ਇਸ ਦੇ ਬਾਅਦ ਅਗਲੇ 6 ਮਿੰਟਾਂ 'ਚ 8:21 ਵਜੇ, ਸਾਰੀਆਂ 70 ਸੀਟਾਂ ਦੇ ਰੁਝਾਨ ਆ ਗਏ ਤੇ 'ਆਪ' ਨੇ 50+ ਸੀਟਾਂ 'ਤੇ ਲੀਡ ਲੈ ਲਈ। ਇਸ ਦੇ ਨਾਲ ਹੀ ਬੀਜੇਪੀ ਤੇ ਕਾਂਗਰਸ ਦੇ ਖੇਮਿਆਂ 'ਚ ਮਾਤਮ ਛਾ ਗਿਆ ਤੇ ਆਮ ਆਦਮੀ ਪਾਰਟੀ ਦੇ ਹੈੱਡ ਕੁਆਟਰ 'ਚ ਜਸ਼ਨ ਸ਼ੁਰੂ ਹੋ ਗਏ।
ਵੈੱਬਸਾਈਟਾਂ ਤੇ ਟੀਵੀ ਚੈਨਲ ਰੁਝਾਨ ਦਿਖਾਉਣ 'ਚ ਚੋਣ ਕਮਿਸ਼ਨ ਤੋਂ ਅੱਗੇ ਸੀ। ਪਹਿਲੇ ਘੰਟਿਆਂ 'ਚ ਚੋਣ ਕਮਿਸ਼ਨ ਨੇ ਆਪਣੀ ਸਾਈਟ 'ਤੇ ਸਿਰਫ 20 ਸੀਟਾਂ ਦੇ ਰੁਝਾਨ ਦਿਖਾਏ ਜਦਕਿ ਬਾਕੀ ਥਾਂ ਸਭ ਕੁਝ ਸਾਫ਼ ਹੋ ਗਿਆ ਤੇ ਕੇਜਰੀਵਾਲ ਦੀਆਂ ਸਹੁੰ ਚੁੱਕਣ ਦੀ ਤਿਆਰੀਆਂ 'ਤੇ ਚਰਚਾ ਸ਼ੁਰੂ ਹੋ ਗਈ।