CM Yogi Adityanath Temple : ਭਾਵੇਂ ਰਾਮ ਨਗਰੀ ਅਯੁੱਧਿਆ (Ayodhya) ਵਿੱਚ ਕਈ ਮੱਠ ਅਤੇ ਮੰਦਰ ਹਨ ਪਰ ਹੁਣ ਇਸ ਸ਼ਹਿਰ ਦੀ ਪਛਾਣ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ (Yogi Adityanath) ਦੇ ਮੰਦਰ ਨਾਲ ਵੀ ਹੋਵੇਗੀ। ਸੀਐਮ ਯੋਗੀ ਦੇ ਕਾਰਜ ਸਥਾਨ ਅਯੁੱਧਿਆ ਵਿੱਚ ਸ਼੍ਰੀ ਯੋਗੀ ਮੰਦਰ ਬਣਨ ਜਾ ਰਿਹਾ ਹੈ। ਯੋਗੀ ਦੇ ਪ੍ਰਚਾਰਕ ਪ੍ਰਭਾਕਰ ਮੌਰਿਆ ਇਸ ਮੰਦਰ ਦਾ ਨਿਰਮਾਣ ਕਰਵਾਉਣ ਜਾ ਰਹੇ ਹਨ। ਮੰਦਰ ਦਾ ਭੂਮੀ ਪੂਜਨ 24 ਫਰਵਰੀ ਨੂੰ ਰਾਮਲਲਾ ਦੇ ਮੁੱਖ ਪੁਜਾਰੀ ਅਚਾਰੀਆ ਸਤੇਂਦਰ ਦਾਸ ਇਸ ਭੂਮੀ ਦੀ ਪੂਜਾ ਕਰਨਗੇ। ਇਸ ਮੌਕੇ ਹਨੂੰਮਾਨਗੜ੍ਹੀ ਦੇ ਪੁਜਾਰੀ ਰਾਜੂ ਦਾਸ ਅਤੇ ਅਯੁੱਧਿਆ ਦੇ ਕਈ ਸੀਨੀਅਰ ਸੰਤ ਸ਼ਿਰਕਤ ਕਰਨਗੇ।

 

ਸ਼੍ਰੀ ਯੋਗੀ ਦਾ ਇਹ ਮੰਦਰ 101 ਫੁੱਟ ਉੱਚਾ ਹੋਵੇਗਾ। ਇਸ ਮੰਦਰ ਦੀ ਲੰਬਾਈ ਅਤੇ ਚੌੜਾਈ 50×50 ਹੋਵੇਗੀ। ਇਸ ਮੰਦਰ ਨੂੰ ਬਣਾਉਣ 'ਤੇ ਕਰੀਬ 4 ਕਰੋੜ ਰੁਪਏ ਦੀ ਲਾਗਤ ਆਵੇਗੀ। ਅਜਿਹੇ 'ਚ ਸਭ ਤੋਂ ਵੱਡਾ ਸਵਾਲ ਇਹ ਵੀ ਹੈ ਕਿ ਇੰਨਾ ਪੈਸਾ ਕਿੱਥੋਂ ਆਵੇਗਾ। ਇਸ 'ਤੇ ਪ੍ਰਭਾਕਰ ਮੌਰਿਆ ਨੇ ਸਪੱਸ਼ਟ ਕਿਹਾ ਕਿ ਉਹ ਇਹ ਪੈਸਾ ਆਪਣੇ ਯੂ-ਟਿਊਬ ਚੈਨਲ ਅਤੇ ਕਈ ਮੁਸਲਿਮ ਸੰਗਠਨਾਂ ਦੇ ਲੋਕਾਂ ਤੋਂ ਸਹਿਯੋਗ ਕਰ ਰਹੇ ਹਨ।

 

ਇਹ ਵੀ ਪੜ੍ਹੋ :  ਹਰਿਆਣਾ ਦੇ ਗੁਰਦੁਆਰਿਆਂ ਦੇ ਪ੍ਰਬੰਧ ਨੂੰ ਲੈ ਕੇ ਤਣਾਅ, ਵੱਡੀ ਗਿਣਤੀ ਪੁਲਿਸ ਤਾਇਨਾਤ

 24 ਫਰਵਰੀ ਨੂੰ ਹੋਵੇਗਾ ਭੂਮੀ ਪੂਜਨ 

ਅਯੁੱਧਿਆ ਦੇ ਕਲਿਆਣ ਭਾਦਰਸਾ ਪਿੰਡ ਦੇ ਮਾਜਰੇ ਮੌਰਿਆ ਦੇ ਪੂਰਬ ਵਿੱਚ ਸ਼੍ਰੀ ਯੋਗੀ ਮੰਦਰ ਬਣਨ ਜਾ ਰਿਹਾ ਹੈ। ਮੰਦਰ ਬਣਾਉਣ ਲਈ 24 ਫਰਵਰੀ ਨੂੰ ਭੂਮੀ ਪੂਜਨ ਕੀਤਾ ਜਾਵੇਗਾ। ਭੂਮੀ ਪੂਜਨ ਲਈ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੂੰ ਵੀ ਸੱਦਾ ਪੱਤਰ ਭੇਜਿਆ ਗਿਆ ਹੈ। ਇਸ ਦੇ ਨਾਲ ਹੀ ਅਯੁੱਧਿਆ ਦੇ ਕਈ ਸੀਨੀਅਰ ਸੰਤਾਂ ਨੂੰ ਵੀ ਭੂਮੀ ਪੂਜਨ ਵਿੱਚ ਸ਼ਾਮਲ ਹੋਣ ਲਈ ਸੱਦਾ ਪੱਤਰ ਦਿੱਤੇ ਗਏ ਹਨ। ਇਸ ਮੰਦਰ ਨੂੰ ਬਣਾਉਣ 'ਚ ਕਰੀਬ 5 ਸਾਲ ਦਾ ਸਮਾਂ ਲੱਗੇਗਾ। ਇਸ ਮੰਦਰ ਵਿੱਚ ਭਗਵਾਨ ਦੀ ਮੂਰਤੀ ਦੀ ਥਾਂ ਯੂਪੀ ਦੇ ਸੀਐਮ ਯੋਗੀ ਆਦਿਤਿਆਨਾਥ ਦੀ ਮੂਰਤੀ ਹੋਵੇਗੀ। ਭਗਵਾਨ ਦੀ ਤਰ੍ਹਾਂ ਮੰਦਰ 'ਚ ਰੋਜ਼ਾਨਾ ਸਵੇਰੇ-ਸ਼ਾਮ ਮੂਰਤੀ ਦੀ ਪੂਜਾ ਕੀਤੀ ਜਾਵੇਗੀ ਅਤੇ ਸ਼ਾਮ ਨੂੰ ਆਰਤੀ ਹੋਵੇਗੀ।

 

ਇਸ ਮੰਦਿਰ ਬਾਰੇ ਰਾਮਲਲਾ ਦੇ ਮੁੱਖ ਪੁਜਾਰੀ ਅਚਾਰੀਆ ਸਤੇਂਦਰ ਦਾਸ ਨੇ ਕਿਹਾ ਕਿ ਇਹ ਆਸਥਾ ਹੈ ਅਤੇ ਪ੍ਰਭਾਕਰ ਮੌਰਿਆ ਸੀਐਮ ਯੋਗੀ ਦੇ ਪਰਮ ਭਗਤ ਹਨ ,ਜੋ ਉਨ੍ਹਾਂ ਦਾ ਵਿਸ਼ਾਲ ਮੰਦਰ ਬਣਾਉਣ ਜਾ ਰਹੇ ਹਨ। ਉਨ੍ਹਾਂ ਨੇ ਸਾਨੂੰ ਭੂਮੀ ਪੂਜਨ ਲਈ ਸੱਦਾ ਦਿੱਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਸ ਮੰਦਰ ਵਿੱਚ ਸੀਐਮ ਯੋਗੀ ਦੀ ਮੂਰਤੀ ਦੀ ਪੂਜਾ ਕੀਤੀ ਜਾਵੇਗੀ। ਸਾਨੂੰ 24 ਫਰਵਰੀ ਨੂੰ ਭੂਮੀ ਪੂਜਨ ਲਈ ਸੱਦਾ ਮਿਲਿਆ ਹੈ ਅਤੇ ਅਸੀਂ ਇਸ ਵਿੱਚ ਹਿੱਸਾ ਲਵਾਂਗੇ।

ਹਨੂੰਮਾਨਗੜ੍ਹੀ ਦੇ ਪੁਜਾਰੀ ਰਾਜੂ ਦਾਸ ਨੇ ਕਿਹਾ ਕਿ ਯੋਗੀ ਜੀ ਵਿੱਚ ਸਭ ਦੀ ਆਸਥਾ ਅਤੇ ਸਭ ਦਾ ਵਿਸ਼ਵਾਸ ਹੈ। ਇਸ ਕਰਕੇ ਸਾਰੇ ਹਿੰਦੂ, ਮੁਸਲਮਾਨ, ਸਿੱਖ, ਈਸਾਈ ਪ੍ਰਭਾਕਰ ਮੌਰਿਆ ਦਾ ਸਾਥ ਦੇ ਰਹੇ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਸਪਾ ਨੇਤਾ ਸਵਾਮੀ ਪ੍ਰਸਾਦ ਮੌਰਿਆ 'ਤੇ ਵੀ ਵਿਅੰਗ ਕੱਸਦੇ ਹੋਏ ਕਿਹਾ ਕਿ ਉਨ੍ਹਾਂ ਨੂੰ ਤੁਰੰਤ ਆਪਣਾ ਨਾਂ ਬਦਲਣਾ ਚਾਹੀਦਾ ਹੈ। ਸਵਾਮੀ ਕੌਨ, ਪ੍ਰਸਾਦ ਕੌਨ, ਮੌਰਿਆ ਕੌਨ। ਮੌਰੀਆ ਸਾਮਰਾਜ ਸ਼ੁੱਧ ਭਗਤਾਂ ਦਾ ਹੁੰਦਾ ਹੈ। ਮੌਰੀਆ ਸਮਾਜ ਸਨਾਤਨ ਪ੍ਰੇਮ ਸਭ ਤੋਂ ਮਹੱਤਵਪੂਰਨ ਕੜੀ ਹੈ। ਸਵਾਮੀ ਪ੍ਰਸਾਦ ਮੌਰਿਆ ਨੂੰ ਟੈਰਰ ਫੰਡਿੰਗ ਕੀਤੀ ਜਾ ਰਹੀ ਹੈ। ਇਸੇ ਲਈ ਉਹ ਹਿੰਦੂ ਨੂੰ ਹਿੰਦੂ ਤੋਂ ਵੱਖ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।