Agriculture News : ਸੋਚੋ ਤੁਹਾਡੇ ਘਰ ਵਿੱਚ ਲੱਗੀਆਂ ਚਮਕਦੀਆਂ ਟਾਈਲਾਂ ਜੇ ਗਾਂ ਦੇ ਗੋਹੇ ਦੀਆਂ ਬਣੀਆਂ ਹੋਣ ਤਾਂ ਕੀ ਹੋਵੇਗਾ? ਇਹ ਸਿਰਫ਼ ਕਲਪਨਾ ਨਹੀਂ ਹੈ, ਹੁਣ ਅਜਿਹਾ ਹੋਣ ਲੱਗਾ ਹੈ ਪਸ਼ੂ ਪਾਲਕਾਂ ਦੇ ਵਿੱਚ ਹੁਣ ਇੱਕ ਵੱਡਾ ਬਿਜ਼ਨੇਸ ਬਣ ਰਿਹਾ ਹੈ। ਦਰਅਸਲ ਬਾਜ਼ਾਰ ਵਿੱਚ ਗੋਹੇ ਨਾਲ ਬਣੀਆਂ ਟਾਈਲਾਂ ਆ ਗਈਆਂ ਹਨ, ਜਿਨ੍ਹਾਂ ਦੀ ਕੀਮਤ ਜ਼ਿਆਦਾ ਨਹੀਂ ਹੈ ਤੇ ਇਨ੍ਹਾਂ ਨਾਲ ਘਰ ਵੀ ਠੰਡਾ ਰਹਿੰਦਾ ਹੈ। ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਇਨ੍ਹਾਂ ਨੂੰ ਲਗਾਉਣ ਨਾਲ ਤੁਹਾਡੇ ਘਰ ਦੀ ਖੂਬਸੂਰਤੀ ਖਰਾਬ ਨਹੀਂ ਹੁੰਦੀ ਹੈ। ਇਹ ਟਾਈਲਾਂ ਆਫਲਾਈਨ ਅਤੇ ਔਨਲਾਈਨ ਦੋਵਾਂ ਮਾਧਿਅਮਾਂ ਰਾਹੀਂ ਮਾਰਕੀਟ ਵਿੱਚ ਵੇਚੀਆਂ ਜਾ ਰਹੀਆਂ ਹਨ।
ਪਸ਼ੂਪਾਲਕਾਂ ਨੂੰ ਕਿਵੇਂ ਹੋ ਰਿਹਾ ਹੈ ਫ਼ਾਇਦਾ
ਦਰਅਸਲ, ਬਜ਼ਾਰ ਵਿੱਚ ਗੋਹੇ ਦੀਆਂ ਟਾਇਲਾਂ ਦੀ ਮੰਗ ਵਧਣ ਕਾਰਨ ਇਸ ਨੂੰ ਬਣਾਉਣ ਵਾਲੀਆਂ ਕੰਪਨੀਆਂ, ਜ਼ਿਆਦਾਤਰ ਵੱਡੇ ਕਿਸਾਨਾਂ ਦੁਆਰਾ ਚਲਾਈਆਂ ਜਾਂਦੀਆਂ ਹਨ, ਕੰਪਨੀਆਂ ਛੋਟੇ ਕਿਸਾਨਾਂ ਤੋਂ ਚੰਗੀ ਕੀਮਤ 'ਤੇ ਗੋਹਾ ਖਰੀਦ ਰਹੀਆਂ ਹਨ। ਇਸ ਗੋਹੇ ਨੂੰ ਪ੍ਰੋਸੈਸ ਕਰਨ ਤੋਂ ਬਾਅਦ ਮਸ਼ੀਨਾਂ ਰਾਹੀਂ ਗੋਹੇ ਦੀਆਂ ਟਾਈਲਾਂ ਬਣਾਈਆਂ ਜਾਂਦੀਆਂ ਹਨ। ਇਹ ਟਾਈਲਾਂ ਪੂਰੀ ਤਰ੍ਹਾਂ ਆਰਗੈਨਿਕ ਹਨ। ਇਸ ਕਾਰਨ ਇਹ ਟਾਈਲਾਂ ਬਾਜ਼ਾਰ ਵਿੱਚ ਚੰਗੇ ਭਾਅ ’ਤੇ ਵਿਕਦੀਆਂ ਹਨ। ਛੱਤੀਸਗੜ੍ਹ ਵਿੱਚ ਇਸ ਦਾ ਵੱਖਰਾ ਰੂਪ ਦੇਖਣ ਨੂੰ ਮਿਲਦਾ ਹੈ। ਇੱਥੇ ਔਰਤਾਂ ਨਰਵਾ, ਗਰੂਵਾ, ਘਰੂਵਾ ਅਤੇ ਬਾੜੀ ਯੋਜਨਾ ਦੇ ਤਹਿਤ ਗੋਹੇ ਦੀਆਂ ਟਾਈਲਾਂ ਬਣਾ ਰਹੀਆਂ ਹਨ। ਹਾਲਾਂਕਿ, ਇੱਥੇ ਔਰਤਾਂ ਇਨ੍ਹਾਂ ਟਾਈਲਾਂ ਨੂੰ ਹੱਥਾਂ ਨਾਲ ਬਣਾਉਂਦੀਆਂ ਹਨ।
ਘਰ ਲਈ ਕਿੰਨੀਆਂ ਸਹੀ
ਵੇਦਾਂ ਵਿੱਚ ਗਾਂ ਦੇ ਗੋਹੇ ਨੂੰ ਸਭ ਤੋਂ ਪਵਿੱਤਰ ਮੰਨਿਆ ਗਿਆ ਹੈ, ਇਸ ਲਈ ਪੂਜਾ ਸਥਾਨ ਨੂੰ ਅਕਸਰ ਗਾਂ ਦੇ ਗੋਹੇ ਨਾਲ ਮਲਿਆ ਜਾਂਦਾ ਹੈ। ਪੁਰਾਣੇ ਸਮਿਆਂ ਵਿੱਚ ਜਦੋਂ ਕੱਚੇ ਘਰ ਹੁੰਦੇ ਸਨ ਤਾਂ ਘਰ ਦੇ ਫਰਸ਼ ਨੂੰ ਵੀ ਗੋਹੇ ਨਾਲ ਲਿਪਾਇਆ ਜਾਂਦਾ ਸੀ। ਹਾਲਾਂਕਿ, ਹੁਣ ਇਹ ਗੋਹੇ ਦੀਆਂ ਟਾਇਲਾਂ ਦਾ ਰੂਪ ਲੈ ਚੁੱਕੇ ਹਨ ਅਤੇ ਤੁਹਾਡੇ ਘਰਾਂ ਵਿੱਚ ਲੱਗਣ ਲਈ ਤਿਆਰ ਹਨ। ਮਾਹਿਰਾਂ ਦਾ ਕਹਿਣਾ ਹੈ ਕਿ ਗਰਮੀਆਂ ਦੇ ਮੌਸਮ ਵਿੱਚ ਇਹ ਗੋਹੇ ਦੀਆਂ ਟਾਈਲਾਂ ਘਰ ਲਈ ਸਭ ਤੋਂ ਵਧੀਆ ਹਨ। ਅਜਿਹਾ ਇਸ ਲਈ ਕਿਉਂਕਿ ਘਰ 'ਚ ਲੱਗਣ ਤੋਂ ਬਾਅਦ ਇਹ ਘਰ ਦਾ ਤਾਪਮਾਨ 5 ਤੋਂ 8 ਫੀਸਦੀ ਤੱਕ ਘੱਟ ਕਰ ਦਿੰਦਾ ਹੈ। ਜੇ ਤੁਸੀਂ ਗਾਂ ਦੇ ਗੋਹੇ ਦੀਆਂ ਟਾਈਲਾਂ ਖਰੀਦਣਾ ਚਾਹੁੰਦੇ ਹੋ, ਤਾਂ ਤੁਸੀਂ ਆਸਾਨੀ ਨਾਲ ਆਨਲਾਈਨ ਖਰੀਦ ਸਕਦੇ ਹੋ। ਇਸ ਸਮੇਂ ਬਹੁਤ ਸਾਰੇ ਕਾਰੋਬਾਰੀ ਆਨਲਾਈਨ ਈ-ਕਾਮਰਸ ਵੈੱਬਸਾਈਟਾਂ 'ਤੇ ਗੋਹੇ ਦੀਆਂ ਟਾਈਲਾਂ ਵੇਚ ਰਹੇ ਹਨ।