Punjabi Actress Tania Celebrating Her Valentine Week In Himachal: ਪੰਜਾਬੀ ਅਦਾਕਾਰਾ ਤਾਨੀਆ ਅਕਸਰ ਹੀ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ। ਅਦਾਕਾਰਾ ਨੇ ਹਾਲ ਹੀ 'ਚ ਪੰਜਾਬੀ ਫਿਲਮ ਇੰਡਸਟਰੀ 'ਚ ਆਪਣੇ ਕਰੀਅਰ ਦੇ 5 ਸਾਲ ਪੂਰੇ ਕੀਤੇ ਹਨ। ਇਸ ਦੇ ਨਾਲ ਨਾਲ ਉਹ ਜਲਦ ਹੀ ਫਿਲਮ 'ਮਿੱਠੜੇ' 'ਚ ਨਜ਼ਰ ਆਉਣ ਵਾਲੀ ਹੈ, ਜਿਸ ਦੇ ਲਈ ਉਹ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
ਇਸ ਦਰਮਿਆਨ ਤਾਨੀਆ ਦਾ ਇੱਕ ਵੀਡੀਓ ਖੂਬ ਸੁਰਖੀਆਂ ਬਟੋਰ ਰਿਹਾ ਹੈ। ਦਰਅਸਲ, ਵੈਲੇਨਟਾਈਨ ਵੀਕ ਮਨਾਉਣ ਲਈ ਤਾਨੀਆ ਹਿਮਾਚਲ ਦੀਆਂ ਵਾਦੀਆਂ 'ਚ ਪਹੁੰਚੀ ਹੋਈ ਹੈ। ਇੱਥੇ ਉਹ ਕਿਸ ਦੇ ਨਾਲ ਪਿਆਰ ਦਾ ਹਫਤਾ ਸੈਲੀਬ੍ਰੇਟ ਕਰ ਰਹੀ ਹੈ, ਇਸ ਦਾ ਖੁਲਾਸਾ ਵੀ ਅਦਾਕਾਰਾ ਨੇ ਕੀਤਾ ਹੈ। ਤਾਨੀਆ ਨੇ ਦੱਸਿਆ ਹੈ ਕਿ ਉਹ ਸਿੰਗਲ ਹੈ ਅਤੇ ਖੁਦ ਨਾਲ ਹੀ ਪਿਆਰ ਦੇ ਇਸ ਮੌਸਮ ਨੂੰ ਸੈਲੀਬ੍ਰੇਟ ਕਰ ਰਹੀ ਹੈ। ਤਾਨੀਆ ਹਿਮਾਚਲ ਦੀ ਇਸ ਵੀਡੀਓ 'ਚ ਖੂਬ ਮਸਤੀ ਕਰਦੀ ਨਜ਼ਰ ਆ ਰਹੀ ਹੈ। ਇਹੀ ਨਹੀਂ ਉਸ ਨੇ ਪੈਰਾ ਗਲਾਇਿਿਡੰਗ ਦਾ ਮਜ਼ਾ ਵੀ ਲਿਆ ਅਤੇ ਨਾਲ ਹੀ ਬਰਫ 'ਚ ਖੂਬ ਖੇਡਦੀ ਵੀ ਨਜ਼ਰ ਆਈ। ਤੁਸੀਂ ਵੀ ਦੇਖੋ ਇਹ ਵੀਡੀਓ:
ਕਾਬਿਲੇਗ਼ੌਰ ਹੈ ਕਿ ਤਾਨੀਆ ਦੀ ਫਿਲਮ 'ਮਿੱਠੜੇ' ਇਸੇ ਸਾਲ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਤੋਂ ਪਹਿਲਾਂ ਤਾਨੀਆ ਜੂਆ ਖੇਡਣ ਵਾਲੀ ਐਪ ਦਾ ਪ੍ਰਮੋਸ਼ਨ ਕਰਦੀ ਨਜ਼ਰ ਆਈ ਸੀ, ਜਿਸ ਨੂੰ ਲੈਕੇ ਉਹ ਕਾਫੀ ਸੁਰਖੀਆਂ 'ਚ ਰਹੀ ਸੀ। ਉਸ ਵੱਲੋਂ ਇਸ ਐਪ ਦਾ ਪ੍ਰਮੋਸ਼ਨ ਕਰਨ 'ਤੇ ਲੋਕਾਂ ਨੇ ਉਸ ਦੀ ਰੱਜ ਕੇ ਕਲਾਸ ਲਾਈ ਸੀ। ਇਸ ਤੋਂ ਬਾਅਦ ਅਦਾਕਾਰਾ ਨੇ ਇਸ ਵੀਡੀਓ ਨੂੰ ਡਿਲੀਟ ਕਰ ਦਿੱਤਾ ਸੀ। ਫਿਲਹਾਲ ਉਹ ਹਿਮਾਚਲ 'ਚ ਬਰਫਬਾਰੀ ਦਾ ਅਨੰਦ ਲੈ ਰਹੀ ਹੈ ਅਤੇ ਆਪਣੀ ਫਿਲਮ ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੀ ਹੈ।