Health News: ਸਾਡੀ ਰੋਜ਼ਨਾ ਦੀ ਜ਼ਿੰਦਗੀ ਵਿੱਚ ਪਲਾਸਟਿਕ ਦੀ ਵਰਤੋਂ ਬੇਹੱਦ ਵੱਧ ਗਈ ਹੈ। ਹੁਣ ਤਾਂ ਸਾਡੀ ਰਸੋਈ ਵੀ ਇਸ ਤੋਂ ਅਛੂਤੀ ਨਹੀਂ ਰਹੀ। ਪਲਾਸਟਿਕ ਦੇ ਡੱਬੇ, ਭਾਂਡੇ, ਚਾਪਿੰਗ ਬੋਰਡ ਅਤੇ ਹੋਰ ਕਈ ਚੀਜ਼ਾਂ – ਇਹ ਸਭ ਕੁਝ ਤਕਰੀਬਨ ਹਰ ਰਸੋਈ ਵਿੱਚ ਮਿਲ ਜਾਦਾ ਹੈ।
ਮੁਸੀਬਤ ਤਦੋਂ ਹੋਰ ਵੀ ਵਧ ਜਾਂਦੀ ਹੈ ਜਦੋਂ ਇਹ ਪਲਾਸਟਿਕ ਸਰੀਰ ਵਿੱਚ ਦਾਖਲ ਹੋਣ ਲੱਗ ਪੈਂਦੀ ਹੈ। ਇਹ ਸੋਹਣੀ ਤੇ ਟਿਕਾਊ ਦਿਖਣ ਵਾਲੀ ਪਲਾਸਟਿਕ, ਛੋਟੇ-ਛੋਟੇ ਕਣਾਂ ਦੇ ਰੂਪ ਵਿੱਚ ਸਾਡੀ ਬੌਡੀ ਵਿੱਚ ਪਹੁੰਚਦੀ ਹੈ। ਇਸਨੂੰ 'ਮਾਈਕਰੋਪਲਾਸਟਿਕ' ਕਿਹਾ ਜਾਂਦਾ ਹੈ।
ਸਾਡੀ ਰਸੋਈ ਵਿੱਚ ਕਈ ਅਜਿਹੀਆਂ ਚੀਜ਼ਾਂ ਹੁੰਦੀਆਂ ਹਨ ਜੋ ਸਰੀਰ ਤਕ ਪਲਾਸਟਿਕ ਪਹੁੰਚਾਉਣ ਦੀ ਵਜ੍ਹਾ ਬਣਦੀਆਂ ਹਨ। ਇਹ ਗੰਭੀਰ ਬਿਮਾਰੀਆਂ, ਜਿਵੇਂ ਕਿ ਕੈਂਸਰ, ਦਾ ਖਤਰਾ ਵੀ ਵਧਾ ਦਿੰਦੀਆਂ ਹਨ। ਇਸੇ ਲਈ ਸਮੇਂ ਰਹਿੰਦਿਆਂ ਆਪਣੀ ਰਸੋਈ ਨੂੰ ਪਲਾਸਟਿਕ ਤੋਂ ਮੁਕਤ ਕਰਵਾਉਣਾ ਬੇਹੱਦ ਜ਼ਰੂਰੀ ਹੈ। ਆਓ ਜਾਣੀਏ ਉਹ ਪਲਾਸਟਿਕ ਦੇ ਉਤਪਾਦ ਜੋ ਤੁਹਾਡੇ ਸਰੀਰ ਵਿੱਚ ਪਲਾਸਟਿਕ ਘੋਲ ਰਹੇ ਹਨ।
ਭੁੱਲ ਕੇ ਵੀ ਨਾ ਵਰਤੋ ਪਲਾਸਟਿਕ ਦੇ ਡੱਬੇ ਤੇ ਬੋਤਲਾਂ
ਜੇਕਰ ਤੁਸੀਂ ਵੀ ਰਸੋਈ ਵਿੱਚ ਖਾਣ-ਪੀਣ ਦੀਆਂ ਚੀਜ਼ਾਂ ਸਟੋਰ ਕਰਨ ਲਈ ਪਲਾਸਟਿਕ ਦੇ ਡੱਬਿਆਂ ਦੀ ਵਰਤੋਂ ਕਰਦੇ ਹੋ, ਤਾਂ ਇਹ ਤੁਹਾਡੀ ਸਿਹਤ ਲਈ ਬਹੁਤ ਖਤਰਨਾਕ ਹੋ ਸਕਦੀ ਹੈ। ਖ਼ਾਸ ਕਰਕੇ ਜਦੋਂ ਗਰਮ-ਗਰਮ ਖਾਣਾ ਪਲਾਸਟਿਕ ਦੇ ਡੱਬੇ ਵਿੱਚ ਰੱਖਿਆ ਜਾਂਦਾ ਹੈ, ਤਾਂ ਪਲਾਸਟਿਕ ਦੇ ਛੋਟੇ-ਛੋਟੇ ਕਣ ਸਰੀਰ ਵਿੱਚ ਦਾਖਲ ਹੋਣ ਦਾ ਖ਼ਤਰਾ ਵਧ ਜਾਂਦਾ ਹੈ।
ਇਸਦੇ ਨਾਲ ਹੀ ਪਲਾਸਟਿਕ ਦੀ ਬੋਤਲ ਦਾ ਵੱਧ ਵਰਤਣਾ ਵੀ ਠੀਕ ਨਹੀਂ ਹੈ। ਇਸ ਦੀ ਥਾਂ ਤੁਸੀਂ ਕਾਂਚ, ਮਿੱਟੀ, ਸਟੀਲ ਜਾਂ ਸਿਰੈਮਿਕ ਦੇ ਭਾਂਡਿਆਂ ਦੀ ਵਰਤੋਂ ਕਰ ਸਕਦੇ ਹੋ।
ਚਾਪਿੰਗ ਬੋਰਡ ਦਾ ਨਾ ਕਰੋ ਪਲਾਸਟਿਕ ਵਾਲਾ ਇਸਤੇਮਾਲ
ਕਈ ਲੋਕ ਪਲਾਸਟਿਕ ਦੇ ਚਾਪਿੰਗ ਬੋਰਡ ਦੀ ਵਰਤੋਂ ਕਰਦੇ ਹਨ, ਜੋ ਸਿਹਤ ਲਈ ਬਿਲਕੁਲ ਵੀ ਠੀਕ ਨਹੀਂ। ਅਸਲ ਵਿੱਚ, ਜਦੋਂ ਤੁਸੀਂ ਪਲਾਸਟਿਕ ਦੇ ਬੋਰਡ 'ਤੇ ਕੋਈ ਚੀਜ਼ ਕੱਟਦੇ ਹੋ, ਤਾਂ ਚਾਕੂ ਅਤੇ ਬੋਰਡ ਦਰਮਿਆਨ ਰਘੜ (ਫ੍ਰਿਕਸ਼ਨ) ਪੈਦਾ ਹੁੰਦੀ ਹੈ, ਜਿਸ ਕਾਰਨ ਮਾਈਕਰੋਪਲਾਸਟਿਕ ਦੇ ਕਣ ਖਾਣੇ ਵਿੱਚ ਸ਼ਾਮਿਲ ਹੋ ਸਕਦੇ ਹਨ।
ਖ਼ਾਸ ਕਰਕੇ ਜੇ ਤੁਸੀਂ ਮੀਟ ਕੱਟ ਰਹੇ ਹੋਵੋ, ਤਾਂ ਇਹ ਖ਼ਤਰਾ ਹੋਰ ਵੱਧ ਜਾਂਦਾ ਹੈ। ਇਸ ਲਈ ਹਮੇਸ਼ਾਂ ਪਲਾਸਟਿਕ ਦੇ ਚਾਪਿੰਗ ਬੋਰਡ ਦੀ ਥਾਂ ਲੱਕੜ ਦਾ ਬੋਰਡ ਵਰਤਣਾ ਚਾਹੀਦਾ ਹੈ।
ਪਲਾਸਟਿਕ ਦੇ ਭਾਂਡੇ ਵਿੱਚ ਨਾ ਵਰਤੋ ਬਲੈਂਡਰ
ਜੇਕਰ ਤੁਸੀਂ ਜੂਸ ਜਾਂ ਸਮੂਦੀ ਬਣਾ ਰਹੇ ਹੋ, ਤਾਂ ਪਲਾਸਟਿਕ ਦੇ ਜਾਰ ਵਿੱਚ ਭੁੱਲ ਕੇ ਵੀ ਬਲੈਂਡਰ ਦੀ ਵਰਤੋਂ ਨਾ ਕਰੋ। ਅਜਿਹਾ ਕਰਨ ਨਾਲ ਪਲਾਸਟਿਕ ਦੇ ਜਾਰ ਅਤੇ ਬਲੈਂਡਰ ਵਿਚਕਾਰ ਘਰਸ਼ਣ ਹੁੰਦਾ ਹੈ, ਜਿਸ ਕਰਕੇ ਥੋੜ੍ਹੇ ਸਮੇਂ ਵਿੱਚ ਹੀ ਬਹੁਤ ਸਾਰੇ ਪਲਾਸਟਿਕ ਦੇ ਕਣ ਨਿਕਲ ਆਉਂਦੇ ਹਨ।
ਇਸ ਨਾਲ ਖਾਣ-ਪੀਣ ਦੀ ਚੀਜ਼ ਵਿੱਚ ਮਾਈਕਰੋਪਲਾਸਟਿਕ ਪਹੁੰਚਣ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਇਹ ਖ਼ਾਸ ਕਰਕੇ ਉਦੋਂ ਹੋਰ ਵੀ ਜ਼ਿਆਦਾ ਨੁਕਸਾਨਦਾਇਕ ਹੋ ਜਾਂਦਾ ਹੈ ਜਦੋਂ ਤੁਸੀਂ ਸਮੂਦੀ ਜਾਂ ਡ੍ਰਿੰਕ ਬਣਾਉਣ ਵਿੱਚ ਬਰਫ਼ ਦੀ ਵਰਤੋਂ ਕਰਦੇ ਹੋ, ਕਿਉਂਕਿ ਬਰਫ਼ ਨੂੰ ਬਲੇਂਡ ਕਰਨ ਵਿੱਚ ਜ਼ਿਆਦਾ ਸਮਾਂ ਅਤੇ ਦਬਾਅ ਲੱਗਦਾ ਹੈ।
ਪਲਾਸਟਿਕ ਦੇ ਭਾਂਡਿਆਂ ਵਰਤਣ ਸਮੇਂ ਵਰਤੋਂ ਸਾਵਧਾਨੀ
ਰਸੋਈ ਵਿੱਚ ਪਲਾਸਟਿਕ ਦੇ ਭਾਂਡਿਆਂ ਦੀ ਵੱਧ ਵਰਤੋਂ ਤੋਂ ਪਰਹੇਜ਼ ਕਰਨਾ ਚਾਹੀਦਾ ਹੈ। ਖ਼ਾਸ ਕਰਕੇ ਗਰਮ ਖਾਣਾ ਕਦੇ ਵੀ ਪਲਾਸਟਿਕ ਦੇ ਭਾਂਡੇ ਵਿੱਚ ਨਹੀਂ ਰੱਖਣਾ ਚਾਹੀਦਾ, ਕਿਉਂਕਿ ਇਸ ਨਾਲ ਵੀ ਖਾਣੇ ਵਿੱਚ ਮਾਈਕਰੋਪਲਾਸਟਿਕ ਮਿਲਣ ਦਾ ਖ਼ਤਰਾ ਵੱਧ ਜਾਂਦਾ ਹੈ।
ਇਸਦੇ ਇਲਾਵਾ ਇਹ ਗੱਲ ਵੀ ਯਾਦ ਰੱਖਣੀ ਚਾਹੀਦੀ ਹੈ ਕਿ ਪੁਰਾਣੇ ਪਲਾਸਟਿਕ ਦੇ ਭਾਂਡਿਆਂ ਦੀ ਵਰਤੋਂ ਰਸੋਈ ਵਿੱਚ ਨਾ ਹੋਵੇ, ਕਿਉਂਕਿ ਇਨ੍ਹਾਂ ਵਿੱਚ ਮਾਈਕਰੋਪਲਾਸਟਿਕ ਹੋਣ ਦੀ ਸੰਭਾਵਨਾ ਹੋਰ ਵੱਧ ਹੁੰਦੀ ਹੈ।