Skin Care News : ਚਮੜੀ ਨੂੰ ਸਿਹਤਮੰਦ, ਨਰਮ ਤੇ ਚਮਕਦਾਰ ਰੱਖਣ ਲਈ ਅਸੀਂ ਕੀ ਨਹੀਂ ਕਰਦੇ। ਇੱਕ ਤੋਂ ਇੱਕ ਮਹਿੰਗੇ ਬਿਊਟੀ ਪ੍ਰੋਡਕਟਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਵੱਖ-ਵੱਖ ਤਰ੍ਹਾਂ ਦੇ ਪੇਸਟ ਅਤੇ ਫੇਸ ਪੈਕ ਲਾਏ ਜਾਂਦੇ ਹਨ। ਕਈ ਘਰੇਲੂ ਉਪਚਾਰ ਕੀਤੇ ਜਾਂਦੇ ਹਨ। ਪਰ ਫਿਰ ਵੀ ਕਈ ਵਾਰ ਚਮੜੀ ਨਾਲ ਜੁੜੀਆਂ ਸਮੱਸਿਆਵਾਂ ਪਰੇਸ਼ਾਨ ਹੋਣ ਲੱਗਦੀਆਂ ਹਨ। ਫਿਰ ਲੋਕ ਸੋਚਣ ਲੱਗਦੇ ਹਨ ਕਿ ਇੰਨੀ ਦੇਖਭਾਲ ਕਰਨ ਦੇ ਬਾਵਜੂਦ ਚਮੜੀ ਦੀਆਂ ਸਮੱਸਿਆਵਾਂ ਕਿਵੇਂ ਹੋ ਸਕਦੀਆਂ ਹਨ। ਦਰਅਸਲ, ਸਿਰਫ ਚੰਗੇ ਉਤਪਾਦਾਂ ਦੀ ਵਰਤੋਂ ਕਰਨ ਤੇ ਫੇਸ ਪੈਕ ਲਾਉਣ ਨਾਲ ਚਮੜੀ ਨੂੰ ਸਿਹਤਮੰਦ ਨਹੀਂ ਰੱਖਿਆ ਜਾ ਸਕਦਾ ਹੈ। ਤੁਹਾਨੂੰ ਉਨ੍ਹਾਂ ਗਲਤੀਆਂ ਨੂੰ ਵੀ ਠੀਕ ਕਰਨਾ ਹੋਵੇਗਾ, ਜੋ ਚਮੜੀ ਨੂੰ ਖਰਾਬ ਕਰ ਰਹੀਆਂ ਹਨ।
ਚਮੜੀ ਦੀ ਦੇਖਭਾਲ ਕਰਦੇ ਸਮੇਂ ਅਸੀਂ ਅਕਸਰ ਕੁਝ ਅਜਿਹੀਆਂ ਗਲਤੀਆਂ ਕਰਦੇ ਹਾਂ, ਜਿਸ ਕਾਰਨ ਸਾਨੂੰ ਚਮੜੀ ਦੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ, ਜਿਵੇਂ ਕਿ ਚਿਹਰੇ 'ਤੇ ਤੌਲੀਏ ਦੀ ਵਰਤੋਂ ਕਰਨਾ। ਕਈ ਲੋਕ ਆਪਣਾ ਮੂੰਹ ਧੋਣ ਤੋਂ ਬਾਅਦ ਤੌਲੀਏ ਨਾਲ ਆਪਣਾ ਮੂੰਹ ਪੂੰਝਦੇ ਹਨ। ਬਹੁਤ ਸਾਰੇ ਲੋਕ ਅਜਿਹੇ ਹਨ ਜਿਨ੍ਹਾਂ ਦਾ ਤੌਲੀਆ ਬਹੁਤ ਗੰਦਾ ਰਹਿੰਦਾ ਹੈ, ਫਿਰ ਵੀ ਉਹ ਲਾਪਰਵਾਹੀ ਨਾਲ ਇਸ ਦੀ ਵਰਤੋਂ ਕਰਦੇ ਰਹਿੰਦੇ ਹਨ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਇੱਕ ਤੌਲੀਆ ਵੀ ਤੁਹਾਨੂੰ ਚਮੜੀ ਦੀਆਂ ਕਈ ਸਮੱਸਿਆਵਾਂ ਤੋਂ ਬਚਾ ਸਕਦਾ ਹੈ।
ਸਿਕਨ ਵਿੱਚ ਪ੍ਰਵੇਸ਼ ਕਰ ਸਕਦੇ ਨੇ ਬੈਕਟੀਰੀਆ
ਮਿਰਰ ਦੀ ਰਿਪੋਰਟ ਦੇ ਮੁਤਾਬਕ, skin and sanctuary ਦੀ ਏਸਥੈਟਿਕ ਥੈਰੇਪਿਸਟ ਫਾਤਮਾ ਗੁੰਦੁਜ਼ ਨੇ ਦੱਸਿਆ ਕਿ ਤੌਲੀਏ ਨਾਲ ਚਿਹਰੇ ਨੂੰ ਪੂੰਝਣ ਨਾਲ ਚਮੜੀ 'ਤੇ ਬੁਰਾ ਪ੍ਰਭਾਵ ਪੈ ਸਕਦਾ ਹੈ। ਇਹ ਇਸ ਲਈ ਹੈ ਕਿਉਂਕਿ ਤੌਲੀਏ ਵਿੱਚ ਈ.ਕੋਲੀ (Escherichia coli) ਵਰਗੇ ਖਤਰਨਾਕ ਬੈਕਟੀਰੀਆ ਪਾਏ ਜਾਂਦੇ ਹਨ। ਜਦੋਂ ਤੁਸੀਂ ਤੌਲੀਏ ਨਾਲ ਆਪਣਾ ਚਿਹਰਾ ਪੂੰਝਦੇ ਹੋ, ਤਾਂ E.coli ਬੈਕਟੀਰੀਆ ਇਸ ਰਾਹੀਂ ਤੁਹਾਡੀ ਚਮੜੀ ਵਿੱਚ ਦਾਖਲ ਹੋ ਸਕਦੇ ਹਨ।
ਮੋਟੇ ਤੌਲੀਏ ਦੀ ਨਾ ਕਰੋ ਵਰਤੋਂ
ਇਹ ਬੈਕਟੀਰੀਆ ਹੀ ਨਹੀਂ, ਤੌਲੀਏ ਦੀ ਮੋਟੀ ਬਣਤਰ ਵੀ ਚਮੜੀ ਨੂੰ ਨੁਕਸਾਨ ਪਹੁੰਚਾਉਣ ਦਾ ਕੰਮ ਕਰਦੀ ਹੈ। ਕਿਉਂਕਿ ਚਿਹਰੇ ਨੂੰ ਪੂੰਝਦੇ ਸਮੇਂ ਤੁਸੀਂ ਤੌਲੀਏ ਨਾਲ ਚਮੜੀ ਨੂੰ ਰਗੜਦੇ ਹੋ। ਇਸ ਦੀ ਵਜ੍ਹਾ ਨਾਲ ਚਮੜੀ 'ਤੇ ਛੋਟੀਆਂ-ਛੋਟੀਆਂ ਦਰਾਰਾਂ ਪੈ ਸਕਦੀਆਂ ਹਨ ਅਤੇ ਲੰਬੇ ਸਮੇਂ ਲਈ ਨੁਕਸਾਨ ਹੋ ਸਕਦਾ ਹੈ। ਤੁਹਾਨੂੰ ਤੌਲੀਏ ਦੀ ਵਰਤੋਂ ਵੀ ਨਹੀਂ ਕਰਨੀ ਚਾਹੀਦੀ ਕਿਉਂਕਿ ਇਹ ਤੁਹਾਡੀ ਚਮੜੀ 'ਤੇ ਮੌਜੂਦ ਕੁਦਰਤੀ ਤੇਲ ਨੂੰ ਹਟਾ ਸਕਦਾ ਹੈ, ਜੋ ਚਮੜੀ ਨੂੰ ਖੁਸ਼ਕ ਅਤੇ ਬੇਜਾਨ ਬਣਾ ਸਕਦਾ ਹੈ।