Shreyas Talpade on Heart Attack: ਬਾਲੀਵੁੱਡ ਅਦਾਕਾਰ ਸ਼੍ਰੇਅਸ ਤਲਪੜੇ ਲਈ ਸਾਲ 2023 ਮੁਸ਼ਕਲ ਰਿਹਾ ਹੈ। ਸ਼੍ਰੇਅਸ ਨੂੰ 14 ਦਸੰਬਰ ਨੂੰ ਦਿਲ ਦਾ ਦੌਰਾ ਪਿਆ ਸੀ। ਜਿਸ ਤੋਂ ਬਾਅਦ ਡਾਕਟਰ ਨੂੰ ਉਸਦੀ ਐਂਜੀਓਪਲਾਸਟੀ ਕਰਨੀ ਪਈ। ਸ਼੍ਰੇਅਸ ਦੇ ਦਿਲ ਦਾ ਦੌਰਾ ਪੈਣ ਦੀ ਖਬਰ ਸੁਣ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕ ਕਾਫੀ ਪਰੇਸ਼ਾਨ ਹਨ। ਹੁਣ ਸ਼੍ਰੇਅਸ ਠੀਕ ਹੋ ਰਿਹਾ ਹੈ ਅਤੇ ਉਸਨੇ ਆਪਣੇ ਡਰਾਉਣੇ ਅਨੁਭਵ ਬਾਰੇ ਦੱਸਿਆ ਹੈ। ਸ਼੍ਰੇਅਸ ਨੇ ਦੱਸਿਆ ਕਿ ਉਸ ਨੂੰ ਪਹਿਲਾਂ ਕਦੇ ਹਸਪਤਾਲ 'ਚ ਭਰਤੀ ਨਹੀਂ ਕਰਵਾਇਆ ਗਿਆ ਸੀ।
ਟਾਈਮਜ਼ ਆਫ ਇੰਡੀਆ ਨੂੰ ਦਿੱਤੇ ਇੰਟਰਵਿਊ 'ਚ ਸ਼੍ਰੇਅਸ ਨੇ ਦੱਸਿਆ ਕਿ ਮੈਡੀਕਲ ਦੇ ਅਨੁਸਾਰ ਉਹ ਮਰ ਚੁੱਕੇ ਸੀ। ਸ਼੍ਰੇਅਸ ਨੇ ਦੱਸਿਆ ਕਿ ਮੈਂ ਕਦੇ ਵੀ ਹਸਪਤਾਲ 'ਚ ਦਾਖਲ ਨਹੀਂ ਹੋਇਆ। ਫਰੈਕਚਰ ਤੱਕ ਲਈ ਵੀ ਨਹੀਂ। ਮੈਂ ਇਹ ਕਦੇ ਹਸਪਤਾਲ ਦਾ ਮੂੰਹ ਨਹੀਂ ਦੇਖਿਆ ਸੀ। ਆਪਣੀ ਸਿਹਤ ਨੂੰ ਕਦੇ ਵੀ ਹਲਕੇ ਵਿੱਚ ਨਾ ਲਓ। ਜਾਨ ਹੈ ਤਾਂ ਜਹਾਨ ਹੈ। ਇਸ ਤਰ੍ਹਾਂ ਦਾ ਅਨੁਭਵ ਜੀਵਨ ਪ੍ਰਤੀ ਤੁਹਾਡਾ ਨਜ਼ਰੀਆ ਬਦਲ ਦਿੰਦਾ ਹੈ। ਮੈਂ 16 ਸਾਲ ਦੀ ਉਮਰ ਵਿੱਚ ਥੀਏਟਰ ਕਰਨਾ ਸ਼ੁਰੂ ਕੀਤਾ ਅਤੇ 20 ਸਾਲ ਦੀ ਉਮਰ ਵਿੱਚ ਇੱਕ ਪੇਸ਼ੇਵਰ ਅਦਾਕਾਰ ਬਣ ਗਿਆ। ਮੈਂ ਪਿਛਲੇ 28 ਸਾਲਾਂ ਤੋਂ ਸਿਰਫ ਆਪਣੇ ਕਰੀਅਰ 'ਤੇ ਧਿਆਨ ਦੇ ਰਿਹਾ ਹਾਂ। ਅਸੀਂ ਆਪਣੇ ਪਰਿਵਾਰ ਨੂੰ ਫਾਰ ਗਰਾਂਟੇਡ ਯਾਨਿ ਹਲਕੇ ;ਚ ਲੈਂਦੇ ਹਾਂ। ਅਸੀਂ ਸੋਚਦੇ ਹਾਂ ਕਿ ਸਾਡੇ ਕੋਲ ਸਮਾਂ ਹੈ।
'ਇਹ ਕਿਸੇ ਜਾਦੂ ਤੋਂ ਘੱਟ ਨਹੀਂ ਸੀ'
ਸ਼੍ਰੇਅਸ ਨੇ ਅੱਗੇ ਕਿਹਾ- ਉਹ ਹੁਣ ਘਰ ਆ ਗਿਆ ਹੈ। ਉਸ ਦੀ ਵਾਪਸੀ ਕਿਸੇ ਜਾਦੂ ਤੋਂ ਘੱਟ ਨਹੀਂ ਸੀ। ਮੈਂ ਆਪਣੇ ਡਾਕਟਰ ਅਤੇ ਪਤਨੀ ਦੀਪਤੀ ਦਾ ਧੰਨਵਾਦ ਕਰਦਾ ਹਾਂ। ਸ਼੍ਰੇਅਸ ਨੇ ਕਿਹਾ- ਮੈਂ ਪਿਛਲੇ ਢਾਈ ਸਾਲਾਂ ਤੋਂ ਲਗਾਤਾਰ ਕੰਮ ਕਰ ਰਿਹਾ ਹਾਂ ਅਤੇ ਆਪਣੀਆਂ ਫਿਲਮਾਂ ਲਈ ਸਫਰ ਕਰ ਰਿਹਾ ਹਾਂ। ਹਾਲਾਂਕਿ, ਪਿਛਲੇ ਕੁਝ ਮਹੀਨਿਆਂ ਤੋਂ ਮੈਂ ਬਹੁਤ ਥਕਾਵਟ ਮਹਿਸੂਸ ਕਰ ਰਿਹਾ ਸੀ। ਇਹ ਥੋੜਾ ਵੱਖਰਾ ਸੀ ਪਰ ਮੈਂ ਬਿਨਾਂ ਰੁਕੇ ਕੰਮ ਕਰ ਰਿਹਾ ਸੀ। ਇਸ ਲਈ ਮੈਂ ਥੋੜ੍ਹਾ ਥੱਕਿਆ ਮਹਿਸੂਸ ਕੀਤਾ ਜੋ ਕਿ ਆਮ ਸੀ। ਮੈਨੂੰ ਉਹ ਪਸੰਦ ਹੈ ਜੋ ਮੈਂ ਕਰਦਾ ਹਾਂ ਇਸ ਲਈ ਮੈਂ ਇਸਨੂੰ ਕਰਦਾ ਰਹਿੰਦਾ ਹਾਂ। ਮੈਂ ਆਪਣੇ ਸਰੀਰ ਦੇ ਸਾਰੇ ਟੈਸਟ ਵੀ ਕਰਵਾਏ ਸੀ।
ਸ਼੍ਰੇਅਸ ਨੇ ਕਿਹਾ- ਮੈਂ ਈਸੀਜੀ, 2ਡੀ ਈਕੋ, ਸੋਨੋਗ੍ਰਾਫੀ ਅਤੇ ਖੂਨ ਦੇ ਟੈਸਟ ਕਰਵਾਏ ਸਨ। ਮੇਰਾ ਕੋਲੈਸਟ੍ਰੋਲ ਬਹੁਤ ਜ਼ਿਆਦਾ ਸੀ ਅਤੇ ਮੈਂ ਇਸ ਲਈ ਦਵਾਈਆਂ ਲੈ ਰਿਹਾ ਸੀ। ਮੇਰੇ ਕੋਲ ਦਿਲ ਦੀਆਂ ਸਮੱਸਿਆਵਾਂ ਦਾ ਪਰਿਵਾਰਕ ਇਤਿਹਾਸ ਹੈ। ਜਿਸ ਕਾਰਨ ਮੈਂ ਸਾਵਧਾਨੀ ਵਰਤ ਰਿਹਾ ਸੀ।
'ਸ਼ੂਟਿੰਗ ਕਰ ਰਿਹਾ ਸੀ'
ਸ਼੍ਰੇਅਸ ਨੇ ਦੱਸਿਆ ਕਿ ਉਹ ਆਪਣੀ ਆਉਣ ਵਾਲੀ ਫਿਲਮ 'ਵੈਲਕਮ ਟੂ ਜੰਗਲ' ਦੀ ਸ਼ੂਟਿੰਗ ਕਰ ਰਹੇ ਸਨ। ਉਸ ਨੇ ਕਿਹਾ- ਅਸੀਂ ਆਰਮੀ ਟ੍ਰੇਨਿੰਗ ਕਰ ਰਹੇ ਸੀ। ਜਿਵੇਂ ਲਟਕਣਾ ਅਤੇ ਪਾਣੀ ਵਿੱਚ ਛਾਲ ਮਾਰਨਾ, ਸਭ ਕੁਝ। ਅਚਾਨਕ ਆਖਰੀ ਸ਼ੌਟ ਦੇਣ ਤੋਂ ਬਾਅਦ, ਮੈਨੂੰ ਸਾਹ ਲੈਣ ਵਿੱਚ ਮੁਸ਼ਕਲ ਹੋਣ ਲੱਗੀ ਅਤੇ ਮੇਰਾ ਖੱਬਾ ਹੱਥ ਦੁਖਣ ਲੱਗਾ। ਮੈਂ ਮੁਸ਼ਕਿਲ ਨਾਲ ਆਪਣੀ ਵੈਨਿਟੀ ਵੱਲ ਤੁਰ ਕੇ ਗਿਆ ਅਤੇ ਆਪਣੇ ਕੱਪੜੇ ਬਦਲੇ। ਮੈਂ ਸੋਚਿਆ ਕਿ ਇਹ ਐਕਸ਼ਨ ਸੀਨ ਦੇ ਕਾਰਨ ਮਾਸਪੇਸ਼ੀਆਂ ਵਿੱਚ ਦਰਦ ਸੀ। ਮੈਂ ਕਦੇ ਵੀ ਅਜਿਹੀ ਥਕਾਵਟ ਮਹਿਸੂਸ ਨਹੀਂ ਕੀਤੀ ਸੀ। ਘਰ ਜਾਣ ਲਈ ਕਾਰ ਵਿਚ ਬੈਠਦਿਆਂ ਹੀ ਮੈਂ ਸੋਚਿਆ ਕਿ ਸਿੱਧਾ ਹਸਪਤਾਲ ਜਾਵਾਂ, ਪਰ ਸੋਚਿਆ ਪਹਿਲਾਂ ਘਰ ਜਾਵਾਂ। ਜਿਵੇਂ ਹੀ ਮੇਰੀ ਪਤਨੀ ਦੀਪਤੀ ਨੇ ਮੈਨੂੰ ਇਸ ਹਾਲਤ ਵਿੱਚ ਦੇਖਿਆ ਤਾਂ 10 ਮਿੰਟਾਂ ਵਿੱਚ ਹੀ ਅਸੀਂ ਹਸਪਤਾਲ ਲਈ ਰਵਾਨਾ ਹੋ ਗਏ। ਅਸੀਂ ਹਸਪਤਾਲ ਦੇ ਗੇਟ 'ਤੇ ਪਹੁੰਚੇ ਪਰ ਐਂਟਰੀ 'ਤੇ ਬੈਰੀਕੇਡ ਸੀ ਜਿਸ ਕਾਰਨ ਸਾਨੂੰ ਯੂ-ਟਰਨ ਲੈਣਾ ਪਿਆ।
'ਦਿਲ ਦੀ ਧੜਕਣ ਬੰਦ ਹੋ ਗਈ ਸੀ'
ਸ਼੍ਰੇਅਸ ਨੇ ਕਿਹਾ- ਅਗਲੇ ਹੀ ਸਕਿੰਟ 'ਚ ਮੇਰਾ ਚਿਹਰਾ ਫਿੱਕਾ ਪੈ ਗਿਆ ਅਤੇ ਦਿਲ ਦੀ ਧੜਕਣ ਬੰਦ ਹੋ ਗਈ। ਇਹ ਦਿਲ ਦਾ ਦੌਰਾ ਸੀ। ਮੇਰੇ ਦਿਲ ਦੀ ਧੜਕਣ ਕੁਝ ਮਿੰਟਾਂ ਲਈ ਬੰਦ ਹੋ ਗਈ। ਦੀਪਤੀ ਆਪਣੀ ਤਰਫੋਂ, ਕਾਰ ਦੇ ਗੇਟ ਤੋਂ ਬਾਹਰ ਨਹੀਂ ਆ ਸਕੀ ਕਿਉਂਕਿ ਅਸੀਂ ਟਰੈਫਿਕ ਵਿੱਚ ਫਸੇ ਹੋਏ ਸੀ, ਇਸ ਲਈ ਉਹ ਮੇਰੇ ਉੱਪਰੋਂ ਦੀ ਹੋ ਕੇ ਗੇਟ ਤੋਂ ਬਾਹਰ ਆਈ ਅਤੇ ਲੋਕਾਂ ਨੂੰ ਮਦਦ ਲਈ ਬੁਲਾਇਆ। ਕੁਝ ਲੋਕ ਸਾਡੀ ਮਦਦ ਲਈ ਆਏ ਅਤੇ ਮੈਨੂੰ ਅੰਦਰ ਲੈ ਗਏ। ਉਸ ਤੋਂ ਬਾਅਦ ਡਾਕਟਰ ਨੇ ਸੀਪੀਆਰ ਅਤੇ ਬਿਜਲੀ ਦੇ ਝਟਕੇ ਦਿੱਤੇ ਅਤੇ ਫਿਰ ਮੈਂ ਦੁਬਾਰਾ ਜ਼ਿੰਦਾ ਹੋ ਗਿਆ।
ਇਹ ਵੀ ਪੜ੍ਹੋ: ਆਮਿਰ ਖਾਨ ਦੀ ਧੀ ਈਰਾ ਖਾਨ ਵਿਆਹ ਦੇ ਬੰਧਨ 'ਚ ਬੱਝੀ, ਬੁਆਏਫਰੈਂਡ ਨੁਪੁਰ ਸ਼ਿਖਰੇ ਨਾਲ ਕੀਤੀ ਕੋਰਟ ਮੈਰਿਜ