ਨਵੇਂ ਸਾਲ ਮੌਕੇ ਪਹਾੜਾਂ 'ਤੇ ਵਰ੍ਹੀ ਬਰਫ਼, ਬਾਰਸ਼ ਦੇ ਚੇਤਾਵਨੀ, ਪੰਜਾਬ ’ਚ ਵਧੇਗੀ ਠੰਢ

4 ਜਨਵਰੀ ਤੋਂ ਇੱਕ ਹੋਰ ਗੜਬੜੀ ਆ ਰਹੀ ਹੈ ਜਿਸ ਦਾ ਅਸਰ 6 ਜਨਵਰੀ ਤਕ ਰਹੇਗਾ। ਪੰਜ ਤੇ 6 ਜਨਵਰੀ ਨੂੰ ਚੰਬਾ, ਮੰਡੀ, ਕਿਨੌਰ, ਕੁੱਲੂ ਤੇ ਮੰਡੀ ਵਿੱਚ ਭਾਰੀ ਬਰਫ਼ਬਾਰੀ ਦੀ ਚੇਤਾਵਨੀ ਜਾਰੀ ਕੀਤੀ ਗਈ ਹੈ।

ਮੌਸਮ ਵਿਭਾਗ ਮੁਤਾਬਕ ਪੱਛਮੀ ਗੜਬੜੀਆਂ ਦੇ ਸਰਗਰਮ ਹੋਣ ਕਾਰਨ ਪਹਿਲੀ ਤੇ ਦੋ ਜਨਵਰੀ ਨੂੰ ਉਤਲੇ ਇਲਾਕਿਆਂ ਵਿੱਚ ਬਰਫ਼ਬਾਰੀ ਤੇ ਕੁਝ ਹੇਠਲੇ ਖੇਤਰਾਂ ਵਿੱਚ ਬਾਰਸ਼ ਦੀ ਸੰਭਾਵਨਾ ਹੈ।

ਇਸ ਦਾ ਅਸਰ ਪੰਜਾਬ, ਹਰਿਆਣਾ ਤੇ ਦਿੱਲੀ ਵਰਗੇ ਮੈਦਾਨੀ ਇਲਾਕਿਆਂ ਵਿੱਚ ਵੀ ਰਹੇਗਾ। ਆਉਣ ਵਾਲੇ ਦਿਨਾਂ ਅੰਦਰ ਠੰਢ ਵਧ ਸਕਦੀ ਹੈ।

ਅਗਲੇ ਛੇ ਦਿਨਾਂ ਤਕ ਸੂਬੇ ਦਾ ਮੌਸਮ ਖ਼ਰਾਬ ਰਹੇਗਾ ਪਰ 6 ਜਨਵਰੀ ਤਕ ਮੌਸਮ ਬਦਲ ਸਕਦਾ ਹੈ।

ਸ਼ਿਮਲਾ: ਪਹਾੜੀ ਸੂਬਾ ਹਿਮਾਚਲ ਪ੍ਰਦੇਸ਼ ਬੱਦਲਾਂ ਨਾਲ ਢੱਕਿਆ ਗਿਆ ਹੈ। ਮੌਸਮ ਵਿਭਾਗ ਨੇ 4 ਤੇ 5 ਜਨਵਰੀ ਨੂੰ ਸੂਬੇ ਦੇ ਪੰਜ ਜ਼ਿਲ੍ਹਿਆਂ ਵਿੱਚ ਭਾਰੀ ਬਰਫ਼ਬਾਰੀ ਤੇ ਬਾਰਸ਼ ਦੀ ਚੇਤਾਵਨੀ ਜਾਰੀ ਕੀਤੀ ਹੈ।