ਅਦਾਕਾਰਾ ਸ਼ਰਧਾ ਕਪੂਰ ਨੇ ਹਾਲ ਹੀ ਵਿੱਚ ਐਲਾਨ ਕੀਤਾ ਸੀ ਕਿ ਉਹ ਆਪਣੀ ਆਉਣ ਵਾਲੀ ਇੱਕ ਫਿਲਮ ਵਿੱਚ ਨਾਗਿਨ ਦਾ ਕਿਰਦਾਰ ਨਿਭਾਏਗੀ। ਇੱਕ ਤਾਜ਼ਾ ਇੰਟਰਵਿਊ ਵਿੱਚ ਉਸ ਨੇ ਐਲਾਨ ਕਰਨ ਤੋਂ ਬਾਅਦ ਪ੍ਰੇਮ ਅਤੇ ਸਮਰਥਨ ਲਈ ਫੈਨਸ ਦਾ ਧੰਨਵਾਦ ਕੀਤਾ।
ਇਕ ਮਨੋਰੰਜਨ ਪੋਰਟਲ ਨਾਲ ਗੱਲਬਾਤ ਕਰਦਿਆਂ, ਸ਼ਰਧਾ ਨੇ ਕਿਹਾ ਕਿ ਇਸ ਐਲਾਨ ਨੂੰ ਖੁਦ ਬਹੁਤ ਪਿਆਰ ਮਿਲਿਆ ਹੈ ਅਤੇ ਇਸ ਲਈ ਉਹ ਉਨ੍ਹਾਂ ਸਾਰਿਆਂ ਦਾ ਧੰਨਵਾਦ ਕਰਨਾ ਚਾਹੁੰਦੀ ਹੈ ਜਿਨ੍ਹਾਂ ਨੇ ਉਸ ਦਾ ਸਮਰਥਨ ਕੀਤਾ। ਉਸ ਨੇ ਕਿਹਾ ਕਿ ਬੇਮਿਸਾਲ ਪਿਆਰ ਨੇ ਟੀਮ 'ਤੇ ਦਬਾਅ ਵੀ ਵਧਾ ਦਿੱਤਾ ਹੈ ਅਤੇ ਉਹ ਸਾਰੀਆਂ ਉਮੀਦਾਂ 'ਤੇ ਖਰਾ ਉਤਰਨ ਦੀ ਉਮੀਦ ਰੱਖਦੇ ਹਨ।
ਸ਼ਰਧਾ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਇਹ ਫਿਲਮ ਜਲਦੀ ਹੀ ਸ਼ੁਰੂ ਹੋ ਰਹੀ ਹੈ। ਉਸ ਨੇ ਕਿਹਾ ਕਿ ਇਹ ਇਕ ਬਹੁਤ ਵੱਡਾ ਪ੍ਰਾਜੈਕਟ ਹੈ ਅਤੇ ਇਸ ਨੂੰ ਜਲਦੀ ਹੀ ਫਲੋਰ ‘ਤੇ ਲੈਣ ਦੀ ਤਿਆਰੀ ਚੱਲ ਰਹੀ ਹੈ। ਨਾਗਿਨ ਕਹਾਉਣ ਵਾਲੀ ਇਸ ਫਿਲਮ ਦਾ ਨਿਰਦੇਸ਼ਨ ਵਿਸ਼ਾਲ ਫੁਰੀਆ ਕਰਨਗੇ ਅਤੇ ਨਿਖਿਲ ਦਿਵੇਦੀ ਪ੍ਰੋਡਿਊਸ ਕਰਨਗੇ।
ਪਿਛਲੇ ਸਾਲ ਅਕਤੂਬਰ ਵਿੱਚ ਫਿਲਮ ਦੀ ਘੋਸ਼ਣਾ ਕਰਦਿਆਂ, ਸ਼ਰਧਾ ਨੇ ਟਵੀਟ ਕੀਤਾ ਸੀ, "ਪਰਦੇ 'ਤੇ ਨਾਗਿਨ ਦਾ ਕਿਰਦਾਰ ਨਿਭਾਉਣਾ,,, ਮੈਨੂੰ ਬਹੁਤ ਖੁਸ਼ੀ ਹੋਈ। ਮੈਂ ਸ਼੍ਰੀਦੇਵੀ ਮੈਮ ਦੀ ਨਗੀਨਾ ਅਤੇ ਨਿਗਾਹੇਂ ਨੂੰ ਦੇਖ ਕੇ ਵੱਡੀ ਹੋਈ ਹਾਂ ਅਤੇ ਹਮੇਸ਼ਾਂ ਅਜਿਹਾ ਹੀ ਕਿਰਦਾਰ ਕਰਨਾ ਚਾਹੁੰਦੀ ਸੀ।"