H3N2 infection: ਲਗਾਤਾਰ ਅਤੇ ਤੇਜ਼ੀ ਨਾਲ ਬਦਲ ਰਹੇ ਮੌਸਮ ਕਾਰਨ ਵੱਡੀ ਗਿਣਤੀ ਵਿੱਚ ਲੋਕ ਜ਼ੁਕਾਮ ਅਤੇ ਖੰਘ ਦੀ ਸਮੱਸਿਆ ਤੋਂ ਪੀੜਤ ਹਨ। ਹਾਲਾਂਕਿ, ਨਵੇਂ ਫਲੂ ਦੇ ਫੈਲਣ ਕਾਰਨ, ਇਹ ਜ਼ੁਕਾਮ, ਖੰਘ ਅਤੇ ਬੁਖਾਰ ਦੇ ਲੱਛਣ ਆਮ ਨਹੀਂ ਹਨ। ਮੌਸਮੀ ਵਾਇਰਲ ਬੁਖਾਰ ਤੋਂ ਪੀੜਤ ਮਰੀਜ਼ਾਂ ਵਿੱਚ H3N2 ਇੰਫੈਕਸ਼ਨ ਪਾਈ ਜਾ ਰਹੀ ਹੈ। ਸਿਹਤ ਜ਼ਿਆਦਾ ਵਿਗੜਨ ਉੱਤੇ ਉਨ੍ਹਾਂ ਮਰੀਜ਼ਾਂ ਨੂੰ ਹਸਪਤਾਲਾਂ ਵਿੱਚ ਦਾਖਲ ਕਰਵਾਉਣਾ ਪੈਂਦਾ ਹੈ।
ਮਾਨਸੂਨ ਦੇ ਵਿਚਕਾਰ, ਸਰਕਾਰ ਦੇ ਇਨਫਲੂਏਂਜ਼ਾ ਟ੍ਰੈਕਰ ਨੇ ਇੱਕ ਵਾਰ ਫਿਰ H3N2 ਸੰਕਰਮਣ ਦਾ ਅਲਰਟ ਦਿੱਤਾ ਹੈ। ਇਹ ਮੌਸਮੀ ਫਲੂ H1N1 ਦਾ ਇੱਕ ਉਪ-ਕਿਸਮ ਹੈ ਜੋ ਵਰਤਮਾਨ ਵਿੱਚ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ ਫੈਲ ਰਿਹਾ ਹੈ। ਇਸ ਕਾਰਨ ਮਾਨਸੂਨ ਦੌਰਾਨ ਆਮ ਜ਼ੁਕਾਮ ਅਤੇ ਖੰਘ ਹੁਣ ਆਮ ਨਹੀਂ ਰਹੀ। ਸੰਕਰਮਿਤ ਮਰੀਜ਼ਾਂ ਨੂੰ ਹਸਪਤਾਲਾਂ ਵਿੱਚ ਦਾਖਲ ਕਰਵਾਉਣ ਦੀ ਨੌਬਤ ਆ ਰਹੀ ਹੈ।
ਨਾਲ ਹੀ, ਇਸ ਦਾ ਅਸਰ ਪਰਿਵਾਰਕ ਮੈਂਬਰਾਂ 'ਤੇ ਵੀ ਤੇਜ਼ੀ ਨਾਲ ਪੈ ਰਿਹਾ ਹੈ। ਕੌਂਸਲ ਆਫ਼ ਮੈਡੀਕਲ ਰਿਸਰਚ (ICMR) ਦੇ ਅਨੁਸਾਰ, ਪਿਛਲੇ ਚਾਰ ਹਫ਼ਤਿਆਂ ਤੋਂ ਦੇਸ਼ ਦੇ ਜ਼ਿਆਦਾਤਰ ਹਿੱਸਿਆਂ ਵਿੱਚ H3N2 ਵਾਇਰਸ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਪਿਛਲੇ ਹਫਤੇ ਲਗਭਗ 42% ਨਮੂਨਿਆਂ ਵਿੱਚ ਇਸਦੀ ਪੁਸ਼ਟੀ ਹੋਈ ਹੈ
ICMR ਦਾ ਮੰਨਣਾ ਹੈ ਕਿ H3N2 ਗੰਭੀਰ ਤੀਬਰ ਸਾਹ ਦੀ ਇੰਫੈਕਸ਼ਨ ਨਾਲ ਹਸਪਤਾਲ ਵਿੱਚ ਦਾਖਲ ਸਾਰੇ ਮਰੀਜ਼ਾਂ ਵਿੱਚੋਂ ਲਗਭਗ 50 ਪ੍ਰਤੀਸ਼ਤ ਵਿੱਚ ਪਾਇਆ ਗਿਆ ਸੀ। ਮੌਸਮੀ ਇਨਫਲੂਐਂਜ਼ਾ ਇੱਕ ਤੀਬਰ ਸਾਹ ਦੀਇੰਫੈਕਸ਼ਨ ਹੈ, ਜੋ ਇਨਫਲੂਐਂਜ਼ਾ ਵਾਇਰਸਾਂ ਕਾਰਨ ਹੁੰਦਾ ਹੈ ।
ਕੇਂਦਰੀ ਸਿਹਤ ਮੰਤਰਾਲੇ ਨੇ ਕਿਹਾ ਕਿ ਦੇਸ਼ ਨੇ ਹਰ ਸਾਲ ਦੋ ਵਾਰ ਮੌਸਮੀ ਫਲੂ ਦੇ ਪੀਕ ਦੇਖੇ ਹਨ। ਪਹਿਲੀ ਜਨਵਰੀ ਤੋਂ ਮਾਰਚ ਤੱਕ ਅਤੇ ਦੂਜੀ ਮੌਨਸੂਨ ਤੋਂ ਬਾਅਦ ਦੇ ਮੌਸਮ ਵਿੱਚ ਆਉਂਦਾ ਹੈ। ਇਸ ਸਾਲ ਇਹ ਅਗਸਤ ਵਿੱਚ ਹੀ ਦੇਖਣ ਨੂੰ ਮਿਲਿਆ ਹੈ। ਪੰਜ ਸਾਲ ਤੱਕ ਦੇ ਬੱਚੇ ਅਤੇ 60 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਨੂੰ ਸਭ ਤੋਂ ਵੱਧ ਖ਼ਤਰਾ ਹੋ ਸਕਦਾ ਹੈ।
ICMR ਦੇ ਇੱਕ ਸੀਨੀਅਰ ਵਿਗਿਆਨਕ ਦੇ ਅਨੁਸਾਰ, ਜਦੋਂ ਹਸਪਤਾਲਾਂ ਵਿੱਚ ਦਾਖਲ ਮਰੀਜ਼ਾਂ ਦਾ ਇਨਫਲੂਐਂਜ਼ਾ ਲਈ ਟੈਸਟ ਕੀਤਾ ਜਾਂਦਾ ਹੈ, ਤਾਂ ਸੂਚਨਾ ਕੇਂਦਰੀ ਪੱਧਰ 'ਤੇ ਬਣਾਏ ਗਏ ਇੱਕ ਨੈਟਵਰਕ ਤੱਕ ਪਹੁੰਚਦੀ ਹੈ ਜੋ ICMR ਦੇ ਅਧੀਨ ਹੈ। ਪਿਛਲੇ ਇੱਕ ਹਫ਼ਤੇ ਵਿੱਚ, ਲਗਭਗ 100 ਨਮੂਨਿਆਂ ਵਿੱਚ ਵਾਇਰਲ ਇਨਫਲੂਐਂਜ਼ਾ, ਜਿਸ ਨੂੰ H3N2 ਸੰਕਰਮਣ ਕਿਹਾ ਜਾਂਦਾ ਹੈ, ਦੀ ਪੁਸ਼ਟੀ ਕੀਤੀ ਗਈ ਹੈ।
ਸਿਹਤ ਮੰਤਰਾਲੇ ਦੇ ਅਨੁਸਾਰ, ਜਿਸ ਤਰ੍ਹਾਂ ਅਸੀਂ ਕੋਰੋਨਾ ਮਹਾਂਮਾਰੀ ਦੌਰਾਨ ਰੋਕਥਾਮ ਦੇ ਉਪਾਵਾਂ ਦੀ ਪਾਲਣਾ ਕੀਤੀ ਸੀ, ਸਾਨੂੰ ਅਜੇ ਵੀ ਆਪਣੇ ਹੱਥਾਂ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰਨਾ ਚਾਹੀਦਾ ਹੈ। ਜੇ ਤੁਹਾਨੂੰ ਹਲਕੀ ਜ਼ੁਕਾਮ ਜਾਂ ਖੰਘ ਦੇ ਲੱਛਣ ਹਨ, ਤਾਂ ਮਾਸਕ ਪਾਓ ਅਤੇ ਭੀੜ ਤੋਂ ਦੂਰ ਰਹੋ। ਆਪਣੀਆਂ ਅੱਖਾਂ ਅਤੇ ਨੱਕ ਨੂੰ ਵਾਰ-ਵਾਰ ਛੂਹਣ ਤੋਂ ਬਚੋ। ਬੁਖਾਰ ਜਾਂ ਸਰੀਰ ਵਿੱਚ ਦਰਦ ਹੋਣ ਦੀ ਸੂਰਤ ਵਿੱਚ ਤਰਲ ਪਦਾਰਥ ਪੀਓ ਅਤੇ ਪੈਰਾਸੀਟਾਮੋਲ ਦਵਾਈ ਲਓ।
ਵਿਸ਼ਵ ਸਿਹਤ ਸੰਗਠਨ (WHO) ਨੇ ਇੱਕ ਅਲਰਟ ਵਿੱਚ ਕਿਹਾ ਹੈ ਕਿ H3N2 ਇਨਫੈਕਸ਼ਨ ਸੰਘਣੀ ਆਬਾਦੀ ਵਾਲੇ ਖੇਤਰਾਂ ਵਿੱਚ ਤੇਜ਼ੀ ਨਾਲ ਫੈਲਦਾ ਹੈ। WHO ਨੇ ਇਸ ਦੇ ਫੈਲਣ ਨੂੰ ਰੋਕਣ ਲਈ ਨਿਗਰਾਨੀ ਵਧਾਉਣ ਅਤੇ ਸਮੇਂ ਸਿਰ ਜਾਂਚ ਕਰਨ ਦੀ ਮੰਗ ਕੀਤੀ ਹੈ। ICMR ਦੇ ਅਨੁਸਾਰ,ਜਦੋਂ ਕੋਈ ਸੰਕਰਮਿਤ ਵਿਅਕਤੀ ਖੰਘਦਾ ਜਾਂ ਛਿੱਕਦਾ ਹੈ ਉਸਦੇ ਸਾਹ ਦੀਆਂ ਬੂੰਦਾਂ ਰਾਹੀਂ H3N2 ਫੈਲਦਾ ਹੈ। ਇਸਦੇ ਲੱਛਣ ਮੌਸਮੀ ਫਲੂ ਦੇ ਸਮਾਨ ਹਨ ਅਤੇ ਇਸ ਵਿੱਚ ਬੁਖਾਰ, ਗਲੇ ਵਿੱਚ ਖਰਾਸ਼, ਖੰਘ, ਥਕਾਵਟ ਅਤੇ ਸਰੀਰ ਵਿੱਚ ਦਰਦ ਸ਼ਾਮਲ ਹਨ। ਮੌਜੂਦਾ ਪ੍ਰਕੋਪ ਵਿੱਚ, ਇਸ ਲਾਗ ਤੋਂ ਪੀੜਤ ਲਗਭਗ 10 ਪ੍ਰਤੀਸ਼ਤ ਮਰੀਜ਼ਾਂ ਨੂੰ ਆਕਸੀਜਨ ਦੀ ਜ਼ਰੂਰਤ ਹੈ।