Health News : ਸ਼ਾਕਾਹਾਰੀ ਭੋਜਨ ਖਾਣ ਵਾਲੇ ਲੋਕਾਂ ਨੂੰ ਲੈ ਕੇ ਇੱਕ ਹੈਰਾਨ ਕਰਨ ਵਾਲਾ ਅਧਿਐਨ ਸਾਹਮਣੇ ਆਇਆ ਹੈ। ਇਸ ਅਧਿਐਨ 'ਚ ਦਾਅਵਾ ਕੀਤਾ ਗਿਆ ਹੈ ਕਿ ਸ਼ਾਕਾਹਾਰੀ ਲੋਕਾਂ 'ਚ hip fracture ਦਾ ਖਤਰਾ ਮਾਸਾਹਾਰੀ ਲੋਕਾਂ ਦੇ ਮੁਕਾਬਲੇ 50 ਫੀਸਦੀ ਜ਼ਿਆਦਾ ਹੁੰਦਾ ਹੈ। ਅਧਿਐਨ 'ਚ ਕਿਹਾ ਗਿਆ ਹੈ ਕਿ ਜੋ ਔਰਤਾਂ ਨਿਯਮਿਤ ਰੂਪ ਨਾਲ ਸ਼ਾਕਾਹਾਰੀ ਭੋਜਨ ਖਾਂਦੀਆਂ ਹਨ, ਉਨ੍ਹਾਂ 'ਚ hip fracture ਦਾ ਖ਼ਤਰਾ ਵੱਧ ਜਾਂਦਾ ਹੈ। ਲੀਡਜ਼ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ 4,13,914 ਲੋਕਾਂ ਦੇ ਡੇਟਾ ਦੀ ਡੂੰਘਾਈ ਨਾਲ ਜਾਂਚ ਕੀਤੀ, ਜਿਸ ਵਿੱਚ ਮਰਦ ਅਤੇ ਔਰਤਾਂ ਦੋਵੇਂ ਸ਼ਾਮਲ ਸਨ।
ਖੋਜਕਰਤਾਵਾਂ ਨੇ ਪਾਇਆ ਕਿ ਮਾਸ ਖਾਣ ਵਾਲੇ ਪੁਰਸ਼ਾਂ ਦੇ ਮੁਕਾਬਲੇ ਸ਼ਾਕਾਹਾਰੀ ਪੁਰਸ਼ਾਂ ਨੂੰ hip fracture ਦਾ ਜ਼ਿਆਦਾ ਖ਼ਤਰਾ ਹੁੰਦਾ ਹੈ। 2006 ਤੋਂ 2010 ਦਰਮਿਆਨ ਖੋਜ ਵਿੱਚ ਸ਼ਾਮਲ ਲੋਕਾਂ 'ਤੇ ਖੋਜ ਕੀਤੀ ਗਈ ਸੀ। ਇਨ੍ਹਾਂ ਲੋਕਾਂ ਨੇ ਆਪਣੇ ਖਾਣੇ ਬਾਰੇ ਜਾਣਕਾਰੀ ਦਿੱਤੀ। ਇਨ੍ਹਾਂ ਲੋਕਾਂ ਦਾ ਡਾਟਾ ਉਨ੍ਹਾਂ ਦੇ ਹਸਪਤਾਲ ਦੇ ਰਿਕਾਰਡ ਨਾਲ ਜੁੜਿਆ ਹੋਇਆ ਸੀ। ਸਾਲ 2021 ਦੇ ਫਾਲੋ-ਅਪ ਸਮੇਂ ਵਿੱਚ, ਕਮਰ ਫ੍ਰੈਕਚਰ ਦੇ ਬਹੁਤ ਸਾਰੇ ਕੇਸ ਦਰਜ ਕੀਤੇ ਗਏ ਸਨ। 4,13,914 ਹਿੱਸੇਦਾਰਾਂ ਵਿੱਚੋਂ, 3503 ਲੋਕਾਂ ਵਿੱਚ hip fracture ਦੇ ਮਾਮਲੇ ਵੇਖੇ ਗਏ।
ਸ਼ਾਕਾਹਾਰੀਆਂ ਵਿੱਚ hip fracture ਦਾ 50 ਪ੍ਰਤੀਸ਼ਤ ਵੱਧ ਹੁੰਦੈ ਖਤਰਾ
hip fracture ਦਾ ਓਵਰਆਲ ਰਿਸਕ ਘੱਟ ਸੀ। ਹਾਲਾਂਕਿ ਸ਼ਾਕਾਹਾਰੀ ਤੇ ਮਾਸਾਹਾਰੀ ਵਿੱਚ ਬਹੁਤ ਫਰਕ ਵੇਖਿਆ ਗਿਆ। ਖੋਜਕਰਤਾਵਾਂ ਦੇ ਅਨੁਸਾਰ, ਮਾਸਾਹਾਰੀ ਲੋਕਾਂ ਦੇ ਮੁਕਾਬਲੇ ਸ਼ਾਕਾਹਾਰੀਆਂ ਵਿੱਚ hip fracture ਦਾ ਖ਼ਤਰਾ 50 ਪ੍ਰਤੀਸ਼ਤ ਵੱਧ ਸੀ। ਇਹੀ ਖ਼ਤਰਾ ਉਨ੍ਹਾਂ ਲਈ ਵੀ ਹੈ ਜੋ ਕਦੇ-ਕਦਾਈਂ ਜਾਂ ਨਿਯਮਿਤ ਤੌਰ 'ਤੇ ਮਾਸ ਖਾਂਦੇ ਹਨ। ਸਕੂਲ ਆਫ ਫੂਡ ਸਾਇੰਸ ਐਂਡ ਨਿਊਟ੍ਰੀਸ਼ਨ ਦੇ ਡਾਕਟਰੇਟ ਖੋਜਕਰਤਾ ਜੇਮਸ ਵੈਬਸਟਰ ਨੇ ਕਿਹਾ, 'ਬਜ਼ੁਰਗ ਲੋਕਾਂ ਵਿੱਚ hip fracture ਵਧਦੀ ਸਮੱਸਿਆ ਹੈ। ਇਹ ਇੱਕ ਦੁਰਲੱਭ ਸਿਹਤ ਸਮੱਸਿਆ ਹੈ, ਜੋ ਜੀਵਨ ਦੇ ਤਰੀਕੇ ਨੂੰ ਪ੍ਰਭਾਵਿਤ ਕਰਦੀ ਹੈ।
ਪ੍ਰੋਟੀਨ ਨਾਲ ਭਰਪੂਰ ਭੋਜਨ ਖਾਣਾ ਜ਼ਰੂਰੀ
ਇਸ ਅਧਿਐਨ ਨੇ ਸਾਬਤ ਕੀਤਾ ਹੈ ਕਿ ਮਾਸਾਹਾਰੀ ਲੋਕਾਂ ਦੇ ਮੁਕਾਬਲੇ ਸ਼ਾਕਾਹਾਰੀ ਲੋਕਾਂ ਵਿੱਚ hip fracture ਦਾ ਵਧੇਰੇ ਖਤਰਾ ਹੁੰਦਾ ਹੈ, ਭਾਵ 10 ਸਾਲਾਂ ਵਿੱਚ ਪ੍ਰਤੀ 1000 ਵਿਅਕਤੀਆਂ ਵਿੱਚ ਸਿਰਫ 3 ਹੋਰ ਕਮਰ ਫ੍ਰੈਕਚਰ ਹੁੰਦੇ ਹਨ। ਸ਼ਾਕਾਹਾਰੀ ਲੋਕਾਂ ਨੂੰ ਇਹ ਯਕੀਨੀ ਬਣਾਉਣਾ ਹੁੰਦਾ ਹੈ ਕਿ ਉਹ ਜੋ ਵੀ ਖਾ ਰਹੇ ਹਨ, ਉਸ ਵਿੱਚ ਪ੍ਰੋਟੀਨ ਭਰਪੂਰ ਮਾਤਰਾ ਵਿੱਚ ਹੋਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਸਿਹਤਮੰਦ ਬਾਡੀ ਮਾਸ ਇੰਡੈਕਸ ਨੂੰ ਬਣਾਈ ਰੱਖਣਾ ਵੀ ਜ਼ਰੂਰੀ ਹੈ।