ਪੰਜਾਬ ਦੇ ਨੌਜਵਾਨਾਂ ਲਈ ਸਰਕਾਰੀ ਨੌਕਰੀ ਲੈਣ ਦਾ ਇੱਕ ਸੁਨਹਿਰੀ ਮੌਕਾ ਆਇਆ ਹੈ। ਪੰਜਾਬ ਪਬਲਿਕ ਸਰਵਿਸ ਕਮਿਸ਼ਨ (PPSC) ਨੇ ਬਾਗਬਾਨੀ ਵਿਕਾਸ ਅਫਸਰ (HDO) ਦੇ ਅਹੁਦਿਆਂ ਦੀ ਭਰਤੀ ਲਈ ਇੱਕ ਅਧਿਕਾਰਤ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ। ਕਮਿਸ਼ਨ ਨੇ ਇਸ ਭਰਤੀ ਮੁਹਿੰਮ ਤਹਿਤ ਕੁੱਲ 101 ਅਹੁਦਿਆਂ ਦਾ ਐਲਾਨ ਕੀਤਾ ਹੈ।
ਇਹ ਖੇਤੀਬਾੜੀ ਵਿੱਚ ਕਰੀਅਰ ਬਣਾਉਣ ਦੀ ਇੱਛਾ ਰੱਖਣ ਵਾਲੇ ਉਮੀਦਵਾਰਾਂ ਲਈ ਇੱਕ ਵਧੀਆ ਮੌਕਾ ਹੈ। ਅਰਜ਼ੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ ਅਤੇ ਦਿਲਚਸਪੀ ਰੱਖਣ ਵਾਲੇ ਅਤੇ ਯੋਗ ਉਮੀਦਵਾਰ 14 ਨਵੰਬਰ, 2025 ਤੱਕ ਔਨਲਾਈਨ ਅਰਜ਼ੀ ਦੇ ਸਕਦੇ ਹਨ।
ਇਨ੍ਹਾਂ ਬਾਗਬਾਨੀ ਵਿਕਾਸ ਅਫਸਰ ਅਹੁਦਿਆਂ ਲਈ ਅਰਜ਼ੀ ਦੇਣ ਲਈ ਉਮੀਦਵਾਰਾਂ ਕੋਲ ਭਾਰਤ ਦੀ ਕਿਸੇ ਮਾਨਤਾ ਪ੍ਰਾਪਤ ਯੂਨੀਵਰਸਿਟੀ ਤੋਂ ਖੇਤੀਬਾੜੀ ਵਿੱਚ ਬੀ.ਐਸ.ਸੀ. ਦੀ ਡਿਗਰੀ ਹੋਣੀ ਚਾਹੀਦੀ ਹੈ। ਇਸ ਤੋਂ ਇਲਾਵਾ, ਉਮੀਦਵਾਰਾਂ ਨੇ ਗ੍ਰੈਜੂਏਸ਼ਨ ਦੌਰਾਨ ਬਾਗਬਾਨੀ ਦਾ ਅਧਿਐਨ ਚੋਣਵੇਂ ਤੌਰ 'ਤੇ ਕੀਤਾ ਹੋਣਾ ਚਾਹੀਦਾ ਹੈ।
ਖੇਤੀਬਾੜੀ ਵਿੱਚ ਐਮ.ਐਸ.ਸੀ. ਦੀ ਡਿਗਰੀ ਜਾਂ ਹੋਰ ਸਬੰਧਤ ਉੱਚ ਯੋਗਤਾਵਾਂ ਵਾਲੇ ਉਮੀਦਵਾਰਾਂ ਨੂੰ ਚੋਣ ਪ੍ਰਕਿਰਿਆ ਵਿੱਚ ਤਰਜੀਹ ਦਿੱਤੀ ਜਾਵੇਗੀ। ਘੱਟੋ-ਘੱਟ ਉਮਰ ਸੀਮਾ 18 ਸਾਲ ਅਤੇ ਵੱਧ ਤੋਂ ਵੱਧ ਉਮਰ ਸੀਮਾ 37 ਸਾਲ ਹੈ। ਹਾਲਾਂਕਿ, ਰਾਖਵੀਆਂ ਸ਼੍ਰੇਣੀਆਂ ਪੰਜਾਬ ਸਰਕਾਰ ਦੇ ਨਿਯਮਾਂ ਅਨੁਸਾਰ ਉਮਰ ਵਿੱਚ ਛੋਟ ਲਈ ਯੋਗ ਹਨ।
ਕਿਵੇਂ ਹੋਵੇਗੀ ਚੋਣ ਪ੍ਰਕਿਰਿਆ?
ਇਸ ਭਰਤੀ ਲਈ ਚੋਣ ਦੋ ਪੜਾਵਾਂ ਵਿੱਚ ਕੀਤੀ ਜਾਵੇਗੀ: ਇੱਕ ਲਿਖਤੀ ਪ੍ਰੀਖਿਆ ਅਤੇ ਇੱਕ ਇੰਟਰਵਿਊ। ਲਿਖਤੀ ਪ੍ਰੀਖਿਆ ਵਿੱਚ 120 MCQ ਵਾਲੇ ਪ੍ਰਸ਼ਨ ਹੋਣਗੇ, ਜਿਨ੍ਹਾਂ ਦੇ ਕੁੱਲ 480 ਅੰਕ ਹੋਣਗੇ। ਹਰੇਕ ਸਹੀ ਉੱਤਰ ਲਈ ਚਾਰ ਅੰਕ ਦਿੱਤੇ ਜਾਣਗੇ, ਜਦੋਂ ਕਿ ਹਰੇਕ ਗਲਤ ਉੱਤਰ ਲਈ ਇੱਕ ਅੰਕ ਕੱਟਿਆ ਜਾਵੇਗਾ।
ਪ੍ਰੀਖਿਆ ਵਿੱਚ ਜਨਰਲ ਨੋਲੇਜ, ਰੀਜ਼ਨਿੰਗ, ਆਮ ਜਾਗਰੂਕਤਾ ਅਤੇ ਅਹੁਦੇ ਨਾਲ ਸੰਬੰਧਿਤ ਵਿਸ਼ਿਆਂ ਦੇ ਪ੍ਰਸ਼ਨ ਸ਼ਾਮਲ ਹੋਣਗੇ। ਲਿਖਤੀ ਪ੍ਰੀਖਿਆ ਵਿੱਚ ਸਫਲ ਉਮੀਦਵਾਰਾਂ ਨੂੰ 60 ਅੰਕਾਂ ਲਈ ਇੰਟਰਵਿਊ ਲਈ ਬੁਲਾਇਆ ਜਾਵੇਗਾ। ਅੰਤਿਮ ਚੋਣ ਪ੍ਰੀਖਿਆ ਅਤੇ ਇੰਟਰਵਿਊ ਦੇ ਸੰਯੁਕਤ ਅੰਕਾਂ ਦੇ ਅਧਾਰ ਤੇ ਕੀਤੀ ਜਾਵੇਗੀ।
ਇੰਨੀ ਭਰਨੀ ਪਵੇਗੀ ਫੀਸ
ਜਨਰਲ ਸ਼੍ਰੇਣੀ ਦੇ ਉਮੀਦਵਾਰਾਂ ਨੂੰ ਕੁੱਲ ਅਰਜ਼ੀ ਫੀਸ ₹1,500 (₹500 ਅਰਜ਼ੀ ਫੀਸ + ₹1,000 ਪ੍ਰੀਖਿਆ ਫੀਸ) ਅਦਾ ਕਰਨੀ ਪਵੇਗੀ। ਪੰਜਾਬ ਦੇ SC, ST, ਅਤੇ OBC ਉਮੀਦਵਾਰਾਂ ਨੂੰ ₹750 (₹500 ਅਰਜ਼ੀ ਫੀਸ + ₹250 ਪ੍ਰੀਖਿਆ ਫੀਸ) ਅਦਾ ਕਰਨੀ ਪਵੇਗੀ। ਸਾਰੀਆਂ ਫੀਸਾਂ ਔਨਲਾਈਨ ਅਦਾ ਕਰਨੀਆਂ ਪੈਣਗੀਆਂ।
ਇਦਾਂ ਕਰੋ ਅਪਲਾਈ
ਪਹਿਲਾਂ, ਵੈੱਬਸਾਈਟ 'ਤੇ ਜਾਓ ਅਤੇ “Recruitment Portal” ਸੈਕਸ਼ਨ 'ਤੇ ਜਾਓ।ਉੱਥੇ ਹਾਰਟੀਕਲਚਰ ਡੈਵਲੈਪਮੈਂਟ ਆਫਿਸਰ ਭਰਤੀ ਦੇ ਲਈ ਲਿੰਕ 'ਤੇ ਕਲਿੱਕ ਕਰੋ।ਹੁਣ, ਆਪਣੇ ਵੇਰਵੇ ਭਰੋ, ਜਿਵੇਂ ਕਿ ਨਾਮ, ਜਨਮ ਮਿਤੀ, ਈਮੇਲ ਪਤਾ, ਮੋਬਾਈਲ ਨੰਬਰ, ਅਤੇ ਵਿਦਿਅਕ ਯੋਗਤਾਵਾਂ।ਲੋੜੀਂਦੇ ਦਸਤਾਵੇਜ਼ ਅਤੇ ਫੋਟੋ/ਦਸਤਖਤ ਅਪਲੋਡ ਕਰੋ।ਬਿਨੈ-ਪੱਤਰ ਫੀਸ ਦਾ ਭੁਗਤਾਨ ਕਰੋ ਅਤੇ ਫਾਰਮ ਜਮ੍ਹਾਂ ਕਰੋ।ਭਵਿੱਖ ਦੇ ਹਵਾਲੇ ਲਈ ਅਰਜ਼ੀ ਫਾਰਮ ਦਾ ਪ੍ਰਿੰਟਆਊਟ ਰੱਖੋ।
Education Loan Information:
Calculate Education Loan EMI