Drink Water before coffee or tea: ਭਾਰਤ ਵਿੱਚ ਸਵੇਰੇ ਦੀ ਸ਼ੁਰੂਆਤ ਚਾਹ ਦੇ ਕੱਪ ਨਾਲ ਹੀ ਹੁੰਦੀ ਹੈ। ਚਾਹ ਇੱਥੋਂ ਦੇ ਸੱਭਿਆਚਾਰ ਦਾ ਹਿੱਸਾ ਹੈ। ਭਾਰਤ ਵਿੱਚ, ਤੁਹਾਨੂੰ ਹਰ ਨੁੱਕੜ ਤੇ ਕੋਨੇ 'ਤੇ ਚਾਹ ਦਾ ਸਟਾਲ ਮਿਲੇਗਾ। ਖੁਸ਼ੀ ਹੋਵੇ ਜਾਂ ਗ਼ਮੀ ਚਾਹ ਹਮੇਸ਼ਾ ਮੌਜੂਦ ਰਹਿੰਦੀ ਹੈ। ਘਰ ਆਉਣ ਵਾਲੇ ਮਹਿਮਾਨਾਂ ਦਾ ਸੁਆਗਤ ਕਰਨ ਲਈ ਪਹਿਲਾਂ ਚਾਹ ਪਰੋਸੀ ਜਾਂਦੀ ਹੈ। ਇੱਥੋਂ ਦੇ ਲੋਕ ਚਾਹ ਦੇ ਸ਼ੌਕੀਨ ਹਨ।
ਉਧਰ, ਸਿਹਤ ਮਾਹਿਰਾਂ ਦਾ ਇਹ ਵੀ ਕਹਿਣਾ ਹੈ ਕਿ ਖਾਲੀ ਪੇਟ ਜ਼ਿਆਦਾ ਚਾਹ ਪੀਣਾ ਸਿਹਤ ਲਈ ਹਾਨੀਕਾਰਕ ਹੈ। ਇਹ ਗੱਲ ਕਿਸੇ ਤੋਂ ਲੁਕੀ ਨਹੀਂ ਕਿ ਚਾਹ ਨਾਲ ਐਸਿਡ ਬਣਦਾ ਹੈ ਪਰ ਕੁਝ ਲੋਕ ਅਜਿਹੇ ਵੀ ਹਨ ਜੋ ਚਾਹ ਪੀਣ ਤੋਂ ਪਹਿਲਾਂ ਪਾਣੀ ਪੀਂਦੇ ਹਨ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਜੇਕਰ ਲੋਕ ਚਾਹ ਜਾਂ ਕੌਫੀ ਪੀਣ ਤੋਂ ਪਹਿਲਾਂ ਪਾਣੀ ਪੀਂਦੇ ਹਨ ਤਾਂ ਅਜਿਹੀ ਸਥਿਤੀ 'ਚ ਐਸਿਡ ਨਹੀਂ ਬਣਦਾ।
ਕੀ ਚਾਹ ਜਾਂ ਕੌਫੀ ਪੀਣ ਤੋਂ ਪਹਿਲਾਂ ਪਾਣੀ ਪੀਣਾ ਸੁਰੱਖਿਅਤ?
ਚਾਹ ਤੇ ਕੌਫੀ ਦੋਵੇਂ ਹੀ ਪੇਟ ਲਈ ਖਤਰਨਾਕ ਹਨ। ਇਹ ਪੇਟ ਵਿੱਚ ਜਾਣ 'ਤੇ ਐਸਿਡ ਪੈਦਾ ਕਰਦੇ ਹਨ। ਚਾਹ ਦਾ pH ਮੁੱਲ 6 ਹੈ ਜਦੋਂਕਿ ਕੌਫੀ ਦਾ pH ਮੁੱਲ 5 ਹੈ। ਅਜਿਹੇ 'ਚ ਜਦੋਂ ਤੁਸੀਂ ਚਾਹ ਜਾਂ ਕੌਫੀ ਪੀਂਦੇ ਹੋ ਤਾਂ ਸਰੀਰ 'ਚ ਕਈ ਖਤਰਨਾਕ ਬੀਮਾਰੀਆਂ ਦਾ ਖਤਰਾ ਵੱਧ ਜਾਂਦਾ ਹੈ।
ਇੱਥੋਂ ਤੱਕ ਕਿ ਅਲਸਰ ਤੇ ਕੈਂਸਰ ਵਰਗੀਆਂ ਬਿਮਾਰੀਆਂ ਦਾ ਖ਼ਤਰਾ ਵੀ ਵੱਧ ਜਾਂਦਾ ਹੈ ਪਰ ਜੇਕਰ ਤੁਸੀਂ ਚਾਹ-ਕੌਫੀ ਪੀਣ ਤੋਂ ਪਹਿਲਾਂ ਪਾਣੀ ਪੀਂਦੇ ਹੋ ਤਾਂ ਇਸ ਨਾਲ ਖਤਰੇ ਨੂੰ ਕੁਝ ਹੱਦ ਤੱਕ ਘਟਾਇਆ ਜਾ ਸਕਦਾ ਹੈ। ਪਾਣੀ ਪੀਣ ਨਾਲ ਅੰਤੜੀ ਵਿੱਚ ਇੱਕ ਪਰਤ ਬਣ ਜਾਂਦੀ ਹੈ ਜੋ ਚਾਹ ਤੇ ਕੌਫੀ ਤੋਂ ਹੋਣ ਵਾਲੇ ਨੁਕਸਾਨ ਤੋਂ ਬਚਾਉਂਦੀ ਹੈ।
ਬਾਸੀ ਮੂੰਹ ਜਾਂ ਖਾਲੀ ਪੇਟ ਚਾਹ ਹਾਨੀਕਾਰਕ
ਬਾਸੀ ਮੂੰਹ ਜਾਂ ਖਾਲੀ ਪੇਟ ਚਾਹ ਪੀਣਾ ਬਹੁਤ ਹਾਨੀਕਾਰਕ ਹੈ। ਇਹ ਪੇਟ ਵਿੱਚ ਐਸਿਡ ਬਣਾਉਣ ਦਾ ਕੰਮ ਕਰਦੀ ਹੈ। ਇਹ ਦੰਦਾਂ ਨੂੰ ਵੀ ਖਰਾਬ ਕਰਦੀ ਹੈ। ਕਾਫੀ ਹੱਦ ਤੱਕ ਇਹ ਦੰਦਾਂ ਦੇ ਸੜਨ ਨੂੰ ਵੀ ਵਧਾਉਂਦੀ ਹੈ। ਖਾਲੀ ਪੇਟ ਚਾਹ ਪੀਣ ਨਾਲ ਤੁਸੀਂ ਡੀਹਾਈਡ੍ਰੇਸ਼ਨ ਦਾ ਸ਼ਿਕਾਰ ਹੋ ਸਕਦੇ ਹੋ।
ਚਾਹ ਤੋਂ ਪਹਿਲਾਂ ਪਾਣੀ ਕਦੋਂ ਪੀਣਾ ਚਾਹੀਦਾ
ਚਾਹ ਤੋਂ ਪਹਿਲਾਂ ਪਾਣੀ ਪੀਣਾ ਸਰੀਰ ਲਈ ਚੰਗਾ ਹੁੰਦਾ ਹੈ। ਅਜਿਹੇ 'ਚ ਚਾਹ ਪੀਣ ਤੋਂ 10-15 ਮਿੰਟ ਪਹਿਲਾਂ ਪਾਣੀ ਪੀਣਾ ਚਾਹੀਦਾ ਹੈ ਤਾਂ ਜੋ ਸਰੀਰ ਵਿੱਚ ਪੈਦਾ ਹੋਣ ਵਾਲੇ ਤੇਜ਼ਾਬ ਪ੍ਰਭਾਵ ਨੂੰ ਘੱਟ ਕੀਤਾ ਜਾਵੇ। ਚਾਹ ਪੀਣ ਦੇ ਤੁਰੰਤ ਬਾਅਦ ਕਦੇ ਵੀ ਪਾਣੀ ਨਹੀਂ ਪੀਣਾ ਚਾਹੀਦਾ। ਇਹ ਸਿਹਤ ਦੇ ਨਜ਼ਰੀਏ ਤੋਂ ਬਹੁਤ ਹਾਨੀਕਾਰਕ ਹੈ। ਇਸ ਦੀ ਬਜਾਏ, ਚਾਹ ਪੀਣ ਤੋਂ 10-15 ਮਿੰਟ ਪਹਿਲਾਂ ਪਾਣੀ ਪੀਣਾ ਬਿਹਤਰ ਹੈ। ਇਹ ਸਰੀਰ 'ਤੇ ਚਾਹ ਦੇ ਤੇਜ਼ਾਬ ਪ੍ਰਭਾਵ ਨੂੰ ਘੱਟ ਕਰਦਾ ਹੈ।