ਕਿਤੇ ਤੁਸੀਂ ਸੈਲਫੀ ਮੇਨੀਆ ਦੇ ਸ਼ਿਕਾਰ ਤਾਂ ਨਹੀਂ, ਇਹ ਨੇ ਲੱਛਣ

ਡਾਕਟਰਾਂ ਦਾ ਕਹਿਣਾ ਹੈ ਕਿ ਸੈਲਫੀਮੇਨੀਆ ਦੇ ਮਰੀਜ਼ਾਂ ਨੂੰ Emergency Treatment ਦੀ ਵੀ ਲੋੜ ਪੈ ਸਕਦੀ ਹੈ। ਦੇਸ਼ ਦੀ ਰਾਜਧਾਨੀ ਦਿੱੱਲੀ ਦੇ ਦੋ ਵੱੱਡੇ ਹਸਪਤਾਲਾਂ ਅੇਮਸ ਤੇ ਸ਼੍ਰੀ ਗੰਗਾਰਾਮ ਵਿਚ ਪਿਛਲੇ ਤਿੰਨ ਮਹੀਨੇ ਵਿਚ 6 ਮਰੀਜਾਂ ਦਾ ਇਲਾਜ ਕੀਤਾ ਜਾ ਚੁੱੱਕਿਆ ਹੈ। ਇਨ੍ਹਾਂ ਨੂੰ ਲਗਾਤਾਰ ਸੈਲਫੀ ਲੈਣ ਦੀ ਆਦਤ ਸੀ। ਇਹ ਆਦਤ ਕਦੋਂ ਬਿਮਾਰੀ ਵਿਚ ਬਦਲੀ ਉਨ੍ਹਾਂ ਨੂੰ ਵੀ ਪਤਾ ਨਾ ਲੱੱਗਾ।

ਇਹ ਬਿਮਾਰੀ ਨਾ ਸਿਰਫ ਆਮ ਲੋਕਾਂ ਵਿਚ ਪਾਈ ਜਾਂਦੀ ਹੈ ਬਲਕਿ ਕਈ ਵੱੱਡੀਆਂ ਹਸਤੀਆਂ ,ਅਦਾਕਾਰਾਂ ,ਰਾਜਨੀਤਕਾਂ ਵਿਚ ਵੀ ਪਾਈ ਜਾਂਦੀ ਹੈ ।ਦੇਸ਼ ਭਰ ਵਿਚ ਸੈਲਫੀ ਖਿੱੱਚਣ ਸਮੇਂ ਕਈ ਲੋਕਾਂ ਦੀ ਮੌਤ ਦੀ ਖਬਰ ਵੀ ਸਾਹਮਣੇ ਆਈ ਹੈ ।ਇਸ ਲਈ ਜ਼ਰੂਰਤ ਹੈ ਸਮੇਂ ਰਹਿੰਦੇ ਇਲਾਜ਼ ਕਰਨ ਦੀ ਤਾਂ ਜੋ ਆਮ ਦਿੱੱਖਣ ਵਾਲੇ ਇਸ ਗੰਭੀਰ ਰੋਗ ਤੋਂ ਬੱੱਚਿਆ ਜਾ ਸਕੇ।

ਇਹ ਲੋਕ ਸੈਲਫੀ ਲੈ ਕੇ ਉਸਨੂੰ ਸੋਸ਼ਲ ਮੀਡੀਆ ‘ਤੇ ਅਪਲੋਡ ਕਰਦੇ ਸਨ। ਇਹ ਲੋਕ ਜਲਦ ਹੀ Obsessive Compulsive Disorder ਦਾ ਸ਼ਿਕਾਰ ਹੋ ਗਏ ਜਿਸ ਕਾਰਨ ਉਨ੍ਹਾਂ ਦਾ ਇਲਾਜ਼ ਕਰਵਾਇਆ ਗਿਆ। ਇਹ ਲੋਕ ਵੱੱਖ-ਵੱੱਖ ਪੋਜ਼ ਬਣਾਉਂਦੇ ਸਨ ਤੇ ਸੋਸ਼ਲ ਮੀਡੀਆ ‘ਤੇ ਅਪਲੋਡ ਕਰਕੇ ਲਾਇਕਸ ਤੇ ਕਮੈਂਟਾਂ ਦੀ ਉਡੀਕ ਕਰਦੇ ਸਨ।

ਤੁਹਾਡੀ ਜਾਣਕਾਰੀ ਲਈ ਦੱੱਸ ਦਈਏ ਕਿ ਅਜਿਹਾ ਕਰਨ ਪਿੱੱਛੇ ਉਨ੍ਹਾਂ ਦੀ ਨਾ-ਸਮਝੀ ਜਾਂ ਸ਼ੌਕ ਨਹੀਂ ਹੁੰਦਾ ਬਲਕਿ ਉਹ ਸੈਲਫੀ ਮੇਨੀਆ ਦੇ ਸ਼ਿਕਾਰ ਹੁੰਦੇ ਹਨ। ਜੇਕਰ ਤੁਹਾਨੂੰ ਵੀ ਹੈ ਲੋੜ ਤੋਂ ਵੱੱਧ ਸੈਲਫੀ ਲੈਣ ਦਾ ਸ਼ੌਂਕ ਤਾਂ ਸਾਵਧਾਨ ਹੋ ਜਾਓ ਤੁਹਾਨੂੰ ਇਲਾਜ਼ ਦੀ ਜਰੂਰਤ ਹੈ। ਡਾਕਟਰਾਂ ਨੇ ਇਸ ਰੋਗ ਨੂੰ ਕਈ ਨਾਂ ਦਿੱੱਤੇ ਹਨ ਪਰ ਆਮ ਬੋਲ-ਚਾਲ ‘ਚ ਇਸਨੂੰ ਸੈਲਫੀਸਾਈਡ ਵੀ ਕਿਹਾ ਜਾਂਦਾ ਹੈ।

ਤੁਸੀਂ ਅਕਸਰ ਆਪਣੇ ਆਸ-ਪਾਸ ਦੇ ਲੋਕ ਦੇਖੇ ਹੋਣਗੇ ਜਿਨ੍ਹਾਂ ਨੂੰ ਸੈਲਫੀ ਖਿੱੱਚਣ ਦਾ ਬਹੁਤ ਸ਼ੌਕ ਹੁੰਦਾ ਹੈ । ਪਰ ਕੀ ਤੁਸੀਂ ਦੇਖਿਆ ਹੈ ਕਿ ਕੁਝ ਲੋਕ ਹਰ ਗੱੱਲ ‘ਤੇ ਸੈਲਫੀ ਖਿੱੱਚਦੇ ਹਨ।ਫਿਰ ਭਾਵੇਂ ਗੱੱਲ ਖੁਸ਼ੀ ਦੀ ਹੋਵੇ ਜਾਂ ਮਾਹੌਲ ਗਮਗੀਨ ਹੀ ਕਿਉਂ ਨਾ ਹੋਵੇ । ਜੀ ਹਾਂ ,ਇਹ ਸੱੱਚ ਹੈ ਕਿ ਕੁਝ ਲੋਕ ਤਾਂ ਸੈਲਫੀ ਦੀ ਇੰਨੇ ਦੀਵਾਨੇ ਹੁੰਦੇ ਹਨ ਕਿ ਸਸਕਾਰਾਂ ‘ਤੇ ਜਾਂ ਲਾਸ਼ ਨਾਲ ਵੀ ਆਖਰੀ ਫੋਟੋ ਜ਼ਰੂਰ ਕਰਵਾਉਂਦੇ ਹਨ।