ਕੀ ਦੇਸ਼ 'ਚ ਕੋਰੋਨਾਵਾਇਰਸ ਦਾ ਸਭ ਤੋਂ ਬੁਰਾ ਸਮਾਂ ਸ਼ੁਰੂ? ਜਾਣੋ ਵਾਇਰਲ ਮੈਸੇਜ ਦੀ ਸੱਚਾਈ

ਦੇਸ਼ ਭਰ ਵਿੱਚ ਸਿਰਫ ਕੋਰੋਨਾਵਾਇਰਸ ਦੀ ਹੀ ਚਰਚਾ ਹੈ। ਕੋਰੋਨਵਾਇਰਸ ਬਾਰੇ ਹਰ ਰੋਜ਼ ਨਵੇਂ ਦਾਅਵੇ ਕੀਤੇ ਜਾਂਦੇ ਹਨ। ਅੱਜਕੱਲ੍ਹ ਇੱਕ ਮੈਸੇਜ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਮੈਸੇਜ ‘ਚ ਦੇਸ਼ ਨੂੰ ਚੇਤਾਵਨੀ ਦਿੰਦੇ ਹੋਏ, ਇੱਕ ਦਾਅਵਾ ਕੀਤਾ ਗਿਆ ਹੈ ਕਿ ਲੋਕਾਂ ਨੂੰ ਜ਼ਰੂਰੀ ਸਾਮਾਨ ਲੈਣ ਲਈ ਆਪਣਾ ਘਰ ਵੀ ਨਹੀਂ ਛੱਡਣਾ ਚਾਹੀਦਾ।

ਨਵੀਂ ਦਿੱਲੀ: ਦੇਸ਼ ਭਰ ਵਿੱਚ ਸਿਰਫ ਕੋਰੋਨਾਵਾਇਰਸ ਦੀ ਹੀ ਚਰਚਾ ਹੈ। ਕੋਰੋਨਵਾਇਰਸ ਬਾਰੇ ਹਰ ਰੋਜ਼ ਨਵੇਂ ਦਾਅਵੇ ਕੀਤੇ ਜਾਂਦੇ ਹਨ। ਅੱਜਕੱਲ੍ਹ ਇੱਕ ਮੈਸੇਜ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਇਸ ਮੈਸੇਜ ‘ਚ ਦੇਸ਼ ਨੂੰ ਚੇਤਾਵਨੀ ਦਿੰਦੇ ਹੋਏ, ਇੱਕ ਦਾਅਵਾ ਕੀਤਾ ਗਿਆ ਹੈ ਕਿ ਲੋਕਾਂ ਨੂੰ ਜ਼ਰੂਰੀ ਸਾਮਾਨ ਲੈਣ ਲਈ ਆਪਣਾ ਘਰ ਵੀ ਨਹੀਂ ਛੱਡਣਾ ਚਾਹੀਦਾ।

ਅੱਜ ਲੌਕਡਾਊਨ ਦਾ ਛੇਵਾਂ ਦਿਨ ਹੈ। ਦੇਸ਼ ਘਰਾਂ ਅੰਦਰ ਹੀ ਸੀਮਤ ਹੈ ਤਾਂ ਕਿ ਇਹ ਕੋਰੋਨਾ ਨੂੰ ਹਰਾਇਆ ਜਾ ਸਕੇ। ਲੋਕ ਸਿਰਫ ਜ਼ਰੂਰੀ ਚੀਜ਼ਾਂ ਲੈਣ ਲਈ ਘਰ ਤੋਂ ਬਾਹਰ ਜਾ ਰਹੇ ਹਨ ਪਰ ਸੋਸ਼ਲ ਮੀਡੀਆ 'ਤੇ ਮੈਸੇਜ ਪਹੁੰਚਿਆ ਹੈ ਕਿ ਬ੍ਰੈੱਡ, ਦੁੱਧ ਤੇ ਦਵਾਈ ਵਰਗੀਆਂ ਜ਼ਰੂਰੀ ਚੀਜ਼ਾਂ ਖਰੀਦਣ ਤੋਂ ਵੀ ਪ੍ਰਹੇਜ਼ ਕਰੋ।

ਕੀ ਦਾਅਵਾ ਕੀਤਾ ਜਾ ਰਿਹਾ ਹੈ?

ਵਾਇਰਲ ਮੈਸੇਜ ਰਾਹੀਂ ਇਹ ਦਾਅਵਾ ਕੀਤਾ ਜਾ ਰਿਹਾ ਹੈ, "ਕੱਲ੍ਹ ਤੋਂ ਰੋਟੀ ਵਰਗਾ ਸਾਮਾਨ ਖਰੀਦਣ ਲਈ ਘਰ ਤੋਂ ਬਾਹਰ ਨਾ ਨਿਕਲੋ, ਕਿਉਂਕਿ ਸਭ ਤੋਂ ਬੁਰਾ ਸਮਾਂ ਸ਼ੁਰੂ ਹੋ ਗਿਆ ਹੈ।" ਹੁਣ ਬਹੁਤ ਸਾਰੇ ਲੋਕਾਂ ਨੂੰ ਕੋਰੋਨਾਵਾਇਰਸ ਦੇ ਸਮੰਕਰਮਣ ਦਾ ਪਤਾ ਲੱਗ ਜਾਵੇਗਾ ਤੇ ਬਹੁਤ ਸਾਰੇ ਲੋਕਾਂ ਨੂੰ ਸਮੰਕਰਮਣ ਹੋ ਸਕਦਾ ਹੈ। ਇਸ ਲਈ ਘਰ ਰਹਿਣਾ ਬਹੁਤ ਜ਼ਰੂਰੀ ਹੈ। ਕਿਸੇ ਨੂੰ ਨਾ ਮਿਲਣਾ, ਕਾਫੀ ਜ਼ਿਆਦਾ ਸਾਵਧਾਨ ਰਹਿਣਾ। 23 ਮਾਰਚ ਤੋਂ 3 ਅਪ੍ਰੈਲ ਤੱਕ, ਸਾਨੂੰ ਆਪਣੇ ਆਪ ਦਾ ਬਹੁਤ ਧਿਆਨ ਰੱਖਣਾ ਪਏਗਾ, ਕਿਉਂਕਿ ਇਨ੍ਹਾਂ ਦੋ ਹਫ਼ਤਿਆਂ ਵਿੱਚ ਕੋਰੋਨਵਾਇਰਸ ਆਪਣੇ ਸਿਖਰ 'ਤੇ ਹੈ।"

ਦਾਅਵੇ ਤੋਂ ਬਾਅਦ ਸਾਹਮਣੇ ਆਏ ਕਈ ਪ੍ਰਸ਼ਨ:

ਵਾਇਰਲ ਮੈਸੇਜ ਮੁਤਾਬਕ, ਇਟਲੀ ਨੇ ਸਭ ਤੋਂ ਮਹੱਤਵਪੂਰਨ ਦੋ ਹਫਤਿਆਂ ਵਿੱਚ ਅਜਿਹੀਆਂ ਚੇਤਾਵਨੀਆਂ ਨੂੰ ਨਜ਼ਰਅੰਦਾਜ਼ ਕਰ ਦਿੱਤਾ। ਇਸੇ ਕਾਰਨ ਵਾਇਰਸ ਦੇ ਸੰਕਰਮਣ ਦਾ ਵਿਸਫੋਟ ਹੋਇਆ। ਵਾਇਰਲ ਮੈਸੇਜ ਦੀ ਪੂਰੀ ਕਹਾਣੀ ਸੁਣਨ ਤੋਂ ਬਾਅਦ, ਲੋਕਾਂ ਦੇ ਮਨਾਂ ‘ਚ ਪ੍ਰਸ਼ਨ ਇਹ ਸੀ ਕਿ ਕੀ ਵਾਇਰਸ ਦਾ ਸਭ ਤੋਂ ਬੁਰਾ ਦੌਰ ਸੱਚੀ ਸ਼ੁਰੂ ਹੋ ਗਿਆ ਹੈ? ਕੀ 3 ਅਪਰੈਲ ਤਕ ਜ਼ਰੂਰੀ ਚੀਜ਼ਾਂ ਲਈ ਘਰ ਤੋਂ ਬਾਹਰ ਨਿਕਲਣਾ ਖ਼ਤਰਨਾਕ ਨਹੀਂ ਹੋਵੇਗਾ?

ਦਾਅਵੇ ਦੀ ਸੱਚਾਈ: ਏਬੀਪੀ ਨਿਊਜ਼ ਸਵਾਲ ਦੇ ਜਵਾਬ ਲਈ ਇੰਟਰਨਲ ਮੈਡੀਸਨ ਦੀ ਸਵਾਤੀ ਮਹੇਸ਼ਵਰੀ ਤੱਕ ਪਹੁੰਚੀ। ਉਨ੍ਹਾਂ ਨੂੰ ਮੈਸੇਜ ਦਿਖਾਉਂਦੇ ਹੋਏ ਤੇ ਦਾਅਵੇ ਦੀ ਸੱਚਾਈ ਪੁੱਛੀ। ਉਨ੍ਹਾਂ ਨੇ ਇਸ ਨੂੰ ਅਫਵਾਹ ਦੱਸਿਆ। ਜਦੋਂ ਤੁਹਾਨੂੰ ਸਿਰਫ ਲੋੜ ਹੁੰਦੀ ਹੈ, ਤਾਂ ਬਾਹਰ ਨਿਕਲੋ ਤੇ ਸਾਵਧਾਨੀ ਵਰਤੋ ਜੋ ਡਾਕਟਰ ਨੇ ਤੁਹਾਨੂੰ ਕਰਨ ਲਈ ਕਹਿ ਰਹੇ ਹਨ।