Face Waxing disadvantages: ਅੱਜ ਦੇ ਸਮੇਂ ਵਿੱਚ ਹਰ ਕੋਈ ਸੁੰਦਰ ਦਿਖਣਾ ਚਾਹੁੰਦਾ ਹੈ। ਜਿਸ ਕਰਕੇ ਲੋਕ ਵੱਖ-ਵੱਖ ਬਿਊਟੀ treatment ਕਰਵਾਉਂਦੇ ਰਹਿੰਦੇ ਹਨ। ਜਿਨ੍ਹਾਂ ਵਿੱਚੋਂ ਇੱਕ ਹੈ ਵੈਕਸਿੰਗ। ਫੇਸ ਵੈਕਸਿੰਗ ਚਿਹਰੇ ਤੋਂ ਅਣਚਾਹੇ ਵਾਲਾਂ ਨੂੰ ਹਟਾਉਣ ਦਾ ਇੱਕ ਬਹੁਤ ਮਸ਼ਹੂਰ ਤਰੀਕਾ ਹੈ। ਇਹ ਆਮ ਤੌਰ 'ਤੇ ਔਰਤਾਂ ਦੁਆਰਾ ਵਰਤੀ ਜਾਂਦੀ ਹੈ ਕਿਉਂਕਿ ਉਹ ਨਹੀਂ ਚਾਹੁੰਦੀਆਂ ਕਿ ਉਨ੍ਹਾਂ ਦੇ ਚਿਹਰੇ 'ਤੇ ਦਾੜ੍ਹੀ, ਮੁੱਛਾਂ ਜਾਂ ਕਿਸੇ ਕਿਸਮ ਦੇ ਅਣਚਾਹੇ ਵਾਲ ਦਿਖਾਈ ਦੇਣ। ਇਸ ਵਿਧੀ ਵਿੱਚ, ਗਰਮ ਮੋਮ ਪ੍ਰਭਾਵਿਤ ਖੇਤਰ, ਜਿਵੇਂ ਕਿ ਉੱਪਰਲੇ ਬੁੱਲ੍ਹ, ਭਰਵੱਟਿਆਂ, ਜਾਂ ਚਿਹਰੇ ਦੇ ਪਾਸਿਆਂ 'ਤੇ ਅਪਲਾਈ ਕੀਤਾ ਜਾਂਦਾ ਹੈ, ਅਤੇ ਫਿਰ ਇਸਦੇ ਨਾਲ ਵਾਲਾਂ ਨੂੰ ਲੈ ਕੇ, ਤੇਜ਼ੀ ਨਾਲ ਖਿੱਚਿਆ ਜਾਂਦਾ ਹੈ। ਜਿਸ ਕਰਕੇ ਕੁੱਝ ਦਰਦ ਵੀ ਹੁੰਦਾ ਹੈ।
ਹੁਣ ਹਰ ਔਰਤ ਸ਼ੇਵਿੰਗ ਦਾ ਸਹਾਰਾ ਨਹੀਂ ਲੈਣਾ ਚਾਹੁੰਦੀ, ਇਸ ਲਈ ਉਹ ਇਹ ਤਰੀਕਾ ਅਪਣਾਉਂਦੀਆਂ ਹਨ, ਪਰ ਜ਼ਰੂਰੀ ਨਹੀਂ ਕਿ ਇਹ ਤਰੀਕਾ ਹਰ ਕਿਸੇ ਲਈ ਫਾਇਦੇਮੰਦ ਹੋਵੇ, ਕੁਝ ਲੋਕਾਂ ਨੂੰ ਇਸ ਨਾਲ ਨੁਕਸਾਨ ਵੀ ਝੱਲਣਾ ਪੈ ਸਕਦਾ ਹੈ।
ਫੇਸ ਵੈਕਸਿੰਗ ਤੋਂ ਬਚਣਾ ਹੈ ਜਾਂ ਨਹੀਂ, ਇਹ ਨਿੱਜੀ ਤਰਜੀਹਾਂ ਅਤੇ ਕਈ ਕਾਰਕਾਂ ਜਿਵੇਂ ਕਿ ਚਮੜੀ ਦੀ ਸੰਵੇਦਨਸ਼ੀਲਤਾ ਅਤੇ ਵਾਲਾਂ ਦੇ ਵਿਕਾਸ ਦੇ ਪੈਟਰਨ 'ਤੇ ਨਿਰਭਰ ਕਰਦਾ ਹੈ। ਵੈਕਸਿੰਗ ਅਸਥਾਈ ਤੌਰ 'ਤੇ ਚਮੜੀ ਨੂੰ ਪਰੇਸ਼ਾਨ ਕਰ ਸਕਦੀ ਹੈ, ਖਾਸ ਕਰਕੇ ਸੰਵੇਦਨਸ਼ੀਲ ਚਮੜੀ ਵਾਲੇ ਲੋਕਾਂ ਲਈ। ਜੇਕਰ ਵੈਕਸਿੰਗ ਤੋਂ ਬਾਅਦ ਤੁਹਾਡੀ ਚਮੜੀ 'ਤੇ ਲਾਲ ਧੱਫੜ, ਸੋਜ ਜਾਂ ਧੱਫੜ ਦਿਖਾਈ ਦੇਣ ਲੱਗ ਪੈਂਦੇ ਹਨ, ਤਾਂ ਤੁਹਾਨੂੰ ਇਸ ਬਾਰੇ ਜ਼ਰੂਰ ਸੋਚਣਾ ਚਾਹੀਦਾ ਹੈ। ਇਸ ਲਈ ਬਿਹਤਰ ਹੈ ਕਿ ਫੇਸ ਵੈਕਸਿੰਗ ਨੂੰ ਨਾ ਅਪਣਾਇਆ ਜਾਵੇ। ਬਹੁਤ ਸਾਰੇ ਲੋਕ ਇਹ ਨਹੀਂ ਜਾਣਦੇ ਕਿ ਇਸ ਨੂੰ ਸਹੀ ਢੰਗ ਨਾਲ ਕਿਵੇਂ ਕਰਨਾ ਹੈ, ਜਿਸ ਨਾਲ ਵਾਲਤੋੜ ਅਤੇ ਹੋਰ ਕਈ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਜਿਹੜੇ ਲੋਕ ਅਕਸਰ ਮੁਹਾਸੇ, ਰੋਸੇਸੀਆ, ਝੁਲਸਣ, ਜਾਂ ਖੁੱਲ੍ਹੇ ਜ਼ਖ਼ਮ ਵਰਗੀਆਂ ਸਮੱਸਿਆਵਾਂ ਦਾ ਸਾਹਮਣਾ ਕਰਦੇ ਹਨ, ਉਹਨਾਂ ਨੂੰ ਹਰ ਕੀਮਤ 'ਤੇ ਚਿਹਰੇ ਦੇ ਵੈਕਸਿੰਗ ਤੋਂ ਬਚਣਾ ਚਾਹੀਦਾ ਹੈ ਕਿਉਂਕਿ ਇਹ ਤੁਹਾਨੂੰ ਵਧੇਰੇ ਨੁਕਸਾਨ ਪਹੁੰਚਾ ਸਕਦਾ ਹੈ। ਫੈਸ਼ਨ ਦੇ ਇਸ ਯੁੱਗ ਵਿੱਚ, ਹਰ ਕੋਈ ਦੂਜਿਆਂ ਨਾਲੋਂ ਵਧੀਆ ਦਿਖਣਾ ਚਾਹੁੰਦਾ ਹੈ।
ਖਾਸ ਤੌਰ 'ਤੇ ਸੋਸ਼ਲ ਮੀਡੀਆ ਦੇ ਯੁੱਗ 'ਚ ਇਹ ਰੁਝਾਨ ਕਾਫੀ ਵਧ ਗਿਆ ਹੈ ਪਰ ਇਸ ਦਾ ਇਹ ਮਤਲਬ ਨਹੀਂ ਹੈ ਕਿ ਖੂਬਸੂਰਤ ਦਿਖਣ ਦੀ ਲਾਲਸਾ 'ਚ ਖੁਦ ਨੂੰ ਨੁਕਸਾਨ ਪਹੁੰਚਾ ਲਓ। ਇਸ ਚੱਕਰ ਚ ਕਈ ਵਾਰ ਚਿਹਰਾ ਤੱਕ ਖਰਾਬ ਹੋ ਜਾਂਦਾ ਹੈ। ਇਸ ਲਈ ਤੁਹਾਨੂੰ ਕਿਸੇ ਚਮੜੀ ਦੇ ਮਾਹਰ ਜਾਂ ਐਸਥੀਸ਼ੀਅਨ ਤੋਂ ਸਲਾਹ ਲੈਣੀ ਚਾਹੀਦੀ ਹੈ।
Disclaimer: ਇਸ ਲੇਖ ਵਿਚ ਦੱਸੇ ਗਏ ਤਰੀਕਿਆਂ ਅਤੇ ਸੁਝਾਵਾਂ ਨੂੰ ਅਪਣਾਉਣ ਤੋਂ ਪਹਿਲਾਂ,ਕਿਸੇ ਡਾਕਟਰ ਜਾਂ ਸਬੰਧਤ ਮਾਹਰ ਦੀ ਸਲਾਹ ਜ਼ਰੂਰ ਲਓ।