ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਜਲ ਸੇਨਾ ਪਹਿਲਾਂ ਤੋਂ ਹੀ ਅਭਿਆਸ ਕਰ ਰਹੀ ਸੀ। ਪਰ 14 ਫਰਵਰੀ ਤੋਂ ਪੁਲਵਾਮਾ ਹਮਲੇ ਤੋਂ ਬਾਅਦ ਬੇੜਿਆਂ ਨੂੰ ਅਭਿਆਸ ਦੇ ਬਦਲੇ ਕਾਰਵਾਈ ਦੇ ਲਈ ਤਾਇਨਾਤ ਕੀਤਾ ਗਿਆ। ਇਸ ਦੌਰਾਨ ਕਰੀਬ 60 ਜਲ ਬੇੜਿਆਂ ਨਾਲ ਭਾਰਤੀ ਤੱਟ ਰੱਖਿਅਕ ਬਲ ਦੇ 12 ਬੇੜੇ ਅਤੇ 80 ਲੜਾਕੂ ਜਹਾਜ਼ ਵੀ ਤਾਇਨਾਤ ਕੀਤੇ ਗਏ।
ਨੇਵੀ ਦੇ ਬੁਲਾਰੇ ਕੈਪਟਨ ਡੀ ਕੇ ਸ਼ਰਮਾ ਨੇ ਕਿਹਾ ਕਿ ਜਲ ਸੈਨਾ ‘ਟ੍ਰਾਪੇਕਸ’ ਅਭਿਆਸ ‘ਚ ਲੱਗੀ ਸੀ। ਜਲ ਸੈਨਾ ਮੁਖੀ ਐਡਮਿਰਲ ਸੁਨੀਲ ਲਾਂਬਾ ਸੋਮਵਾਰ ਨੂੰ ਕੋਚੀ ਬੇਸ ‘ਚ ਟ੍ਰਾਪੇਕਸ ਦੇ ਨਤੀਜਿਆਂ ਦੀ ਪੜਚੋਲ ਕਰਨਗੇ। ਇਸ ਦਾ ਮਕਸਦ ਅਭਿਆਸ ਸੰਚਾਲਨ ਦੀ ਜਾਂਚ ਕਰਨਾ ਤੇ ਭਾਰਤੀ ਜਲ ਸੈਨਾ ਦੀ ਤਿਆਰੀਆਂ ਦਾ ਜਾਇਜ਼ਾ ਲੈਣਾ ਹੈ।