ਟਿਊਮਰ ਨੂੰ ਖ਼ਤਮ ਕਰੇਗਾ ਇਹ ਨੈਨੋ ਰੋਬੋਟ!

ਇਹ ਮਨੁੱਖੀ ਵਾਲ ਤੋਂ ਵੀ 50 ਗੁਣਾ ਛੋਟਾ ਹੈ ਅਤੇ ਇਸ ਨੂੰ ਚਲਾਉਣ ਲਈ ਪ੍ਰਕਾਸ਼ ਦੀ ਵਰਤੋਂ ਕੀਤੀ ਗਈ ਹੈ। ਤਾਂਗ ਨੇ ਕਿਹਾ, ''ਮਾਈਕ੍ਰੋਸਕੋਪਿਕ ਸੰਸਾਰ 'ਚ ਸੰਚਾਰ ਲਈ ਪ੍ਰਕਾਸ਼ ਜ਼ਿਆਦਾ ਪ੍ਰਭਾਵਸ਼ਾਲੀ ਬਦਲ ਹੈ। ਇਸ ਰਾਹੀਂ ਨੈਨੋ ਰੋਬੋਟ ਨੂੰ ਜ਼ਿਆਦਾ ਔਖੇ ਸੰਦੇਸ਼ ਦਿੱਤੇ ਜਾ ਸਕਦੇ ਹਨ।''

ਬੀਜਿੰਗ: ਚੀਨ ਦੇ ਵਿਗਿਆਨੀਆਂ ਨੇ ਦੁਨੀਆ ਦਾ ਪਹਿਲਾ ਪ੍ਰਕਾਸ਼ ਨਾਲ ਚੱਲਣ ਵਾਲਾ ਸਿੰਥੈਟਿਕ ਨੈਨੋ ਰੋਬੋਟ ਬਣਾਇਆ ਹੈ। ਇਸ ਨਾਲ ਸਰਜਨ ਨੂੰ ਰੋਗੀਆਂ ਦੇ ਸਰੀਰ 'ਚੋਂ ਟਿਊਮਰ ਨੂੰ ਖ਼ਤਮ ਕਰਨ 'ਚ ਮਦਦ ਮਿਲ ਸਕਦੀ ਹੈ। ਹਾਂਗਕਾਂਗ ਯੂਨੀਵਰਸਿਟੀ ਦੇ ਡਾ. ਜਿਨਆਓ ਤਾਂਗ ਦੀ ਅਗਵਾਈ ਵਾਲੀ ਟੀਮ ਨੇ ਇਸ ਨੂੰ ਬਣਾਇਆ ਹੈ।

ਇਹ ਰੋਬੋਟ ਖ਼ੂਨ ਦੀ ਕੋਸ਼ਿਕਾ ਦੇ ਬਰਾਬਰ ਹੈ। ਇਸ ਨੂੰ ਰੋਗੀ ਦੇ ਸਰੀਰ 'ਚ ਪਹੁੰਚਾਇਆ ਜਾ ਸਕਦਾ ਹੈ, ਜਿਸ ਨਾਲ ਸਰਜਨ ਨੂੰ ਬਿਹਤਰ ਇਲਾਜ ਕਰਨ 'ਚ ਮਦਦ ਮਿਲ ਸਕਦੀ ਹੈ। ਰੋਬੋਟ ਨੂੰ ਸਿਰਫ਼ ਕੁੱਝ ਮਾਈਕ੍ਰੋਮੀਟਰ ਦਾ ਆਕਾਰ ਦਿੱਤਾ ਗਿਆ ਹੈ।