ਫੌਜ ਨੇ ਆਪਣੇ ਬਿਆਨ 'ਚ ਕਿਹਾ ਕਿ ਸ਼ਹੀਦਾਂ ਦੀਆਂ ਲਾਸ਼ਾਂ ਨੂੰ ਅਜਿਹੇ ਤਰੀਕੇ ਨਾਲ ਲਿਪੇਟਣਾ ਭੁੱਲ ਹੈ ਤੇ ਭਵਿੱਖ 'ਚ ਹਮੇਸ਼ਾ ਸ਼ਹੀਦਾਂ ਨੂੰ ਪੂਰਾ ਸਨਮਾਨ ਦਿੱਤਾ ਜਾਵੇਗਾ। ਅਰੁਣਾਚਲ ਪ੍ਰਦੇਸ਼ 'ਚ ਏਅਰਫੋਰਸ ਦਾ ਐਮਆਈ 17 ਹੈਲੀਕਾਪਟਰ ਕ੍ਰੈਸ਼ ਹੋ ਗਿਆ ਸੀ। ਇਸ 'ਚ ਦੋ ਜਵਾਨਾਂ ਤੇ ਪੰਜ ਕਰੂ ਮੈਂਬਰ ਸਣੇ ਸੱਤ ਜਵਾਨ ਸ਼ਹੀਦ ਹੋ ਗਏ ਸਨ।
ਇਸ ਘਟਨਾ ਲਈ ਟਵਿੱਟਰ 'ਤੇ ਕਈ ਲੋਕਾਂ ਨੇ ਰੋਸ਼ ਜਤਾਇਆ। ਕ੍ਰਿਕਟਰ ਗੌਤਮ ਗੰਭੀਰ ਨੇ ਟਵੀਟ ਕਰਕੇ ਇਸ ਘਟਨਾ ਨੂੰ ਸ਼ਰਮਨਾਕ ਦੱਸਿਆ। ਉਨ੍ਹਾਂ ਲਿਖਿਆ- ਮਾਫ ਕਰਨਾ ਏ ਦੋਸਤ, ਜਿਸ ਕੱਪੜੇ ਨਾਲ ਤੁਹਾਡਾ ਕਫਨ ਸੀਤਾ ਜਾਣਾ ਸੀ, ਉਹ ਅਜੇ ਕਿਸੇ ਦਾ ਬੰਦ ਗਲਾ ਸਿਲਣ ਦੇ ਕੰਮ ਆ ਰਿਹਾ ਹੈ।