Salman Khan Workout Photo: ਹਿੰਦੀ ਸਿਨੇਮਾ ਦੇ ਸੁਲਤਾਨ ਯਾਨੀ ਸਲਮਾਨ ਖਾਨ ਆਏ ਦਿਨ ਚਰਚਾ ਦਾ ਵਿਸ਼ਾ ਬਣਦੇ ਰਹਿੰਦੇ ਹਨ। ਹਾਲ ਹੀ 'ਚ ਫਿਲਮ ਟਾਈਗਰ 3 ਦੇ ਟੀਜ਼ਰ ਨੂੰ ਲੈ ਕੇ ਸਲਮਾਨ ਦਾ ਨਾਂ ਕਾਫੀ ਚਰਚਾ 'ਚ ਹੈ। ਇਸ ਦੌਰਾਨ ਸਲਮਾਨ ਖਾਨ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਦਮਦਾਰ ਫਿਟਨੈੱਸ ਦੀ ਝਲਕ ਦਿਖਾਈ ਹੈ। ਇਸ ਜਿਮ ਵਰਕਆਊਟ ਸੈਸ਼ਨ ਦੌਰਾਨ ਦਬੰਗ ਖਾਨ ਦੀ ਫੋਟੋ ਦੇਖ ਕੇ ਉਨ੍ਹਾਂ ਦੀ ਮਜ਼ਬੂਤ ਬਾਡੀ ਦਾ ਅੰਦਾਜ਼ਾ ਆਸਾਨੀ ਨਾਲ ਲਗਾਇਆ ਜਾ ਸਕਦਾ ਹੈ।
ਜਿੰਮ `ਚ ਸਲਮਾਨ ਨੇ ਦਿਖਾਈ ਬੌਡੀ
ਜ਼ਿਕਰਯੋਗ ਹੈ ਕਿ ਬਾਲੀਵੁੱਡ ਇੰਡਸਟਰੀ 'ਚ ਬਾਡੀ ਬਿਲਡਿੰਗ ਦਾ ਕ੍ਰੇਜ਼ ਸਲਮਾਨ ਖਾਨ ਤੋਂ ਸ਼ੁਰੂ ਹੋਇਆ ਸੀ। ਦਰਅਸਲ ਸਲਮਾਨ ਖਾਨ ਉਹ ਕਲਾਕਾਰ ਹਨ ਜੋ ਆਪਣੀ ਪਹਿਲੀ ਫਿਲਮ ਤੋਂ ਹੀ ਸ਼ਰਟਲੈੱਸ ਨਜ਼ਰ ਆਏ ਸਨ। ਹਾਲਾਂਕਿ ਇਸ ਦੌਰਾਨ ਉਨ੍ਹਾਂ ਨੇ ਆਪਣੀ ਫਿਟਨੈੱਸ 'ਤੇ ਕਾਫੀ ਮਿਹਨਤ ਕੀਤੀ। ਸਲਮਾਨ ਖਾਨ ਦੇਸ਼ ਦੇ ਸਾਰੇ ਨੌਜਵਾਨਾਂ ਲਈ ਫਿਟਨੈੱਸ ਆਈਕਨ ਹਨ। ਇਸ ਦੌਰਾਨ, ਜੇਕਰ ਤੁਸੀਂ ਸਲਮਾਨ ਖਾਨ ਦੀ ਤਾਜ਼ਾ ਫੋਟੋ ਨੂੰ ਦੇਖਦੇ ਹੋ, ਤਾਂ ਤੁਸੀਂ ਦੇਖ ਸਕਦੇ ਹੋ ਕਿ ਸੱਲੂ ਭਾਈ ਕਿਸ ਤਰ੍ਹਾਂ ਜਿਮ ਵਿੱਚ ਪਸੀਨਾ ਵਹਾਉਂਦੇ ਹਨ। ਭਾਈਜਾਨ ਦੀ ਇਸ ਤਸਵੀਰ ਤੋਂ ਸਾਫ ਪਤਾ ਲੱਗਦਾ ਹੈ ਕਿ 56 ਸਾਲ ਦੀ ਉਮਰ 'ਚ ਵੀ ਸਲਮਾਨ ਖਾਨ ਖੁਦ ਨੂੰ ਫਿੱਟ ਰੱਖਣ 'ਚ ਕੋਈ ਕਸਰ ਨਹੀਂ ਛੱਡ ਰਹੇ ਹਨ। ਸਲਮਾਨ ਦੀ ਇਸ ਤਸਵੀਰ ਨੂੰ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ। ਜਿਸ ਦੇ ਤਹਿਤ ਇੱਕ ਫੈਨ ਨੇ ਕਮੈਂਟ ਕਰਕੇ ਲਿਖਿਆ ਹੈ ਕਿ ਮੈਂ ਭਾਈਜਾਨ ਦਾ ਫੈਨ ਹਾਂ। ਦੱਸਣਯੋਗ ਹੈ ਕਿ ਸਲਮਾਨ ਖਾਨ ਨੇ ਇਹ ਤਸਵੀਰ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ 'ਤੇ ਸ਼ੇਅਰ ਕੀਤੀ ਹੈ।
ਟਾਈਗਰ 3 'ਚ ਨਜ਼ਰ ਆਉਣਗੇ ਸਲਮਾਨ
ਦਬੰਗ 3 ਅਤੇ ਰਾਧੇ ਦੀ ਅਸਫਲਤਾ ਤੋਂ ਬਾਅਦ ਸਭ ਦੀਆਂ ਨਜ਼ਰਾਂ ਸਲਮਾਨ ਖਾਨ ਦੀ ਟਾਈਗਰ 3 'ਤੇ ਟਿਕੀਆਂ ਹੋਈਆਂ ਹਨ। ਸਲਮਾਨ ਖਾਨ ਦੀ ਟਾਈਗਰ 3 ਦਾ ਸਭ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਹਾਲਾਂਕਿ ਫਿਲਮ ਦੀ ਰਿਲੀਜ਼ ਡੇਟ ਨੂੰ ਲੈ ਕੇ ਕੋਈ ਅਪਡੇਟ ਸਾਹਮਣੇ ਨਹੀਂ ਆਈ ਹੈ। ਪਰ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਸਲਮਾਨ ਦੀ ਟਾਈਗਰ 3 ਅਗਲੇ ਸਾਲ ਰਿਲੀਜ਼ ਹੋ ਸਕਦੀ ਹੈ।