ਨਾਸਿਕ ਦੀ ਨਿਫ਼ਾਦ ਤਹਿਸੀਲ ਦੇ ਪਿਆਜ਼ ਉਤਪਾਦਕ ਸੰਜੈ ਸਾਥੇ ਨੇ ਕਿਹਾ ਕਿ ਉਸ ਨੇ ਇਸ ਸੀਜ਼ਨ ’ਚ ਉਸ ਦੀ ਕੁੱਲ ਪੈਦਾਵਾਰ 750 ਕਿੱਲੋ ਸੀ, ਪਰ ਪਿਛਲੇ ਹਫ਼ਤੇ ਨਿਫ਼ਾਦ ਦੀ ਥੋਕ ਮੰਡੀ ਵਿੱਚ ਉਸ ਨੂੰ ਗੰਢਿਆਂ ਦਾ ਭਾਅ ਇੱਕ ਰੁਪਏ ਪ੍ਰਤੀ ਕਿਲੋ ਪੇਸ਼ਕਸ਼ ਕੀਤਾ ਗਿਆ। ਬਾਅਦ ਵਿੱਚ ਪਿਆਜ਼ਾਂ ਦੀ ਕੀਮਤ 1.40 ਰੁਪਏ ਮਿਲੀ ਤੇ ਉਸ ਨੇ ਆਪਣੇ 750 ਕਿਲੋ ਪਿਆਜ਼ 1,064 ਵਿੱਚ ਵੇਚਣੇ ਪਏ। ਪੂਰੇ ਦੇਸ਼ ਦੇ ਪਿਆਜ਼ ਉਤਪਾਦਨ ਵਿੱਚ ਅੱਧਾ ਹਿੱਸਾ ਇਕੱਲੇ ਉੱਤਰ ਮਹਾਰਾਸ਼ਟਰ ਦਾ ਹੀ ਹੁੰਦਾ ਹੈ, ਪਰ ਕਿਸਾਨਾਂ ਨੂੰ ਲਾਗਤ ਵੀ ਨਹੀਂ ਵਾਪਸ ਮਿਲ ਰਹੀ।
ਸੰਜੈ ਸਾਥੇ ਨੇ ਰੋਸ ਵਜੋਂ ਆਪਣੀ ਕਮਾਈ ਪ੍ਰਧਾਨ ਮੰਤਰੀ ਆਫ਼ਤ ਰਾਹਤ ਫੰਡ ਵਿੱਚ ਦਾਨ ਕਰ ਦਿੱਤੀ ਹੈ। ਸਾਥੇ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਉਹ ਕਿਸੇ ਵੀ ਸਿਆਸੀ ਪਾਰਟੀ ਨਾਲ ਨਹੀਂ ਜੁੜਿਆ ਹੋਇਆ, ਪਰ ਉਹ ਬੇਹੱਦ ਪ੍ਰੇਸ਼ਾਨ ਹੈ ਕਿ ਸਰਕਾਰਾਂ ਨੂੰ ਕਿਸਾਨਾਂ ਦੀ ਹੱਡਭੰਨਵੀਂ ਮਿਹਨਤ ਦੀ ਭੋਰਾ ਵੀ ਕਦਰ ਨਹੀਂ ਹੈ। ਪੈਸੇ ਪ੍ਰਧਾਨ ਮੰਤਰੀ ਨੂੰ ਵੀ ਭੇਜਣ ਵਾਲੇ ਆਪਣੇ ਰੋਸ ਵਿੱਚ ਵੀ ਕਿਸਾਨ ਨੂੰ ਕੁਝ ਨੁਕਸਾਨ ਝੱਲਣਾ ਪਿਆ ਹੈ। ਸਾਥੇ ਨੇ 1,064 ਰੁਪਏ ਮਨੀ ਆਰਡਰ ਰਾਹੀਂ ਭੇਜਣ 'ਤੇ 54 ਰੁਪਏ ਹੋਰ ਖ਼ਰਚਣੇ ਪਏ।