ਪੇਸ਼ਾਬ ਸਾਡੇ ਸਰੀਰ ਤੋਂ ਨਿਕਲਣ ਵਾਲਾ ਕੂੜਾ (ਵੈਸਟ) ਹੈ। ਇਹ ਗੱਲ ਜ਼ਿਆਦਾਤਰ ਲੋਕ ਜਾਣਦੇ ਹਨ, ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਇਹੀ ਵੈਸਟ ਤੁਹਾਡੀ ਸਿਹਤ ਬਾਰੇ ਵੀ ਜਾਣਕਾਰੀ ਦੇ ਸਕਦਾ ਹੈ? ਸਧਾਰਨ ਭਾਸ਼ਾ ਵਿੱਚ ਕਹੀਏ ਤਾਂ ਕੇਵਲ ਆਪਣੇ ਪੇਸ਼ਾਬ ਦੇ ਰੰਗ, ਗੰਧ ਅਤੇ ਮਾਤਰਾ 'ਤੇ ਧਿਆਨ ਦੇ ਕੇ ਤੁਸੀਂ ਆਪਣੇ ਸਰੀਰ ਦੇ ਅੰਦਰ ਹੋ ਰਹੀਆਂ ਕਿਸੇ ਵੀ ਤਰ੍ਹਾਂ ਦੀ ਗੜਬੜ ਦਾ ਅੰਦਾਜ਼ਾ ਲਾ ਸਕਦੇ ਹੋ। ਯਾਨੀ ਪੇਸ਼ਾਬ ਸਾਡੇ ਸਰੀਰ ਦਾ ‘ਕੁਦਰਤੀ ਸਿਹਤ ਸੂਚਕ’ ਹੈ। ਆਓ ਮਾਹਿਰਾਂ ਤੋਂ ਜਾਣਦੇ ਹਾਂ ਕਿ ਪੇਸ਼ਾਬ ਵੇਖ ਕੇ ਸਿਹਤ ਦਾ ਹਾਲ ਕਿਵੇਂ ਪਤਾ ਕੀਤਾ ਜਾ ਸਕਦਾ ਹੈ।
ਮਾਹਿਰ ਕੀ ਕਹਿੰਦੇ ਹਨ?
ਹਾਲ ਹੀ ਵਿੱਚ ਪ੍ਰਸਿੱਧ ਨਿਊਟ੍ਰਿਸ਼ਨਿਸਟ ਲੀਮਾ ਮਹਾਜਨ ਨੇ ਆਪਣੇ ਇੰਸਟਾਗ੍ਰਾਮ ਹੈਂਡਲ ਤੇ ਇੱਕ ਪੋਸਟ ਸਾਂਝੀ ਕੀਤੀ ਹੈ। ਇਸ ਪੋਸਟ ਵਿੱਚ ਉਹ ਦੱਸਦੇ ਹਨ ਕਿ ਪੇਸ਼ਾਬ ਵਿੱਚ ਹੋਣ ਵਾਲੇ ਛੋਟੇ-ਛੋਟੇ ਬਦਲਾਅ ਵੀ ਸਾਨੂੰ ਕਈ ਬਿਮਾਰੀਆਂ ਦੇ ਸ਼ੁਰੂਆਤੀ ਲੱਛਣ ਦੱਸ ਸਕਦੇ ਹਨ। ਜਿਵੇਂ-
ਲੀਮਾ ਮਹਾਜਨ ਦੱਸਦਿਆ ਹੈ ਕਿ ਜੇ ਅਚਾਨਕ ਤੁਹਾਡੇ ਪੇਸ਼ਾਬ ਤੋਂ ਤੇਜ਼ ਗੰਧ ਆ ਰਹੀ ਹੈ, ਤਾਂ ਇਸ ਦੇ ਕਈ ਕਾਰਣ ਹੋ ਸਕਦੇ ਹਨ। ਕਈ ਵਾਰ ਜ਼ਿਆਦਾ ਮਾਤਰਾ ਵਿੱਚ ਪਿਆਜ਼, ਲੱਸਣ, ਕੌਫੀ ਜਾਂ ਕੁਝ ਦਵਾਈਆਂ ਲੈਣ ਨਾਲ ਪੇਸ਼ਾਬ ਦੀ ਗੰਧ ਵਧ ਜਾਂਦੀ ਹੈ। ਜਦੋਂ ਸਰੀਰ ਵਿੱਚ ਪਾਣੀ ਦੀ ਕਮੀ ਹੁੰਦੀ ਹੈ, ਤਾਂ ਪੇਸ਼ਾਬ ਗਾੜਾ ਅਤੇ ਗੰਧਦਾਰ ਹੋ ਜਾਂਦਾ ਹੈ।
ਇਸ ਦੇ ਇਲਾਵਾ ਇਹ ਕੁਝ ਬਿਮਾਰੀਆਂ ਦਾ ਸੰਕੇਤ ਵੀ ਹੋ ਸਕਦਾ ਹੈ। ਖ਼ਾਸ ਤੌਰ ‘ਤੇ ਯੂਰਿਨਰੀ ਟ੍ਰੈਕਟ ਇੰਫੈਕਸ਼ਨ (UTI) ਹੋਣ ‘ਤੇ ਪੇਸ਼ਾਬ ਤੋਂ ਤੇਜ਼ ਜਾਂ ਅਜੀਬ ਗੰਧ ਆਉਣ ਲੱਗਦੀ ਹੈ। ਦੂਜੇ ਪਾਸੇ, ਜੇ ਪੇਸ਼ਾਬ ਤੋਂ ਮਿੱਠੀ ਜਾਂ ਫਲ ਵਰਗੀ ਗੰਧ ਆਵੇ, ਤਾਂ ਇਹ ਅਨਕੰਟਰੋਲਡ ਡਾਇਬੀਟੀਜ਼ ਦਾ ਸੰਕੇਤ ਹੋ ਸਕਦਾ ਹੈ।
ਵਾਰ-ਵਾਰ ਪੇਸ਼ਾਬ ਆਉਣ ਦੇ ਕਾਰਣ
ਜੇ ਤੁਹਾਨੂੰ ਅਚਾਨਕ ਬਹੁਤ ਵਾਰ ਪੇਸ਼ਾਬ ਆ ਰਹੀ ਹੈ, ਤਾਂ ਇਹ ਡਾਇਬੀਟੀਜ਼, ਯੂਰਿਨਰੀ ਟ੍ਰੈਕਟ ਇੰਫੈਕਸ਼ਨ (UTI) ਜਾਂ ਕੈਫੀਨ/ਸ਼ਰਾਬ ਦੇ ਜ਼ਿਆਦਾ ਸੇਵਨ ਦਾ ਨਤੀਜਾ ਹੋ ਸਕਦਾ ਹੈ।
ਪੇਸ਼ਾਬ ਦੇ ਰੰਗ ਤੋਂ ਕੀ ਪਤਾ ਲੱਗਦਾ ਹੈ?
ਨਿਊਟ੍ਰਿਸ਼ਨਿਸਟ ਅੱਗੇ ਦੱਸਦੇ ਹਨ ਕਿ ਪੇਸ਼ਾਬ ਦਾ ਰੰਗ ਵੀ ਸਿਹਤ ਨਾਲ ਜੁੜੇ ਰਾਜ ਖੋਲਦਾ ਹੈ। ਜਿਵੇਂ-
ਗਾੜਾ ਪੀਲਾ ਰੰਗ – ਜੇ ਪੇਸ਼ਾਬ ਦਾ ਰੰਗ ਗਾੜਾ ਪੀਲਾ ਹੈ, ਤਾਂ ਇਹ ਸਰੀਰ ਵਿੱਚ ਪਾਣੀ ਦੀ ਕਮੀ ਜਾਂ ਵਿਟਾਮਿਨ B ਦੀ ਵਧੀ ਹੋਈ ਮਾਤਰਾ ਦਾ ਸੰਕੇਤ ਹੋ ਸਕਦਾ ਹੈ।
ਬਹੁਤ ਹਲਕਾ ਜਾਂ ਸਾਫ਼ ਪੇਸ਼ਾਬ – ਇਹ ਜ਼ਿਆਦਾ ਪਾਣੀ ਪੀਣ ਨਾਲ ਹੋ ਸਕਦਾ ਹੈ। ਇਸ ਦੇ ਇਲਾਵਾ, ਡਾਇਬੀਟੀਜ਼ ਹੋਣ ‘ਤੇ ਵੀ ਪੇਸ਼ਾਬ ਦਾ ਰੰਗ ਹਲਕਾ ਜਾਂ ਸਾਫ਼ ਦਿੱਸਣ ਲੱਗਦਾ ਹੈ।
ਝਾਗਦਾਰ ਪੇਸ਼ਾਬ – ਪੇਸ਼ਾਬ ਵਿੱਚ ਅਚਾਨਕ ਝਾਗ ਆਉਣਾ ਕਿਡਨੀ ਵਿੱਚ ਪ੍ਰੋਟੀਨ ਲੀਕ ਹੋਣ ਦਾ ਸੰਕੇਤ ਹੋ ਸਕਦਾ ਹੈ।
ਲਾਲ ਜਾਂ ਖੂਨ ਮਿਲਿਆ ਪੇਸ਼ਾਬ – ਇਹ ਪੱਥਰੀ, ਸੰਕਰਮਣ ਜਾਂ ਕਿਡਨੀ ਸੰਬੰਧੀ ਸਮੱਸਿਆ ਦਾ ਇਸ਼ਾਰਾ ਹੋ ਸਕਦਾ ਹੈ।
ਧੁੰਦਲਾ ਪੇਸ਼ਾਬ – ਜੇ ਪੇਸ਼ਾਬ ਧੁੰਦਲਾ ਲੱਗਦਾ ਹੈ, ਤਾਂ ਇਹ ਵੀ ਅਕਸਰ ਸੰਕਰਮਣ ਜਾਂ ਡਿਹਾਈਡ੍ਰੇਸ਼ਨ ਕਾਰਨ ਹੁੰਦਾ ਹੈ।
Disclaimer: ਖ਼ਬਰਾਂ ਵਿੱਚ ਦਿੱਤੀ ਗਈ ਕੁਝ ਜਾਣਕਾਰੀ ਮੀਡੀਆ ਰਿਪੋਰਟਾਂ 'ਤੇ ਅਧਾਰਤ ਹੈ। ਕਿਸੇ ਵੀ ਸੁਝਾਅ ਨੂੰ ਲਾਗੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਬੰਧਤ ਮਾਹਿਰ ਦੀ ਸਲਾਹ ਜ਼ਰੂਰ ਲੈਣੀ ਚਾਹੀਦੀ ਹੈ।