ਤੇ ਵੀ ਕਿੰਗ ਖਾਨ ਛਾਏ ਰਹਿੰਦੇ ਹਨ। ਕੀ ਤੁਹਾਨੂੰ ਪਤਾ ਹੈ ਕਿ ਸ਼ਾਹਰੁਖ ਸਿਰਫ ਵਧੀਆ ਐਕਟਰ ਹੀ ਨਹੀਂ ਸਗੋਂ ਬੇਹਤਰੀਨ ਕੁੱਕ ਵੀ ਹਨ। ਜੀ ਹਾਂ, ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਦੇ ਮੁਤਾਬਕ ਸ਼ਾਹਰੁਖ ਲਜਵਾਬ ਖਾਣਾ ਬਣਾਉਂਦੇ ਹਨ। ਸੋਸ਼ਲ ਮੀਡੀਆ 'ਤੇ ਸ਼ਾਹਰੁਖ ਦੇ ਕਈ ਅਜਿਹੇ ਵੀਡੀਓ ਪਏ ਹਨ, ਜਿਨ੍ਹਾਂ ਵਿੱਚ ਸ਼ਾਹਰੁਖ ਕੁਕਿੰਗ ਕਰਦੇ ਨਜ਼ਰ ਆਉਂਦੇ ਹਨ।
ਇਹ ਵੀ ਪੜ੍ਹੋ: ਮੂਸੇਵਾਲਾ ਦੀ ਮਾਂ ਚਰਨ ਕੌਰ ਦੀ ਇਹ ਸੋਸ਼ਲ ਮੀਡੀਆ ਪੋਸਟ ਵਾਇਰਲ, ਬੋਲੀ- ਵਿਆਹ ਦਾ ਪਾਠ ਕਰਾਉਣਾ ਸੀ ਪਰ...
ਇੰਨੀਂ ਦਿਨੀਂ ਸ਼ਾਹਰੁਖ ਦਾ ਇੱਕ ਪੁਰਾਣਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਚਰਚਾ ਵਿੱਚ ਹੈ। ਇਸ ਵਿੱਚ ਗੌਰੀ ਖਾਨ ਕਹਿੰਦੀ ਸੁਣੀ ਜਾ ਸਕਦੀ ਹੈ ਕਿ ਘਰ ਵਿੱਚ ਸਭ ਸ਼ਾਹਰੁਖ ਦੇ ਹੱਥਾਂ ਦਾ ਬਣਿਆ ਖਾਣਾ ਪਸੰਦ ਕਰਦੇ ਹਨ। ਇਸ ਤੋਂ ਬਾਅਦ ਸ਼ਾਹਰੁਖ ਖਾਨ ਇੱਕ ਐਵਾਰਡ ਫੰਕਸ਼ਨ ਦੌਰਾਨ ਸਭ ਦੇ ਸਾਹਮਣੇ ਪਿਆਜ਼ ਕੱਟ ਕੇ ਦਿਖਾਉਂਦੇ ਹਨ। ਇਸ ਵਿੱਚ ਉਨ੍ਹਾਂ ਦੇ ਮੁਕਾਬਲੇ 'ਚ ਦੀਪਿਕਾ ਪਾਦੂਕੋਣ ਸਮੇਤ ਕਈ ਹੀਰੋਈਨਾਂ ਸੀ, ਪਰ ਸਭ ਤੋਂ ਵਧੀਆ ਪਿਆਜ਼ ਸ਼ਾਹਰੁਖ ਖਾਨ ਨੇ ਕੱਟ ਕੇ ਦਿਖਾਏ। ਦੇਖੋ ਇਹ ਵੀਡੀਓ:
ਸ਼ਾਹਰੁਖ ਖਾਨ ਦੀ ਇਸ ਵੀਡੀਓ ਤੋਂ ਇਹ ਸਾਬਤ ਹੁੰਦਾ ਹੈ ਕਿ ਉਹ ਪਰਫੈਕਟ ਅਦਾਕਾਰ ਹੀ ਨਹੀਂ ਸਗੋਂ ਪਰਫੈਕਟ ਪਤੀ ਵੀ ਹਨ। ਹਰ ਇੱਕ ਲੜਕੀ ਆਪਣੇ ਪਤੀ ਵਿੱਚ ਅਜਿਹੀਆਂ ਹੀ ਖੂਬੀਆਂ ਤਲਾਸ਼ ਕਰਦੀ ਹੈ।
ਕਾਬਿਲੇਗ਼ੌਰ ਹੈ ਕਿ ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' 25 ਜਨਵਰੀ ਨੂੰ ਰਿਲੀਜ਼ ਹੋਈ ਸੀ। ਫਿਲਮ ਨੂੰ ਰਿਲੀਜ਼ ਹੋਇਆਂ 40 ਦਿਨ ਤੋਂ ਜ਼ਿਆਦਾ ਦਾ ਸਮਾਂ ਹੋ ਚੁੱਕਿਆ ਹੈ। ਇਹ ਫਿਲਮ ਹਾਲੇ ਵੀ ਸਿਨੇਮਾਘਰਾਂ 'ਚ ਚੱਲ ਰਹੀ ਹੈ। ਫਿਲਮ ਨੇ ਪੂਰੀ ਦੁਨੀਆ 'ਚ 1000 ਕਰੋੜ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਹੈ। ਇਹੀ ਨਹੀਂ ਕਿੰਗ ਖਾਨ ਦੀ ਫਿਲਮ ਨੇ 'ਬਾਹੂਬਲੀ 2' ਸਣੇ ਕਈ ਵੱਡੀਆਂ ਫਿਲਮਾਂ ਦਾ ਰਿਕਾਰਡ ਵੀ ਤੋੜ ਦਿੱਤਾ ਹੈ।