Sushmita Sen Lakme Fashion Week: ਬਾਲੀਵੁੱਡ ਅਭਿਨੇਤਰੀ ਸੁਸ਼ਮਿਤਾ ਸੇਨ ਨੇ ਦਿਲ ਦੇ ਦੌਰੇ ਨਾਲ ਜੂਝਣ ਅਤੇ ਸਫਲ ਸਰਜਰੀ ਤੋਂ ਬਾਅਦ ਕੰਮ 'ਤੇ ਪਰਤ ਆਈ ਹੈ।  ਅੱਜ 'ਲੈਕਮੇ ਫੈਸ਼ਨ ਵੀਕ' ਦੇ ਤੀਜੇ ਦਿਨ ਸੁਸ਼ਮਿਤਾ ਨੇ ਬੀਕੇਸੀ, ਮੁੰਬਈ 'ਚ ਚੱਲ ਰਹੇ 'ਲੈਕਮੇ ਫੈਸ਼ਨ ਵੀਕ' 'ਚ ਰਵਾਇਤੀ ਅੰਦਾਜ਼ 'ਚ ਆਪਣਾ ਜਲਵਾ ਬਿਖੇਰਿਆ। ਸੁਸ਼ਮਿਤਾ ਨੇ ਫੈਸ਼ਨ ਡਿਜ਼ਾਈਨਰ ਅਨੁਸ਼੍ਰੀ ਰੈੱਡੀ ਲਈ ਰੈਂਪ ਵਾਕ ਕੀਤਾ ਅਤੇ ਇਸ ਦੌਰਾਨ ਉਹ ਕਾਫੀ ਉਤਸ਼ਾਹਿਤ ਨਜ਼ਰ ਆਈ।


ਇਹ ਵੀ ਪੜ੍ਹੋ: ਸੋਸ਼ਲ ਮੀਡਿਆ 'ਤੇ ਐਮੀ ਵਿਰਕ-ਰਣਜੀਤ ਬਾਵਾ ਦੀ ਫੇਕ ਖ਼ਬਰ ਵਾਇਰਲ , ਜਾਣੋਂ ਅਸਲ ਸੱਚਾਈ


ਸੁਸ਼ਮਿਤਾ ਸੇਨ ਰੈਂਪ ਵਾਕ ਕਰਦੀ ਆਈ ਨਜ਼ਰ
ਵੀਡੀਓ 'ਚ ਦੇਖਿਆ ਜਾ ਸਕਦਾ ਹੈ ਕਿ ਸੁਸ਼ਮਿਤਾ ਸੇਨ ਪੀਲੇ ਰੰਗ ਦੇ ਲਹਿੰਗਾ 'ਚ ਬੇਹੱਦ ਖੂਬਸੂਰਤ ਲੱਗ ਰਹੀ ਹੈ। ਖੁੱਲ੍ਹੇ ਵਾਲਾਂ ਅਤੇ ਮੇਕਅਪ ਨੇ ਉਸ ਦੀ ਦਿੱਖ ਵਿੱਚ ਸੁਹਜ ਵਧਾ ਦਿੱਤਾ ਹੈ। ਸੁਸ਼ਮਿਤਾ ਸੇਨ ਰੈਂਪ 'ਤੇ ਸ਼ਾਨਦਾਰ ਢੰਗ ਨਾਲ ਚਲਦੀ ਨਜ਼ਰ ਆ ਰਹੀ ਹੈ। ਅਦਾਕਾਰਾ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ।









ਆਪਣੀ ਫਿਟਨੈੱਸ 'ਤੇ ਕੰਮ ਕਰਨਾ ਸ਼ੁਰੂ: ਸੁਸ਼ਮਿਤਾ 
ਸੁਸ਼ਮਿਤਾ ਸੇਨ ਨੇ ਹਾਰਟ ਅਟੈਕ ਤੋਂ ਬਾਅਦ ਆਪਣੀ ਫਿਟਨੈੱਸ 'ਤੇ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਹਾਲ ਹੀ 'ਚ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਆਪਣੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਯੋਗਾ ਕਰਦੀ ਨਜ਼ਰ ਆ ਰਹੀ ਹੈ। ਸੁਸ਼ਮਿਤਾ ਨੇ ਕੈਪਸ਼ਨ 'ਚ ਲਿਖਿਆ, 'ਵ੍ਹੀਲ ਆਫ ਲਾਈਫ। ਮੇਰੇ ਕਾਰਡੀਓਲੋਜਿਸਟ ਨੇ ਇਜਾਜ਼ਤ ਦੇ ਦਿੱਤੀ ਹੈ। ਖਿੱਚੋਤਾਣ ਸ਼ੁਰੂ ਹੋ ਗਈ ਹੈ। ਕਿੰਨਾ ਮਜ਼ਾਕੀਆ ਅਹਿਸਾਸ। ਇਹ ਮੇਰੀ ਹੈਪੀ ਹੋਲੀ ਹੈ, ਤੁਹਾਡਾ ਕੀ ਹਾਲ ਹੈ? ਤੁਹਾਡੇ ਲਈ ਬਹੁਤ ਸਾਰਾ ਪਿਆਰ. ਸੁਸ਼ਮਿਤਾ ਨੇ ਦੱਸਿਆ ਕਿ ਉਸ ਨੇ ਆਪਣੇ ਡਾਕਟਰ ਦੀ ਸਲਾਹ ਤੋਂ ਬਾਅਦ ਯੋਗਾ ਕਰਨਾ ਸ਼ੁਰੂ ਕੀਤਾ ਹੈ।


ਪ੍ਰਸ਼ੰਸਕਾਂ ਨੂੰ ਹਾਰਟ ਅਟੈਕ ਨਾਲ ਜੂਝਣ ਬਾਰੇ ਦਿੱਤੀ ਜਾਣਕਾਰੀ
ਸੁਸ਼ਮਿਤਾ ਸੇਨ ਨੇ ਦਿਲ ਦਾ ਦੌਰਾ ਪੈਣ ਦੀ ਜਾਣਕਾਰੀ ਦੇ ਕੇ ਪ੍ਰਸ਼ੰਸਕਾਂ ਨੂੰ ਚਿੰਤਾ ਵਿੱਚ ਪਾ ਦਿੱਤਾ ਸੀ। ਉਸਨੇ ਇੱਕ ਇੰਸਟਾਗ੍ਰਾਮ ਪੋਸਟ ਵਿੱਚ ਲਿਖਿਆ, 'ਮੇਰੇ ਪਿਤਾ ਦੇ ਕੁਝ ਸ਼ਬਦ- ਆਪਣੇ ਦਿਲ ਨੂੰ ਹਮੇਸ਼ਾ ਖੁਸ਼ ਅਤੇ ਹੌਂਸਲਾ ਰੱਖੋ ਕਿਉਂਕਿ ਜਦੋਂ ਤੁਹਾਨੂੰ ਇਸਦੀ ਸਭ ਤੋਂ ਵੱਧ ਜ਼ਰੂਰਤ ਹੋਏਗੀ ਤਾਂ ਇਹ ਤੁਹਾਡੇ ਲਈ ਮੌਜੂਦ ਹੋਵੇਗਾ। ਹਾਲ ਹੀ ਵਿੱਚ ਮੈਨੂੰ ਦਿਲ ਦਾ ਦੌਰਾ ਪਿਆ। ਇਸ ਤੋਂ ਬਾਅਦ ਐਂਜੀਓਪਲਾਸਟੀ ਕੀਤੀ ਗਈ ਅਤੇ ਸਟੈਂਟ ਲਗਾਇਆ ਗਿਆ। ਮੇਰੇ ਕਾਰਡੀਓਲੋਜਿਸਟ ਨੇ ਮੈਨੂੰ ਦੱਸਿਆ ਕਿ ਮੇਰਾ ਦਿਲ ਬਹੁਤ ਵੱਡਾ ਹੈ।


ਸੁਸ਼ਮਿਤਾ ਸੇਨ ਵਰਕਫਰੰਟ
ਦੱਸ ਦੇਈਏ ਕਿ ਸੁਸ਼ਮਿਤਾ ਸੇਨ ਕਿੰਨਰ ਗੌਰੀ ਸਾਵੰਤ ਦੀ ਬਾਇਓਪਿਕ 'ਤਾਲੀ' 'ਚ ਨਜ਼ਰ ਆਵੇਗੀ। ਉਹ ਆਖਰੀ ਵਾਰ ਆਰੀਆ 2 ਵੈੱਬ ਸੀਰੀਜ਼ 'ਚ ਨਜ਼ਰ ਆਈ ਸੀ, ਜਿਸ 'ਚ ਉਸ ਦੀ ਸ਼ਾਨਦਾਰ ਐਕਟਿੰਗ ਦੀ ਕਾਫੀ ਤਾਰੀਫ ਹੋਈ ਸੀ। ਪ੍ਰਸ਼ੰਸਕ ਆਰੀਆ ਦੇ ਤੀਜੇ ਸੀਜ਼ਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਜੇਕਰ ਰਿਪੋਰਟਾਂ ਦੀ ਮੰਨੀਏ ਤਾਂ 'ਆਰਿਆ 3' ਸੀਰੀਜ਼ ਸਾਲ 2023 'ਚ OTT ਪਲੇਟਫਾਰਮ ਡਿਜ਼ਨੀ ਪਲੱਸ ਹੌਟਸਟਾਰ 'ਤੇ ਸਟ੍ਰੀਮ ਕਰੇਗੀ।


ਇਹ ਵੀ ਪੜ੍ਹੋ: ਦਿਲਜੀਤ ਦੋਸਾਂਝ ਦੀ 'ਚਮਕੀਲਾ' ਸਿਨੇਮਾਘਰਾਂ 'ਚ ਨਹੀਂ ਹੋਵੇਗੀ ਰਿਲੀਜ਼, ਇਸ ਓਟੀਟੀ ਪਲੇਟਫਾਰਮ 'ਤੇ ਦੇਖ ਸਕੋਗੇ ਫਿਲਮ