ਇਸ ਸਹਿਮ ਦੇ ਮਾਹੌਲ ਵਿੱਚ ਸਭ ਤੋਂ ਵੱਧ ਡਰ ਕਿਸਾਨ ਤੇ ਖੇਤ ਮਜ਼ਦੂਰ ਨੂੰ ਸਤਾ ਰਿਹਾ ਹੈ। ਕਰਜ਼ੇ ਨਾਲ ਪੁੱਤਾਂ ਵਾਂਗ ਪਾਲੀ ਫਸਲ ਪੱਕਣ ਕਿਨਾਰੇ ਖੜ੍ਹੀ ਹੈ। ਹੁਣ ਫਸਲ ਵੱਡ ਕੇ ਸਾਰੇ ਖਰਚੇ ਉਤਾਰਨ ਤੇ ਅਗਲੀ ਕਬੀਲਦਾਰੀ ਤੋਰਨ ਦਾ ਵੇਲੇ ਹੈ। ਫਸਲ ਨਾਲ ਜਿੱਥੇ ਕਰਜ਼ੇ ਉਤਾਰਨ ਹੁੰਦੇ ਹਨ, ਉੱਥੇ ਹੀ ਕਈ ਘਰਾਂ ਦੀ ਤਾਂ ਫਸਲਾਂ ਦੀ ਆਮਦਨ ਨਾਲ ਵਿਆਹ ਤੇ ਬਿਮਾਰੀ ਦਾ ਇਲਾਜ ਹੁੰਦਾ ਹੈ। ਅਜਿਹੇ ਵਿੱਚ ਪਿੰਡ ਖਾਲੀ ਕਰਨ ਨਾਲ ਖੇਤੀ ਨੂੰ ਸਭ ਤੋਂ ਵੱਧ ਨੁਕਸਾਨ ਹੋ ਸਕਦਾ ਹੈ।
ਸਰਹੱਦ ਇਲਾਕਿਆਂ ਵਿੱਚ ਮਜ਼ਦੂਰਾਂ ਦਾ ਰੁਜ਼ਗਾਰ ਵੀ ਖੇਤੀ ਉੱਤੇ ਨਿਰਭਰ ਹੈ। ਫਸਲ ਵਾਢੀ ਤੋਂ ਲੈ ਕੇ ਮੰਡੀ ਤੱਕ ਦਾ ਸਾਰਾ ਕੰਮ ਖੇਤ ਮਜ਼ਦੂਰਾਂ ਨਾਲ ਚਲਦਾ ਹੈ। ਲੰਬੇ ਸਮੇਂ ਤੱਕ ਪਿੰਡ ਖਾਲੀ ਰਹਿਣ ਜਾਂ ਜੰਗ ਲੱਗਣ ਦੀ ਹਾਲਤ ਵਿੱਚ ਇੰਨਾਂ ਦੀ ਵੀ ਰੁਜਗਾਰ ਖੁਸ ਜਾਵੇਗਾ ਪਰ ਪ੍ਰਸ਼ਾਸਨ ਲੋਕਾਂ ਨੂੰ ਪਿੰਡ ਤਾਂ ਖਾਲੀ ਕਰਨ ਲਈ ਕਹਿ ਰਿਹਾ ਹੈ ਪਰ ਲੋਕਾਂ ਦਾ ਰੋਜ਼ੀ-ਰੋਟੀ ਦਾ ਕੀ ਬਣੇਗਾ, ਉਸਦਾ ਕੋਈ ਬੰਦੋਵਸਤ ਨਹੀਂ ਕੀਤਾ ਜਾ ਰਿਹਾ।