Alsi Pinni : ਸਰਦੀਆਂ ਦਾ ਮੌਸਮ ਸ਼ੁਰੂ ਹੁੰਦੇ ਹੀ ਪੰਜਾਬ ਦੇ ਘਰਾਂ ਵਿੱਚ ਪੌਸ਼ਟਿਕ ਚੀਜ਼ਾਂ ਬਣਾਉਣ ਦਾ ਰੁਝਾਨ ਵਧ ਜਾਂਦਾ ਹੈ। ਇਨ੍ਹਾਂ ਵਿੱਚੋਂ ਇੱਕ ਹੈ ਅਲਸੀ ਦੀਆਂ ਪਿੰਨੀਆਂ (Flaxseed Ladoo)। ਅਲਸੀ ਦੀਆਂ ਪਿੰਨੀਆਂ ਸਿਰਫ਼ ਸੁਆਦ ਵਿੱਚ ਹੀ ਵਧੀਆ ਨਹੀਂ ਹੁੰਦੀਆਂ, ਸਗੋਂ ਇਨ੍ਹਾਂ ਵਿੱਚ ਕਈ ਅਜਿਹੇ ਪੋਸ਼ਕ ਤੱਤ ਹੁੰਦੇ ਹਨ, ਜੋ ਸਿਹਤ ਲਈ ਫਾਇਦੇਮੰਦ ਹਨ।

Continues below advertisement

ਅਲਸੀ ਵਿੱਚ ਓਮੇਗਾ-3 ਫੈਟੀ ਐਸਿਡ, ਫਾਈਬਰ ਅਤੇ ਐਂਟੀਆਕਸੀਡੈਂਟ ਪਾਏ ਜਾਂਦੇ ਹਨ। ਇਹ ਤੱਤ ਦਿਲ ਦੀ ਸਿਹਤ ਨੂੰ ਸਹਾਰਾ ਦੇਣ ਅਤੇ ਸਰੀਰ ਵਿੱਚ ਖਰਾਬ ਕੋਲੈਸਟ੍ਰੋਲ ਘਟਾਉਣ ਵਿੱਚ ਮਦਦ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਅਲਸੀ ਵਿੱਚ ਮੌਜੂਦ ਫਾਈਬਰ ਪਾਚਨ ਕਿਰਿਆ ਨੂੰ ਬਿਹਤਰ ਬਣਾਉਣ ਅਤੇ ਕਬਜ਼ ਦੀ ਸਮੱਸਿਆ ਤੋਂ ਰਾਹਤ ਦਿਵਾਉਣ ਵਿੱਚ ਮਦਦਗਾਰ ਹੋ ਸਕਦਾ ਹੈ।

ਅਲਸੀ ਦੀਆਂ ਪਿੰਨੀਆਂ ਬਣਾਉਣ ਲਈ ਅਲਸੀ ਨੂੰ ਹਲਕਾ ਭੁੰਨ ਕੇ ਪੀਸਿਆ ਜਾਂਦਾ ਹੈ। ਇਸ ਵਿੱਚ ਆਟਾ, ਦੇਸੀ ਘਿਓ, ਗੁੜ, ਬਦਾਮ, ਅਖਰੋਟ ਅਤੇ ਹੋਰ ਸੁੱਕੇ ਮੇਵੇ ਮਿਲਾਏ ਜਾਂਦੇ ਹਨ। ਇਹ ਚੀਜ਼ਾਂ ਸਰੀਰ ਨੂੰ ਊਰਜਾ ਅਤੇ ਕਈ ਪੋਸ਼ਕ ਤੱਤ ਦਿੰਦੀਆਂ ਹਨ।

Continues below advertisement

ਕਿੰਨੀਆਂ ਪਿੰਨੀਆਂ ਖਾਣੀਆਂ ਚਾਹੀਦੀਆਂ ਹਨ?

ਸਿਹਤ ਮਾਹਿਰਾਂ ਅਨੁਸਾਰ ਅਲਸੀ ਨੂੰ ਸੀਮਤ ਮਾਤਰਾ ਵਿੱਚ ਖੁਰਾਕ ਦਾ ਹਿੱਸਾ ਬਣਾਉਣਾ ਚਾਹੀਦਾ ਹੈ। ਇੱਕ ਛੋਟੀ ਪਿੰਨੀ ਖਾਣਾ ਕਾਫ਼ੀ ਹੋ ਸਕਦਾ ਹੈ, ਪਰ ਇਸ ਦੀ ਮਾਤਰਾ ਵਿੱਚ ਘਿਓ ਅਤੇ ਗੁੜ ਦੀ ਮਾਤਰਾ ਦਾ ਵੀ ਧਿਆਨ ਰੱਖੋ। ਸ਼ੂਗਰ ਅਤੇ ਵਧੇ ਹੋਏ ਵਜ਼ਨ ਵਾਲੇ ਲੋਕਾਂ ਨੂੰ ਖਾਸ ਧਿਆਨ ਰੱਖਣਾ ਚਾਹੀਦਾ ਹੈ। ਜ਼ਿਆਦਾ ਅਲਸੀ ਖਾਣ ਨਾਲ ਪੇਟ ਵਿੱਚ ਗੈਸ, ਫੁੱਲਣ ਜਾਂ ਦਸਤ ਦੀ ਸਮੱਸਿਆ ਹੋ ਸਕਦੀ ਹੈ। ਇਸ ਲਈ ਸੰਤੁਲਿਤ ਮਾਤਰਾ ਵਿੱਚ ਹੀ ਇਸ ਦਾ ਸੇਵਨ ਕਰੋ।