Aloe Vera Benefits : ਤੇਜ਼ ਧੁੱਪ ਅਤੇ ਪਸੀਨੇ ਕਾਰਨ ਚਮੜੀ ਖਰਾਬ ਹੋਣ ਲੱਗਦੀ ਹੈ। ਗਰਮੀਆਂ 'ਚ ਸਭ ਤੋਂ ਜ਼ਿਆਦਾ ਸਕਿੱਨ ਟੈਨ ਹੋ ਜਾਂਦੀ ਹੈ। ਅਜਿਹੇ 'ਚ ਤੁਹਾਨੂੰ ਕੁਝ ਘਰੇਲੂ ਨੁਸਖੇ ਜ਼ਰੂਰ ਅਪਣਾਉਣੇ ਚਾਹੀਦੇ ਹਨ। ਚਮੜੀ ਦੀ ਇਨਫੈਕਸ਼ਨ ਤੋਂ ਬਚਣ, ਵਾਲਾਂ ਅਤੇ ਚਮੜੀ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਤੁਹਾਨੂੰ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰਨੀ ਚਾਹੀਦੀ ਹੈ। ਇਸ ਨਾਲ ਪਸੀਨੇ ਦੇ ਕਾਰਨ ਵਾਲਾਂ ਦੀ ਖੁਜਲੀ, ਵਾਲ ਝੜਨ ਅਤੇ ਦੋ ਮੂੰਹੇ ਵਾਲਾਂ ਦੀ ਸਮੱਸਿਆ ਦੂਰ ਹੋ ਜਾਵੇਗੀ। ਗਰਮੀ ਦਾ ਅਸਰ ਚਮੜੀ 'ਤੇ ਵੀ ਪੈਂਦਾ ਹੈ, ਜਿਨ੍ਹਾਂ ਦੀ ਚਮੜੀ ਤੇਲਯੁਕਤ ਹੁੰਦੀ ਹੈ, ਉਨ੍ਹਾਂ ਨੂੰ ਇਸ ਮੌਸਮ 'ਚ ਸਭ ਤੋਂ ਜ਼ਿਆਦਾ ਪ੍ਰੇਸ਼ਾਨੀ ਹੁੰਦੀ ਹੈ। ਆਇਲੀ ਸਕਿੱਨ ਵਾਲੇ ਲੋਕਾਂ ਨੂੰ ਗਰਮੀਆਂ ਵਿੱਚ ਚਿਹਰੇ 'ਤੇ ਪਿੰਪਲਜ਼, ਦਾਣ ਜਾਂ ਰੈਸ਼ਿਜ਼ ਹੋਣੇ ਸ਼ੁਰੂ ਹੋ ਜਾਂਦੇ ਹਨ। ਅਜਿਹੇ ਵਿੱਚ ਸਾਰੀਆਂ ਸਮੱਸਿਆਵਾਂ ਤੋਂ ਛੁਟਕਾਰਾ ਪਾਉਣ ਦਾ ਇੱਕੋ ਇੱਕ ਤਰੀਕਾ ਹੈ ਐਲੋਵੇਰਾ ਜੈੱਲ। ਤੁਸੀਂ ਬਜ਼ਾਰ ਜਾਂ ਘਰ ਵਿੱਚ ਬਣੇ ਕਿਸੇ ਵੀ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰ ਸਕਦੇ ਹੋ। ਜਾਣੋ ਐਲੋਵੇਰਾ ਜੈੱਲ ਲਗਾਉਣ ਦੇ ਫਾਇਦੇ।
ਐਲੋਵੇਰਾ ਜੈੱਲ ਦੇ ਫਾਇਦੇ
1- ਦਾਗ-ਧੱਬੇ ਦੂਰ ਕਰੇ- ਜੇਕਰ ਚਿਹਰੇ 'ਤੇ ਕਿਸੇ ਤਰ੍ਹਾਂ ਦੇ ਦਾਗ-ਧੱਬੇ ਹਨ ਤਾਂ ਉਨ੍ਹਾਂ ਨੂੰ ਹਟਾਉਣ ਲਈ ਤੁਸੀਂ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰ ਸਕਦੇ ਹੋ। ਐਲੋਵੇਰਾ ਜੈੱਲ ਮੁਹਾਸੇ ਦੇ ਦਾਗਿਆਂ, ਸਕਿਨ ਟੋਨ ਦੀ ਸਮੱਸਿਆ ਜਾਂ ਪਿਗਮੈਂਟੇਸ਼ਨ ਭਾਵ ਝੁਰੜੀਆਂ ਦੀ ਸਮੱਸਿਆ ਵਿੱਚ ਵੀ ਬਹੁਤ ਫਾਇਦੇਮੰਦ ਹੈ।
2- ਕਿੱਲ ਮੁਹਾਂਸਿਆਂ ਤੋਂ ਪਾਓ ਛੁਟਕਾਰਾ- ਜੇਕਰ ਤੁਸੀਂ ਲੰਬੇ ਸਮੇਂ ਤੋਂ ਕਿੱਲ ਅਕੇ ਮੁਹਾਸਿਆਂ ਤੋਂ ਪਰੇਸ਼ਾਨ ਹੋ ਤਾਂ ਐਲੋਵੇਰਾ ਜੈੱਲ ਇਸ ਦੇ ਲਈ ਇੱਕ ਰਾਮਬਾਣ ਹੈ।ਐਲੋਵੇਰਾ ਵਿੱਚ ਬਹੁਤ ਸਾਰਾ ਸੇਲੀਸਿਲਿਕ ਐਸਿਡ ਹੁੰਦਾ ਹੈ ਜੋ ਮੁਹਾਸੇ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦਾ ਹੈ। ਮੁਹਾਸੇ ਆਮ ਤੌਰ 'ਤੇ ਤੇਲਯੁਕਤ ਚਮੜੀ 'ਤੇ ਹੁੰਦੇ ਹਨ। ਅਜਿਹੇ 'ਚ ਐਲੋਵੇਰਾ ਜੈੱਲ ਚਮੜੀ 'ਤੇ ਐਕਸਫੋਲੀਏਟਰ ਦਾ ਕੰਮ ਕਰਦਾ ਹੈ, ਜਿਸ ਨਾਲ ਮੁਹਾਸੇ ਅਤੇ ਦਾਣੇ ਘੱਟ ਹੁੰਦੇ ਹਨ।
3- ਕਲੀਨਜ਼ਿੰਗ ਅਤੇ ਮੇਕਅੱਪ ਰਿਮੂਵਰ ਦਾ ਕਰੇ ਕੰਮ- ਬਾਜ਼ਾਰ 'ਚ ਕਈ ਤਰ੍ਹਾਂ ਦੇ ਕਲੀਨਜ਼ਰ ਅਤੇ ਮੇਕਅੱਪ ਰਿਮੂਵਰ ਮੌਜੂਦ ਹਨ। ਪਰ ਇਹਨਾਂ ਸਾਰੇ ਉਤਪਾਦਾਂ ਦੇ ਫਾਇਦੇ ਦੇ ਨਾਲ-ਨਾਲ ਨੁਕਸਾਨ ਵੀ ਹਨ। ਜੇਕਰ ਤੁਸੀਂ ਲੰਬੇ ਸਮੇਂ ਤੱਕ ਇਨ੍ਹਾਂ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਤੁਹਾਡੀ ਚਮੜੀ ਨੂੰ ਖਰਾਬ ਕਰ ਸਕਦੇ ਹਨ। ਅਜਿਹੇ 'ਚ ਐਲੋਵੇਰਾ ਜੈੱਲ ਕੁਦਰਤੀ ਤੌਰ 'ਤੇ ਤੁਹਾਡੀ ਚਮੜੀ ਨੂੰ ਸਾਫ ਕਰਨ ਅਤੇ ਮੇਕਅੱਪ ਨੂੰ ਹਟਾਉਣ ਦਾ ਕੰਮ ਕਰਦਾ ਹੈ। ਜਿਸ ਨਾਲ ਤੁਹਾਡੀ ਚਮੜੀ ਚਮਕਦਾਰ ਹੋ ਜਾਂਦੀ ਹੈ।
4- ਸੁੱਕੇ ਵਾਲਾਂ ਨੂੰ ਮਾਇਸਚਰਾਈਜ਼ ਕਰੇ- ਬਦਲਦੇ ਮੌਸਮ 'ਚ ਵਾਲਾਂ ਦਾ ਖੁਸ਼ਕ ਹੋਣਾ ਵੱਡੀ ਸਮੱਸਿਆ ਬਣ ਜਾਂਦਾ ਹੈ। ਸਰਦੀ, ਗਰਮੀ ਜਾਂ ਬਰਸਾਤ ਦਾ ਮੌਸਮ ਸਭ ਤੋਂ ਜਲਦੀ ਵਾਲਾਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਪਸੀਨੇ ਕਾਰਨ ਸਿਰ ਵਿੱਚ ਖੁਜਲੀ, ਕਿਸੇ ਤਰ੍ਹਾਂ ਦੀ ਇਨਫੈਕਸ਼ਨ ਜਾਂ ਡੈਂਡਰਫ ਦੀ ਸਮੱਸਿਆ ਆਮ ਗੱਲ ਹੈ, ਖਾਸ ਕਰਕੇ ਗਰਮੀਆਂ ਵਿੱਚ। ਅਜਿਹੀਆਂ ਸਮੱਸਿਆਵਾਂ ਤੋਂ ਬਚਣ ਲਈ ਆਪਣੇ ਵਾਲਾਂ ਵਿੱਚ ਐਲੋਵੇਰਾ ਜੈੱਲ ਦੀ ਵਰਤੋਂ ਕਰੋ। ਐਲੋਵੇਰਾ ਜੈੱਲ ਇਨ੍ਹਾਂ ਸਮੱਸਿਆਵਾਂ ਨੂੰ ਦੂਰ ਕਰੇਗਾ ਅਤੇ ਇਹ ਤੁਹਾਡੇ ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਨਮੀ ਦਿੰਦਾ ਹੈ। ਇਹ ਵਾਲਾਂ ਦੇ ਝੜਨ ਅਤੇ ਦੋ ਮੂੰਹੇ ਵਾਲਾਂ ਦੀ ਸਮੱਸਿਆ ਤੋਂ ਵੀ ਰਾਹਤ ਦਿਵਾਉਂਦਾ ਹੈ।
5- ਵਾਲਾਂ ਨੂੰ ਲੰਬੇ ਬਣਾਓ- ਐਲੋਵੇਰਾ ਜੈੱਲ ਦੀ ਵਰਤੋਂ ਵਾਲਾਂ ਦੇ ਵਾਧੇ ਲਈ ਵੀ ਕੀਤੀ ਜਾਂਦੀ ਹੈ। ਬਹੁਤ ਸਾਰੇ ਲੋਕ ਜਿਨ੍ਹਾਂ ਦੇ ਭਰਵੱਟੇ ਹਲਕੇ ਹੁੰਦੇ ਹਨ, ਆਈਬ੍ਰੋ ਨੂੰ ਸੰਘਣਾ ਕਰਨ ਲਈ ਜੈੱਲ ਲਗਾਉਂਦੇ ਹਨ। ਜੇਕਰ ਐਲੋਵੇਰਾ ਜੈੱਲ ਨੂੰ ਕੈਸਟਰ ਆਇਲ ਵਿੱਚ ਮਿਲਾ ਕੇ ਲਗਾਇਆ ਜਾਵੇ ਤਾਂ ਤੁਹਾਨੂੰ ਬਹੁਤ ਜਲਦੀ ਫਾਇਦਾ ਮਿਲੇਗਾ। ਇਸ ਨਾਲ ਕੁਦਰਤੀ ਤੌਰ 'ਤੇ ਤੁਹਾਡੀਆਂ ਆਈਬ੍ਰੋ ਮੋਟੀ ਹੋ ਜਾਣਗੀਆਂ।