ਕਿਸਾਨ ਆਗੂਆਂ ਨੇ ਕਿਹਾ ਕਿ ਪੰਜਾਬ ਸਰਕਾਰ ਵੀ 138 ਬਲਾਕਾਂ ਵਿੱਚੋਂ 100 ਦੇ ਕਰੀਬ ਨੂੰ ਡਾਰਕ ਜ਼ੋਨ ਐਲਾਨ ਚੁੱਕੀ ਹੈ। ਆਉਣ ਵਾਲੇ ਸਮੇਂ ਵਿੱਚ ਟਿਊਬਵੈੱਲ ਲਾਉਣ 'ਤੇ ਪਾਬੰਧੀ ਲਾਉਣ ਦੀ ਨੌਬਤ ਬਣਦੀ ਜਾ ਰਹੀ ਹੈ। ਕਿਸਾਨਾਂ ਦੀ ਆਮਦਨ ਦਾ ਮੁੱਖ ਸ੍ਰੋਤ ਝੋਨੇ ਦੀ ਫ਼ਸਲ ਹੈ ਤੇ ਝੋਨੇ ਦੀ ਫਸਲ ਲਈ ਪਾਣੀ ਦੀ ਖਪਤ ਬਹੁਤ ਜ਼ਿਆਦਾ ਹੁੰਦੀ ਹੈ।
ਕਿਸਾਨਾਂ ਨੇ ਕਿਹਾ ਕਿ ਕੇਂਦਰ ਤੇ ਸੂਬਾ ਸਰਕਾਰਾਂ ਪਾਣੀ ਦੀ ਸਮੱਸਿਆਂ ਲਈ ਗੰਭੀਰ ਤਾਂ ਹਨ ਪਰ ਕਿਸਾਨਾਂ ਦੀ ਆਮਦਨ ਵਧਾਉਣ ਜਾਂ ਝੋਨੇ ਦੇ ਬਦਲ ਲਈ ਕੋਈ ਦਿਲਚਸਪੀ ਨਹੀਂ ਦਿਖਾ ਰਹੀ। ਜੇ ਸਰਕਾਰਾਂ ਕਿਸਾਨਾਂ ਦੀਆਂ ਸਮੱਸਿਆਵਾਂ ਲਈ ਗੰਭੀਰ ਹੁੰਦੀਆਂ ਤਾਂ ਦਾਲਾਂ, ਤੇਲ ਜਾਂ ਹੋਰ ਫਸਲਾਂ ਦੇ ਰੇਟ ਵਧਾ ਕੇ ਕਿਸਾਨਾਂ ਨੂੰ ਝੋਨੇ ਦਾ ਬਦਲ ਦੇ ਸਕਦੀਆਂ ਸੀ। ਸਰਕਾਰਾਂ ਦੇ ਬੇਰੁਖ਼ੀ ਕਰਕੇ ਹੀ ਉਹ ਅੱਜ ਧਰਨੇ ਲਾ ਕੇ ਪ੍ਰਦਰਸ਼ਨ ਕਰ ਰਹੇ ਹਨ।