Shweta Tiwari Birthday: ਟੀਵੀ ਜਗਤ ਦੀ ਸਟਾਰ ਅਦਾਕਾਰਾ ਸ਼ਵੇਤਾ ਤਿਵਾਰੀ 4 ਅਕਤੂਬਰ ਨੂੰ ਆਪਣਾ ਜਨਮਦਿਨ ਸੈਲੀਬ੍ਰੇਟ ਕਰ ਰਹੀ ਹੈ। ਸੋਸ਼ਲ ਮੀਡੀਆ ਉੱਤੇ ਕਲਾਕਾਰ ਅਤੇ ਫੈਨਜ ਅਦਾਕਾਰਾ ਨੂੰ ਜਨਮਦਿਨ ਦੀਆਂ ਵਧਾਈਆਂ ਦੇ ਰਹੇ ਹਨ। ਸ਼ਵੇਤਾ ਤਿਵਾਰੀ ਨੇ ਆਪਣੀ ਅਸਲੀ ਪਛਾਣ ਕਸੌਟੀ ਜ਼ਿੰਦਗੀ ਨਾਲ ਬਣਾਈ। ਸ਼ਵੇਤਾ ਤਿਵਾਰੀ ਸ਼ੋਅ 'ਚ ਪ੍ਰੇਰਨਾ ਦਾ ਕਿਰਦਾਰ ਨਿਭਾ ਕੇ ਘਰ-ਘਰ 'ਚ ਮਸ਼ਹੂਰ ਹੋ ਗਈ ਸੀ। ਆਪਣੀ ਪ੍ਰੋਫੈਸ਼ਨਲ ਲਾਈਫ ਦੇ ਨਾਲ-ਨਾਲ ਸ਼ਵੇਤਾ ਤਿਵਾਰੀ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਵੀ ਸੁਰਖੀਆਂ 'ਚ ਰਹੀ। ਆਓ ਜਾਣਦੇ ਹਾਂ ਉਨ੍ਹਾਂ ਦੇ ਨਿੱਜੀ ਜ਼ਿੰਦਗੀ ਦੇ ਕੁੱਝ ਕੌੜੇ ਸੁੱਚ, ਜਿਨ੍ਹਾਂ ਦੇ ਵਿੱਚ ਉਨ੍ਹਾਂ ਨੂੰ ਲੰਘਣਾ ਪਿਆ।
ਹੋਰ ਪੜ੍ਹੋ : ਕੈਂਸਰ, ਸ਼ੂਗਰ ਅਤੇ ਮੋਟਾਪਾ ਘਟਾਉਂਦੀ ਬੀਅਰ! ਨਵੀਂ ਰਿਪੋਰਟ 'ਚ ਹੈਰਾਨ ਕਰਨ ਵਾਲਾ ਖੁਲਾਸਾ
ਪਹਿਲਾ ਵਿਆਹ ਅਤੇ ਫਿਰ ਲੜਾਈ
ਉਸਨੇ ਸਭ ਤੋਂ ਪਹਿਲਾਂ 1998 ਵਿੱਚ ਆਪਣੇ ਸੰਘਰਸ਼ ਦੇ ਦਿਨਾਂ ਦੇ ਸਾਥੀ ਰਾਜਾ ਚੌਧਰੀ ਨਾਲ ਵਿਆਹ ਕੀਤਾ ਸੀ। ਰਾਜਾ ਚੌਧਰੀ ਤੋਂ ਉਸਦੀ ਇੱਕ ਧੀ ਪਲਕ ਹੈ। ਅੱਜ ਪਲਕ ਐਕਟਿੰਗ ਦੀ ਦੁਨੀਆ 'ਚ ਵੀ ਐਂਟਰੀ ਕਰ ਚੁੱਕੀ ਹੈ ਅਤੇ ਸੋਸ਼ਲ ਮੀਡੀਆ ਦੀ sensation ਹੈ। ਪਰ ਰਾਜਾ ਚੌਧਰੀ ਨਾਲ ਸ਼ਵੇਤਾ ਦਾ ਰਿਸ਼ਤਾ 2007 ਵਿੱਚ ਟੁੱਟ ਗਿਆ। ਦੋਹਾਂ ਦਾ ਤਲਾਕ ਹੋ ਗਿਆ। ਸ਼ਵੇਤਾ ਨੇ ਰਾਜਾ 'ਤੇ ਕੁੱਟਮਾਰ ਅਤੇ ਘਰੇਲੂ ਹਿੰਸਾ ਦਾ ਦੋਸ਼ ਲਗਾਇਆ ਸੀ।
ਦੂਜਾ ਵਿਆਹ ਵੀ ਖਤਮ ਹੋ ਗਿਆ
ਇਸ ਤੋਂ ਬਾਅਦ ਸ਼ਵੇਤਾ ਨੇ ਅਦਾਕਾਰ ਅਭਿਨਵ ਕੋਹਲੀ ਨਾਲ ਦੂਜਾ ਵਿਆਹ ਕੀਤਾ। 2013 ਤੋਂ ਪਹਿਲਾਂ ਉਹ 3 ਸਾਲ ਤੱਕ ਇੱਕ ਦੂਜੇ ਨੂੰ ਡੇਟ ਵੀ ਕਰ ਚੁੱਕੇ ਸਨ। ਇਸ ਵਿਆਹ ਤੋਂ ਉਨ੍ਹਾਂ ਨੇ ਇੱਕ ਪੁੱਤਰ ਨੂੰ ਜਨਮ ਦਿੱਤਾ, ਜਿਸ ਦਾ ਨਾਮ ਰੇਯਾਂਸ਼ ਕੋਹਲੀ ਹੈ। ਪਰ ਜਲਦੀ ਹੀ ਉਨ੍ਹਾਂ ਦੇ ਰਿਸ਼ਤੇ ਵਿੱਚ ਖਟਾਸ ਆ ਗਈ। 2019 ਵਿੱਚ, ਸ਼ਵੇਤਾ ਤਿਵਾਰੀ ਨੇ ਅਭਿਨਵ ਵਿਰੁੱਧ ਘਰੇਲੂ ਹਿੰਸਾ ਦਾ ਦੋਸ਼ ਲਗਾਉਂਦੇ ਹੋਏ ਸ਼ਿਕਾਇਤ ਦਰਜ ਕਰਵਾਈ ਅਤੇ ਉਸੇ ਸਾਲ ਜੋੜੇ ਦਾ ਤਲਾਕ ਹੋ ਗਿਆ।
ਕਈ ਵਾਰ ਧੋਖਾ ਹੋਇਆ
ਸ਼ਵੇਤਾ ਤਿਵਾਰੀ ਨੇ ਇਕ ਇੰਟਰਵਿਊ 'ਚ ਕਿਹਾ ਸੀ ਕਿ ਉਸ ਨੂੰ ਉਸ ਦੇ ਪਾਰਟਨਰ ਨੇ ਜ਼ਿੰਦਗੀ 'ਚ ਕਈ ਵਾਰ ਧੋਖਾ ਦਿੱਤਾ ਹੈ। ਹੁਣ ਉਸ ਨੇ ਇਸ ਨਾਲ ਨਜਿੱਠਣਾ ਸਿੱਖ ਲਿਆ ਹੈ। ਗਲਾਟਾ ਇੰਡੀਆ ਨੂੰ ਦਿੱਤੇ ਇੰਟਰਵਿਊ 'ਚ ਸ਼ਵੇਤਾ ਨੇ ਕਿਹਾ ਸੀ, 'ਜਦੋਂ ਕੋਈ ਤੁਹਾਨੂੰ ਪਹਿਲੀ ਵਾਰ ਧੋਖਾ ਦਿੰਦਾ ਹੈ ਤਾਂ ਬਹੁਤ ਬੁਰਾ ਲੱਗਦਾ ਹੈ। ਤੁਸੀਂ ਰੋਵੋ, ਬੁਰਾ ਮਹਿਸੂਸ ਕਰੋ, ਰੱਬ ਤੋਂ ਪੁੱਛੋ ਕਿ ਮੇਰੇ ਨਾਲ ਅਜਿਹਾ ਕਿਉਂ ਹੋ ਰਿਹਾ ਹੈ।
ਤੁਸੀਂ ਸਭ ਕੁਝ ਠੀਕ ਕਰਨ ਦੀ ਕੋਸ਼ਿਸ਼ ਕਰੋ। ਪਰ ਹੌਲੀ-ਹੌਲੀ ਮੈਂ ਸਿੱਖਿਆ ਕਿ ਮੈਂ ਇਸ ਨੂੰ ਆਪਣੇ 'ਤੇ ਹਾਵੀ ਨਹੀਂ ਹੋਣ ਦਿਆਂਗੀ। ਹੁਣ ਜੇ ਕੋਈ ਮੈਨੂੰ ਦੁਖੀ ਕਰਦਾ ਹੈ, ਤਾਂ ਮੈਂ ਉਸ ਤੋਂ ਨਿਰਲੇਪ ਹੋ ਜਾਂਦੀ ਹਾਂ। ਉਨ੍ਹਾਂ ਦਾ ਸੁਭਾਅ ਮੈਨੂੰ ਦੁਖੀ ਕਰਨਾ ਹੈ ਅਤੇ ਮੈਂ ਆਪਣੇ ਆਪ ਨੂੰ ਅਜਿਹਾ ਬਣਾਇਆ ਹੈ ਕਿ ਮੈਂ ਦੁਖੀ ਨਹੀਂ ਹੋਵਾਂਗੀ।
ਕਰੀਅਰ ਵਿੱਚ ਵੱਡਾ ਮੀਲ ਪੱਥਰ
ਕਸੌਟੀ ਜ਼ਿੰਦਗੀ ਨੇ ਸ਼ਵੇਤਾ ਤਿਵਾਰੀ ਦੇ ਕਰੀਅਰ ਵਿੱਚ ਇੱਕ ਪਰਿਭਾਸ਼ਿਤ ਪਲ ਲਿਆਇਆ। ਇਸ ਸ਼ੋਅ ਰਾਹੀਂ ਉਹ ਲੋਕਾਂ ਦੇ ਘਰਾਂ ਤੱਕ ਪਹੁੰਚੀ ਫਿਰ ਉਸ ਨੇ ਲੋਕਾਂ ਦੇ ਦਿਲਾਂ ਉੱਤੇ ਰਾਜ ਕੀਤਾ। ਇਸ ਸ਼ੋਅ ਕਰਕੇ ਉਹ ਕਾਫੀ ਚਰਚਾ ਦੇ ਵਿੱਚ ਰਹੀ। ਇਸ ਸ਼ੋਅ ਨੇ ਟੀਆਰਪੀ ਵਿੱਚ ਵੀ ਕਈ ਰਿਕਾਰਡ ਬਣਾਏ ਸਨ। ਪ੍ਰੇਰਨਾ ਦੇ ਰੋਲ ਵਿੱਚ ਸ਼ਵੇਤਾ ਦੀ ਇਮੇਜ ਇੱਕ ਦਮਦਾਰ ਕਿਰਦਾਰ ਨਿਭਾਉਣ ਵਾਲੀ ਅਭਿਨੇਤਰੀ ਵਜੋਂ ਬਣੀ ਸੀ। ਇਸ ਸ਼ੋਅ 'ਚ ਸ਼ਵੇਤਾ ਨੂੰ ਇਕ ਮਜ਼ਬੂਤ ਔਰਤ ਦੇ ਰੂਪ 'ਚ ਦੇਖਿਆ ਗਿਆ ਸੀ ਜੋ ਆਪਣੇ ਪਰਿਵਾਰ ਦੇ ਨਾਲ-ਨਾਲ ਸਾਰਿਆਂ ਦਾ ਖਿਆਲ ਰੱਖਦੀ ਹੈ ਅਤੇ ਆਪਣੇ ਰਿਸ਼ਤਿਆਂ ਦਾ ਵੀ ਧਿਆਨ ਰੱਖਦੀ ਹੈ।
ਇਸ ਦੌਰਾਨ ਸ਼ਵੇਤਾ ਤਿਵਾਰੀ ਨੇ ਕਈ ਛੋਟੀਆਂ ਫਿਲਮਾਂ 'ਚ ਵੀ ਕੰਮ ਕਰਨਾ ਜਾਰੀ ਰੱਖਿਆ। ਉਸਨੇ ਕਈ ਭੋਜਪੁਰੀ ਫਿਲਮਾਂ ਵੀ ਕੀਤੀਆਂ। ਭੋਜਪੁਰੀ ਫਿਲਮਾਂ 'ਚ ਮਨੋਜ ਤਿਵਾਰੀ ਨਾਲ ਉਸ ਦੀ ਜੋੜੀ ਨੂੰ ਵੀ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ ਸੀ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਚਿਰਾਗ ਪਾਸਵਾਨ ਦੀ ਫਿਲਮ 'ਕੱਟੋ ਸਕਵਾਇਰਲ' 'ਤੇ ਇਕ ਆਈਟਮ ਗੀਤ ਵੀ ਕੀਤਾ ਸੀ। ਇਸ ਤੋਂ ਬਾਅਦ ਬਿੱਗ ਬੌਸ ਤੋਂ ਉਨ੍ਹਾਂ ਦੇ ਕਰੀਅਰ ਵਿੱਚ ਇੱਕ ਵੱਡਾ ਮੀਲ ਪੱਥਰ ਆਇਆ। ਸ਼ਵੇਤਾ ਨੇ ਆਪਣੀ ਖੇਡ ਰਾਹੀਂ ਬਿੱਗ ਬੌਸ ਜਿੱਤਿਆ। ਇਸ ਤੋਂ ਬਾਅਦ ਵੀ ਉਹ ਕਈ ਸ਼ੋਅਜ਼ ਦੇ ਵਿੱਚ ਨਜ਼ਰ ਆਈ। ਇਨ੍ਹੀਂ ਦਿਨੀਂ ਵੀ ਉਹ ਕਈ ਵੈੱਬ ਸੀਰੀਜ਼ ਦੇ ਵਿੱਚ ਆਪਣੀ ਅਦਾਕਾਰੀ ਦੇ ਜਲਵੇ ਬਿਖੇਰ ਚੁੱਕੀ ਹੈ।
ਹੋਰ ਪੜ੍ਹੋ : ਆਈਸ ਕਰੀਮ ਨਾ ਸਿਰਫ ਮੂਡ ਨੂੰ ਸੁਧਾਰਦੀ ਸਗੋਂ ਸਰੀਰ ਅਤੇ ਦਿਮਾਗ 'ਤੇ ਪਾਉਂਦੀ ਇਹ ਖਾਸ ਅਸਰ