Farmer's Success Story: ਜੇਕਰ ਕੋਈ ਵੀ ਕੰਮ ਤਨਦੇਹੀ ਨਾਲ ਕੀਤਾ ਜਾਵੇ ਤਾਂ ਸਫ਼ਲਤਾ ਜ਼ਰੂਰ ਮਿਲਦੀ ਹੈ। ਕਾਨਪੁਰ ਦੇ ਰਹਿਣ ਵਾਲੇ ਕਿਸਾਨ ਭੰਵਰਪਾਲ ਸਿੰਘ ਨੇ ਅਜਿਹਾ ਹੀ ਕੁਝ ਕੀਤਾ ਹੈ। ਅੱਜ ਭੰਵਰਪਾਲ ਸਿੰਘ ਆਪਣੇ ਖੁਦ ਦੇ ਉਗਾਏ ਆਲੂ ਵੱਡੇ ਪੱਧਰ 'ਤੇ ਦੇਸ਼ ਦੇ ਦੂਜੇ ਸੂਬਿਆਂ ਨੂੰ ਨਿਰਯਾਤ ਕਰਦੇ ਹਨ ਅਤੇ ਚੰਗਾ ਮੁਨਾਫ਼ਾ ਕਮਾਉਂਦੇ ਹਨ।
ਵਕਾਲਤ ਛੱਡ ਕੇ ਸ਼ੁਰੂ ਕੀਤੀ ਖੇਤੀ
ਕਾਨਪੁਰ ਜ਼ਿਲ੍ਹੇ ਦੇ ਸਰਸੌਲ ਬਲਾਕ ਦੇ ਮਹੂਵਾ ਪਿੰਡ ਦੇ ਰਹਿਣ ਵਾਲੇ ਭੰਵਰਪਾਲ ਸਿੰਘ ਨੇ ਇਲਾਹਾਬਾਦ ਹਾਈਕੋਰਟ ਛੱਡ ਕੇ ਖੇਤੀ ਕਰਨੀ ਸ਼ੁਰੂ ਕਰ ਦਿੱਤੀ ਹੈ। ਉਹ ਆਪਣੇ ਮਾਤਾ-ਪਿਤਾ ਦੇ ਦਿਹਾਂਤ ਤੋਂ ਬਾਅਦ ਸਾਲ 2000 'ਚ ਵਾਪਸ ਪਿੰਡ ਆ ਗਏ ਅਤੇ ਖੇਤੀ ਕਰਨੀ ਸ਼ੁਰੂ ਕਰ ਦਿੱਤੀ।
ਆਲੂ ਦੀ ਖੇਤੀ ਨੇ ਬਣਾ ਦਿੱਤਾ ਅਮੀਰ
ਭੰਵਰਪਾਲ ਸਿੰਘ ਦਾ ਕਹਿਣਾ ਹੈ ਕਿ ਆਲੂਆਂ ਦੀ ਮੰਗ ਜ਼ਿਆਦਾ ਹੋਣ ਕਾਰਨ ਉਹ ਆਪਣੀ 22 ਏਕੜ ਜ਼ਮੀਨ ਦੇ ਨਾਲ-ਨਾਲ 100 ਏਕੜ ਜ਼ਮੀਨ ਠੇਕੇ 'ਤੇ ਲੈ ਕੇ ਆਲੂ ਉਗਾਉਂਦੇ ਹਨ। ਇੱਕ ਏਕੜ 'ਚ ਝਾੜ ਦੀ ਗੱਲ ਕਰੀਏ ਤਾਂ 400 ਤੋਂ 500 ਕੁਇੰਟਲ ਤੱਕ ਝਾੜ ਨਿੱਕਲਦਾ ਹੈ। ਉਨ੍ਹਾਂ ਦਾ ਦਾਅਵਾ ਹੈ ਕਿ ਆਲੂ ਦੀ ਫ਼ਸਲ ਤੋਂ ਉਨ੍ਹਾਂ ਨੂੰ ਲੱਖਾਂ ਦਾ ਮੁਨਾਫ਼ਾ ਹੋ ਰਿਹਾ ਹੈ।
ਕਈ ਐਵਾਰਡਾਂ ਨਾਲ ਕੀਤਾ ਜਾ ਚੁੱਕਾ ਹੈ ਸਨਮਾਨਿਤ
ਭੰਵਰਪਾਲ ਸਿੰਘ ਨੂੰ ਕਈ ਐਵਾਰਡਾਂ ਨਾਲ ਵੀ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਗੁਜਰਾਤ ਦੇ ਮੁੱਖ ਮੰਤਰੀ ਹੁੰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਾਲ 2013 'ਚ ਗੁਜਰਾਤ ਗਲੋਬਲ ਐਗਰੀਕਲਚਰ ਸਮਿਟ 'ਚ ਭੰਵਰਪਾਲ ਸਿੰਘ ਨੂੰ ਸਨਮਾਨਿਤ ਕੀਤਾ ਸੀ। ਇਸ ਦੇ ਨਾਲ ਹੀ ਸਾਲ 2020 'ਚ ਕੇਂਦਰੀ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਨੇ ਉਨ੍ਹਾਂ ਨੂੰ ਗੋਬਲ ਪੋਟੇਟੋ ਕਨਕਲੇਵ ਗਾਂਧੀ ਨਗਰ ਗੁਜਰਾਤ 'ਚ ਸਭ ਤੋਂ ਵਧੀਆ ਆਲੂ ਉਤਪਾਦਨ ਲਈ ਐਵਾਰਡ ਦਿੱਤਾ ਸੀ।
ਪੂਰੇ ਉੱਤਰ ਪ੍ਰਦੇਸ਼ 'ਚ ਹੈ ਪਛਾਣ
ਭੰਵਰਪਾਲ ਸਿੰਘ ਪੂਰੇ ਯੂਪੀ 'ਚ ਆਲੂ ਦੇ ਬੀਜ ਉਤਪਾਦਕ ਵਜੋਂ ਜਾਣਿਆ ਜਾਂਦਾ ਹੈ। ਉਹ ਆਪਣੇ ਆਲੂ ਦੇ ਬੀਜ ਕਈ ਸੂਬਿਆਂ ਨੂੰ ਨਿਰਯਾਤ ਕਰਦੇ ਹਨ। ਇਸ ਸਮੇਂ ਉਹ ਆਪਣੇ ਫ਼ਾਰਮ 'ਤੇ ਕੁਫਰੀ ਚੰਦਰਮੁਖੀ, ਕੁਫਰੀ ਜੋਤੀ, ਕੁਫਰੀ ਬਹਾਰ [3797], ਕੁਫਰੀ ਪੁਖਰਾਜੀ, ਕੁਫਰੀ ਚਿਪਸੋਨਾ 1, ਕੁਫਰੀ ਫਰਾਈ ਸੋਨਾ, ਕੁਫਰੀ ਆਨੰਦੋ, ਕੁਫਰੀ ਅਰੁਣ, ਕੁਫਰੀ ਪੁਸ਼ਕਾਰੋ, ਕੁਫਰੀ ਹਲਾਨੀ, ਕੁਫਰੀ ਮੋਹਨ, ਕੁਫਰੀ ਸੁਖਾਤੀ, ਕੁਫਰੀ ਗੰਗਾ, ਕੁਫਰੀ ਨੀਲਕੰਠੋ, ਕੁਫਰੀ ਸੰਗਮ ਸਮੇਤ ਵੱਖ-ਵੱਖ ਕਿਸਮਾਂ ਦੇ ਆਲੂ ਉਗਾਉਂਦੇ ਹਨ।