ਪੀੜਤ ਸੰਜੀਵ ਰਾਣਾ ਨੇ ਸ਼ਿਕਾਇਤ ਕੀਤੀ ਸੀ ਕਿ ਚੋਣ ਪ੍ਰਚਾਰ ਦੌਰਾਨ ਸੋਮਦੱਤ ਤਕਰੀਬਨ 50 ਸਮਰਥਕਾਂ ਨਾਲ ਉਸ ਦੇ ਗੁਲਾਬੀ ਬਾਗ਼ ਸਥਿਤ ਫਲੈਟ 'ਤੇ ਆਇਆ ਸੀ। ਆਪ ਸਮਰਥਕ ਲਗਾਤਾਰ ਉਸ ਦੇ ਘਰ ਦੀ ਘੰਟੀ ਵਜਾ ਰਹੇ ਸਨ, ਅਜਿਹਾ ਕਰਨ ਤੋਂ ਰੋਕਣ 'ਤੇ ਉਹ ਕੁੱਟਦੇ ਹੋਏ ਸੜਕ 'ਤੇ ਲੈ ਗਏ। ਪੀੜਤ ਮੁਤਾਬਕ ਬੇਸਬਾਲ ਨਾਲ ਉਸ ਦੀ ਕੁੱਟਮਾਰ ਕੀਤੀ ਗਈ। ਹੁਣ ਇਸ ਮਾਮਲੇ ਦਾ ਨਿਬੇੜਾ ਰਾਊਜ਼ ਐਵੇਨਿਊ ਕੋਰਟ ਨੇ ਕਰ ਦਿੱਤਾ ਹੈ।
ਉੱਧਰ, ਵਿਧਾਇਕ ਸੋਮਦੱਤ ਨੇ ਕਿਹਾ ਕਿ ਸੰਜੀਵ ਰਾਣਾ ਨੇ ਸਿਆਸੀ ਦੁਸ਼ਮਣੀ ਤਹਿਤ ਉਸ ਖ਼ਿਲਾਫ਼ ਕੁੱਟਮਾਰ ਦਾ ਝੂਠਾ ਕੇਸ ਦਰਜ ਕਰਵਾਇਆ ਹੈ। ਸੰਜੀਵ ਭਾਜਪਾ ਦਾ ਮੈਂਬਰ ਹੈ ਤੇ ਉਹ ਉਸ ਦਾ ਟਿਕਟ ਕਟਵਾਉਣਾ ਚਾਹੁੰਦਾ ਸੀ। ਹਾਲਾਂਕਿ, ਅਦਾਲਤ ਵਿੱਚ ਸੰਜੀਵ ਨੇ ਕਿਸੇ ਵੀ ਸਿਆਸੀ ਪਾਰਟੀ ਨਾਲ ਸਬੰਧਤ ਹੋਣ ਤੋਂ ਇਨਕਾਰ ਕੀਤਾ ਸੀ।