Tattoos Increase Risk: ਅੱਜਕੱਲ੍ਹ ਜ਼ਿਆਦਾਤਰ ਲੋਕ ਟੈਟੂ ਬਣਵਾਉਣ ਦੇ ਸ਼ੌਕੀਨ ਹਨ। ਤੁਸੀ ਅਕਸਰ ਆਪਣੇ ਆਸ-ਪਾਸ ਅਜਿਹੇ ਲੋਕਾਂ ਨੂੰ ਵੇਖਿਆ ਹੋਏਗਾ ਜੋ ਆਪਣੇ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਉੱਪਰ ਟੈਟੂ ਬਣਵਾਉਣਾ ਪਸੰਦ ਕਰਦੇ ਹਨ। ਪਰ ਸ਼ਾਇਦ ਉਹ ਇਸ ਗੱਲ ਤੋਂ ਅਣਜਾਣ ਹਨ ਕਿ ਸਟਾਈਲਿਸ਼ ਦਿਖਣ ਲਈ ਬਣਾਏ ਗਏ ਟੈਟੂ ਉਨ੍ਹਾਂ ਲਈ ਭਿਆਨਕ ਬਿਮਾਰੀ ਦਾ ਜੋਖਿਮ ਵਧਾਉਂਦੇ ਹਨ। ਜੇਕਰ ਤੁਸੀਂ ਵੀ ਉਨ੍ਹਾਂ ਲੋਕਾਂ 'ਚੋਂ ਹੋ ਜੋ ਅਕਸਰ ਆਪਣੇ ਸਰੀਰ 'ਤੇ ਟੈਟੂ ਬਣਵਾਉਂਦੇ ਹਨ, ਤਾਂ ਤੁਹਾਨੂੰ Lund University ਦੀ ਇਹ ਖੋਜ ਜ਼ਰੂਰ ਪੜ੍ਹ ਲੈਣੀ ਚਾਹੀਦੀ ਹੈ।
eClinicalMedicine ਵਿੱਚ ਪ੍ਰਕਾਸ਼ਿਤ ਖੋਜ ਨੇ ਟੈਟੂ ਅਤੇ ਲਿਮਫੋਮਾ (ਖੂਨ ਦੇ ਕੈਂਸਰ ਦੀ ਇੱਕ ਕਿਸਮ) ਦੇ ਵਿਚਕਾਰ ਸਬੰਧਾਂ ਦੀ ਜਾਂਚ ਕੀਤੀ।
ਖੋਜ ਕਿਵੇਂ ਕੀਤੀ ਗਈ ਸੀ?
ਸਵੀਡਨ ਵਿੱਚ ਖੋਜਕਰਤਾਵਾਂ ਨੇ ਟੈਟੂ ਅਤੇ ਲਿਮਫੋਮਾ ਵਿਚਕਾਰ ਸਬੰਧ ਦੀ ਜਾਂਚ ਕਰਨ ਲਈ ਇੱਕ ਕੇਸ-ਨਿਯੰਤਰਣ ਅਧਿਐਨ ਕੀਤਾ। ਉਨ੍ਹਾਂ ਨੇ 2007 ਅਤੇ 2017 ਦੇ ਵਿਚਕਾਰ ਲਿਮਫੋਮਾ ਤੋਂ ਪੀੜਤ ਲੋਕਾਂ ਦੇ ਡੇਟਾ ਦੀ ਜਾਂਚ ਕੀਤੀ। ਖੋਜਕਰਤਾਵਾਂ ਨੇ ਫਿਰ ਇਸ ਸਮੂਹ ਦੀ ਤੁਲਨਾ ਉਨ੍ਹਾਂ ਲੋਕਾਂ ਨਾਲ ਕੀਤੀ ਜਿਨ੍ਹਾਂ ਨੂੰ ਲਿਮਫੋਮਾ ਨਹੀਂ ਸੀ। ਖੋਜ ਵਿੱਚ ਪਾਇਆ ਗਿਆ ਕਿ ਟੈਟੂ ਵਾਲੇ ਲੋਕਾਂ ਵਿੱਚ ਲਿਮਫੋਮਾ ਹੋਣ ਦਾ ਖ਼ਤਰਾ ਉਨ੍ਹਾਂ ਲੋਕਾਂ ਨਾਲੋਂ ਵੱਧ ਸੀ ਜਿਨ੍ਹਾਂ ਨੇ ਟੈਟੂ ਨਹੀਂ ਬਣਵਾਇਆ ਸੀ। ਇਹ ਵਧਿਆ ਹੋਇਆ ਜੋਖਮ ਉਹਨਾਂ ਲੋਕਾਂ ਵਿੱਚ ਸਭ ਤੋਂ ਵੱਧ ਸੀ ਜਿਨ੍ਹਾਂ ਨੇ ਪਿਛਲੇ ਦੋ ਸਾਲਾਂ ਵਿੱਚ ਆਪਣਾ ਪਹਿਲਾ ਟੈਟੂ ਬਣਵਾਇਆ ਸੀ।
ਦਿਲਚਸਪ ਗੱਲ ਇਹ ਹੈ ਕਿ ਜਿਨ੍ਹਾਂ ਲੋਕਾਂ ਨੇ ਤਿੰਨ ਤੋਂ ਦਸ ਸਾਲ ਪਹਿਲਾਂ ਟੈਟੂ ਬਣਵਾਇਆ ਸੀ, ਉਨ੍ਹਾਂ ਲਈ ਇਹ ਖ਼ਤਰਾ ਕੁਝ ਹੱਦ ਤੱਕ ਘਟਿਆ ਹੈ ਅਤੇ ਫਿਰ ਉਹਨਾਂ ਲੋਕਾਂ ਲਈ ਜੋਖਮ ਥੋੜ੍ਹਾ ਵਧ ਗਿਆ ਜਿਨ੍ਹਾਂ ਨੇ 11 ਸਾਲ ਤੋਂ ਪਹਿਲਾਂ ਟੈਟੂ ਬਣਵਾਏ ਸਨ। ਹਾਲਾਂਕਿ, ਇਹਨਾਂ ਖੋਜਾਂ ਦੀ ਪੁਸ਼ਟੀ ਕਰਨ ਅਤੇ ਉਹਨਾਂ ਦੇ ਪਿੱਛੇ ਕਾਰਨਾਂ ਨੂੰ ਸਮਝਣ ਲਈ ਹੋਰ ਖੋਜ ਦੀ ਲੋੜ ਹੈ।
ਟੈਟੂ ਬਣਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਧਿਆਨ ਰੱਖੋ...
ਇਸ ਕੰਮ ਲਈ ਟੈਟੂ ਬਣਾਉਣ ਵਾਲਿਆਂ ਕੋਲ ਲਾਇਸੈਂਸ ਹੋਣਾ ਲਾਜ਼ਮੀ ਹੈ।
ਜਦੋਂ ਵੀ ਤੁਸੀਂ ਟੈਟੂ ਬਣਵਾਉਣ ਲਈ ਜਾਓ ਤਾਂ ਧਿਆਨ ਦਿਓ ਕਿ ਕਲਾਕਾਰ ਸਹੀ ਦਸਤਾਨੇ, ਸੂਈਆਂ ਆਦਿ ਦੀ ਵਰਤੋਂ ਕਰ ਰਿਹਾ ਹੈ ਜਾਂ ਨਹੀਂ।
ਟੈਟੂ ਹਮੇਸ਼ਾ ਟੈਟੂ ਮਾਹਿਰ ਤੋਂ ਹੀ ਬਣਵਾਓ।
ਟੈਟੂ ਵਾਲੀ ਚਮੜੀ ਨੂੰ ਧੁੱਪ ਤੋਂ ਸੁਰੱਖਿਅਤ ਰੱਖੋ। ਇਸ ਦਾ ਕਾਰਨ ਇਹ ਹੈ ਕਿ ਸੂਰਜ ਦੀਆਂ ਤੇਜ਼ ਕਿਰਨਾਂ ਚਮੜੀ 'ਤੇ ਤੇਜ਼ੀ ਨਾਲ ਪ੍ਰਭਾਵ ਪਾਉਂਦੀਆਂ ਹਨ, ਜੋ ਇਸ ਨੂੰ ਨੁਕਸਾਨ ਪਹੁੰਚਾ ਸਕਦੀਆਂ ਹਨ।
ਟੈਟੂ 'ਤੇ ਖੁਰਦਰੇ ਜਾਂ ਤੰਗ ਕੱਪੜੇ ਪਾਉਣ ਤੋਂ ਬਚੋ...
ਲਿੰਫੋਮਾ ਕੀ ਹੈ?
ਲਿਮਫੋਮਾ ਇੱਕ ਕੈਂਸਰ ਹੈ ਜੋ ਪਹਿਲਾਂ ਇਮਿਊਨ ਸਿਸਟਮ ਦੇ ਲਿਮਫੋਸਾਈਟ ਸੈੱਲਾਂ ਵਿੱਚ ਫੈਲਦਾ ਹੈ। ਇਹ ਸੈੱਲ ਇਨਫੈਕਸ਼ਨ ਨਾਲ ਲੜਦੇ ਹਨ ਅਤੇ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਦੇ ਹਨ। ਇਹ ਸੈੱਲ ਲਿੰਫ ਨੋਡਸ, ਬੋਨ ਮੈਰੋ, ਸਪਲੀਨ ਅਤੇ ਥਾਈਮਸ ਵਿੱਚ ਮੌਜੂਦ ਹੁੰਦੇ ਹਨ। ਲਿਮਫੋਮਾ ਕੈਂਸਰ ਸਰੀਰ ਦੇ ਵੱਖ-ਵੱਖ ਹਿੱਸਿਆਂ ਨੂੰ ਪ੍ਰਭਾਵਿਤ ਕਰਦਾ ਹੈ। ਇਸ ਵਿੱਚ ਲਿਮਫੋਸਾਈਟਸ ਪੂਰੀ ਤਰ੍ਹਾਂ ਬਦਲ ਜਾਂਦੇ ਹਨ ਅਤੇ ਉਹ ਤੇਜ਼ੀ ਨਾਲ ਵਧਣ ਲੱਗਦੇ ਹਨ।
ਲਿਮਫੋਮਾ ਦੇ ਲੱਛਣ...
ਕੱਛਾਂ ਜਾਂ ਕਮਰ ਵਿੱਚ ਸੁੱਜੀਆਂ ਲਿੰਫ ਨੋਡਸ
ਪੇਟ ਵਿੱਚ ਦਰਦ ਜਾਂ ਸੋਜ
ਛਾਤੀ ਵਿੱਚ ਦਰਦ
ਕਫ਼
ਸਾਹ ਦੀ ਤਕਲੀਫ਼
ਥੱਕ ਜਾਣਾ
ਬੁਖ਼ਾਰ
ਸੌਣ ਵੇਲੇ ਪਸੀਨਾ ਆਉਣਾ
ਬਿਨਾਂ ਕਿਸੇ ਕਾਰਨ ਭਾਰ ਘਟਣਾ