Shehnaaz Gill Guru Randhawa: ਸ਼ਹਿਨਾਜ਼ ਗਿੱਲ ਤੇ ਗੁਰੂ ਰੰਧਾਵਾ ਦੇ ਪਿਆਰ ਦੇ ਚਰਚੇ ਇੰਨੀਂ ਦਿਨੀਂ ਜ਼ੋਰਾਂ 'ਤੇ ਹਨ। ਹਾਲ ਹੀ 'ਚ ਇਹ ਜੋੜਾ ਗਾਣੇ 'ਮੂਨਰਾਈਜ਼' 'ਚ ਰੋਮਾਂਸ ਕਰਦਾ ਨਜ਼ਰ ਆਇਆ ਸੀ। ਪਰ ਹੁਣ ਅਸਲੀ ਜ਼ਿੰਦਗੀ 'ਚ ਵੀ ਗੁਰੂ ਤੇ ਸਨਾ ਇੱਕ ਦੂਜੇ ਦੇ ਨਾਲ ਰੋਮਾਂਟਿਕ ਹੁੰਦੇ ਨਜ਼ਰ ਆ ਰਹੇ ਹਨ।
ਇਹ ਵੀ ਪੜ੍ਹੋ: 'ਅਨੁਪਮਾ' ਰੂਪਾਲੀ ਗਾਂਗੁਲੀ ਨੇ ਸੀਨੀਅਰ ਪੱਤਰਕਾਰ ਦੇ ਲਾਏ ਪੈਰੀਂ ਹੱਥ, ਵੀਡੀਓ ਹੋਇਆ ਵਾਇਰਲ
ਗੁਰੂ ਰੰਧਾਵਾ ਨੇ ਬੀਤੇ ਦਿਨੀਂ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਸ਼ੇਅਰ ਕੀਤੀ ਹੈ, ਜੋ ਕਿ ਸੋਸ਼ਲ ਮੀਡੀਆ 'ਤੇ ਅੱਗ ਵਾਂਗ ਫੈਲ ਗਈ ਹੈ। ਇਸ ਵੀਡੀਓ 'ਚ ਸ਼ਾਮ ਦਾ ਨਜ਼ਾਰਾ ਨਜ਼ਰ ਆ ਰਿਹਾ ਹੈ। ਸੂਰਜ ਡੁੱਬ ਰਿਹਾ ਹੈ ਅਤੇ ਸ਼ਹਿਨਾਜ਼ ਤੇ ਗੁਰੂ ਦੋਵੇਂ ਹੀ ਕਮਰੇ ਦੀ ਖਿੜਕੀ 'ਚ ਬੈਠ ਕੇ ਸੂਰਜ ਡੁੱਬਣ ਦੇ ਨਜ਼ਾਰੇ ਦਾ ਆਨੰਦ ਮਾਣਦੇ ਨਜ਼ਰ ਆ ਰਹੇ ਹਨ। ਬੈਕਗਰਾਊਂਡ 'ਚ ਗੁਰੂ ਦਾ ਨਵਾਂ ਗਾਣਾ 'ਮੂਨਰਾਈਜ਼' ਇਸ ਸੀਨ ਨੂੰ ਹੋਰ ਰੋਮਾਂਟਿਕ ਬਣਾ ਰਿਹਾ ਹੈ। ਗੁਰੂ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਕੈਪਸ਼ਨ 'ਚ ਲਿਿਖਆ, 'ਸੂਰਜ ਡੁੱਬ ਰਿਹਾ ਹੈ, ਚੰਦ ਚੜ੍ਹ ਰਿਹਾ ਹੇ। ਕਿਆ ਖੂਬਸੂਰਤ ਨਜ਼ਾਰਾ ਹੈ। ਪੈ ਗਈਆਂ ਸ਼ਾਮਾਂ ਨੇ ਵਿੱਦ ਸ਼ਹਿਨਾਜ਼।'
ਅੱਗ ਵਾਂਗ ਵਾਇਰਲ ਹੋ ਰਿਹਾ ਵੀਡੀਓ
ਗੁਰੂ ਰੰਧਾਵਾ ਨੇ ਕਰੀਬ 15 ਘੰਟੇ ਪਹਿਲਾਂ ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਸੀ। ਖਬਰ ਲਿਖੇ ਜਾਣ ਤੱਕ ਇਸ ਵੀਡੀਓ ਨੂੰ ਮਿਲੀਅਨਜ਼ ਵਿੱਚ ਲੋਕ ਦੇਖ ਚੁੱਕੇ ਹਨ। ਇਸ ਦੇ ਨਾਲ ਨਾਲ ਵੀਡੀਓ ਨੂੰ ਹੁਣ ਤੱਕ 8 ਲੱਖ ਤੋਂ ਜ਼ਿਆਦਾ ਲਾਈਕ ਮਿਲ ਚੁੱਕੇ ਹਨ ਅਤੇ ਹਜ਼ਾਰਾਂ ਲੋਕ ਵੀਡੀਓ 'ਤੇ ਕਮੈਂਟ ਕਰ ਰਹੇ ਹਨ।